ملتقى بنات الدوحه لافضل خبيرات التجميل

هلا حبيبتي الالماس
تسلمين على هالموضوع وياليت نلاقي تفاعل بنات قطرر
انا عن نفسي صارلي تقريبا كم سنه اتعامل مع اشواق ومكياجها متنووع وروعه حتى بودرتها
بس الله بهداها كنت ابي احجزها حق عرس اختي طلعت مشغوله واللحين انا ادور وحده مكياجها حلو
انا سالت اشواق وامدحت لي مكياج وحده اسمها ساره امان واختها امل امان بس مادري للحين
والله يعين
يالله بنات اذا عندكم حد قولوا لا تغبوون ترى الحاله ناشفه ههه ومتوهقه

فكره حلوه يالالماس
حبيبتي عوشوه يا كثرهم اللي يمكيجون عندج عبير و دينا و شريفه شريم وشريفه المهندي وبثينه و الهام

وازيدكم في سعاد البلوشي..
وبالنسبه للصالونات.. جاك ديسانج ودايموند والماجدة وظفاير

تسلمين اختي الالماس عالفكره الحلوه
اذا كنتي العروس فأحسن وحده تمكيجج عبير
واذا كنتي اخت العروس الهام
واذا كنتي من المعازيم مها ( لان أساسها مب الفلاش)
وهذي مها شامله تسوي كل شي وتجيج البيت
سعرها ارخص من الصالونات وشغلها وايد حلو
حتى الشعر تسويه بدقه ولا يخترب
لكن اذا انج بتسلمين وتطلعين
فيستحسن انج تغامرين وتمكيجين نفسج بنفسج
وانشالله ايامكم كلها افراح

عندكم بعد امينه الجاسم
امل وساره امان مكياجهم حلو ورسمتهم حق العين فظيعه بس مشكلتهم في الاساس يذوي بسرعه

مشكوره حبيبتي
ولو سمحتي اطرشين ارقام تيلفوناتهم على الرسائل الخاصة او على شكل مسج

بصراحه ..............طول عمري اعتمد على نفسي في المكياج
ومرهرحت لصالون مقرف اسمه ( الصالون التخصصي) وكانت معملتهم زفت الزفت
كأن الواحد جاي يشحت عندهم ...و عملو لي مكياج الله لا يوريكم
خلوني مهرج مع ان ملامحي ناعمه وسهله جدا جدا للمكياج
والي مكيجتني واحده لبنانيه
و انا اول ما دخلت الصالون ماكنت هذي اللبنانيه موجوده و اضطريت انتظرها لحد ماتوصل
و تخيلو انتظر لحد الساعه 9 المساء و كان لازم اطلع من الصالون الساعه 7
و غير روحت البيت على طول علشان اغسله
المهم .........
خلاصه الموضع انا ماروح كوافير الا اذا بعمل شعري او حواجبي فقط لاغير
اما المكياج اعرف اضبطه لنفسي
و كل الناس تندهش اني في عمر صغير واعرف اسوي مكياج بالشكل هذا

مشكورين كل من شارك فالموضوع ونورتوا والله فديتكم يابنات قطر ..
صدق انقهرت لما شفت موضوعي الاول انحذف عشان الارقام .. رغم انه كثير مشاركات فيه وكان استفدنا بارائهم ..
بس الحمد لله فيكم البركه انشالله نتبادل الخبرات عن الممكيجات واسعارهم ..
على طاري الممكيجات احد سمع عن ((( ايمان علي ))) تمكيج ويمدحون مكياجها بس ماشفته فاليت احد يفيدني عنها اي معلومه .. بلييز بسرعه باقرب وقت لانه عندي عرس قريب وابغي احجز عندها على مدح الناس ..شرايكم ؟؟

السلام عليكم ورحمة الله وبركاته
الله يعطيكم العافية اختي