مكياج ابتهال مشغل لمسات

اهلين حبيبتي .. أول شي مبروك على الملكة وربي يتمم لك على خير ان شاء الله
ثانيا .. انا لي تجربة مع لمسات في ملكة اختي و ملكة بنت خالي ، أختي قالت لهم ملكة وحجزت باكيج ملكة ب 2500 ريال و الصراحة كانت روعة وطلتها حلوة
مكياج ناعم بس طلته من جد ملكية و الأساس مناسب لها وان كنا حسيناه فاتح بس مع الاضاءة وكدا طلع مرة مناسب لا غامق ولا شي
و عملولها مساجات و عناية قبل الملكة خاصة بالباكج ، بنت خالي كانت برضه ملكة بس ما قالت لهم وبالعكس طلبته ناعم و فعلا كان جدا نعوم
مافيه مبالغة و الأساس ممتاز جدا و بس اللي أبرزها كعروس كان فستانها لأنه طبعا منفوش ومشغول وكونها العروس ما يحتاج اكيد بتيبن
يعني مع الزفة >>> لا ياشيخة !!
الموهم .. انا حسيت بفرق بين لما قالت لهم اختي وطلتها وطلة بنت خالي .. الأفضل تقولي لهم حتي لو حضيرة لو تقولي شبكتي .. المهم يعرفوا انك لازم تكوني مميزة
الصراحة لمسات مشغل 90% من اللي جربوه ارتاحو معاه و ناسبهم و حاليا انا كمان حاجزة عندهم باكيج فرحي باذن الله كمان 20 يوم
وكمان ابتهال لها سمعة طيبة ماشاء الله والباقيات فيهم الخير والبركة .. ونصيحة مهما انمدح في شغل صالون انتي كمان لك نظرتك
فخلي عينك عليهم ولو ما عجبك شي في وقتا كلميهم يعدلوه و ما بتلقي الا اللي يرضيكي باذن الله ياعسل
مبروك مقدما وربي يسعدك ويتمم لك على خير

الله يسعدك يارب ويعطيك العافيه ع الرد
يعني تنصحيني اقولهم ملكة والا لا ؟؟
وابغى اعرف منك الله يوفقك بكيج الملكة ايش يشمل خدمات ؟؟
واختك وبنت خالتك تصلحوا عند مين بالضبط ؟؟؟

عند مين اتصلحت بنت خالي والله ما عرف
لكن اختي مكياجها اتوقع كان عند لطيفة اتوقع و شعرها سميرة سعيد
وانصحك تقولي للي بتسويلك المكياج انها ملكة بس البيت بس لا زم تعرف انك عروس ولك طلة لازم تفكر فيها
البكج تبع الملكة مو فاكرا كويس بس اتذكر انه كان يحوي حمام مغربي بالعودة و جلسة عناية باليد والرجل
وواكس للجسم او للوجو واحد فيهم
و تنظيف بشرة و شعر و مكياج ورموش يوم المناسبة و عدسات واظافر تركيب

انا انصحك تقولي لهم لانه يختلف مكياج العروسه عن العادي
على الاقل يهتموا فيكي حبتين
ولاتفكري بالاسعار لانها ليله عمر
بالتوفيق ياغاليه

الله يسعدكم اللي دريتوا علي
ويوفقكم ويفرج همكم ويحقق لكم كل اللي تتمنوا
جزاكم الله خير

الف الف مبروك