ملف عن الذ واطيب الساندوتش فى العالم

& اكواب كودو الدجاج &
المقادير :
صحن دجاج فيليه مقطع مكعبات
فلفل رومي نصف حبه ومقطع اعواد(ولو حبيتي تلونين بيكون احلى بعد )
بصله متوسطه مقطعه جوانح
ثوم حسب الرغبه مقطع شرائح
ملح +فلفل + بهارات
نصف كاس كريمة خفق +2 ملعقة صوص الصويا ملحه او معتدله
خبز فرنسي او صامولي
جبن موزريلا مبشور
الصوص :
نصف علبة زبادي + ملعقة مايونيز + ملعقة خردل + ملعقة صغيره كاتشب + ملعقة عصير ليمون + ملعقه صغيره خل ( تقدرين تضيفين شطه اذا تبغينها حاره ) >> تخلطينهم مع بعض
الطريقه:
في قليل من الزيت نضع البصل والثوم حتى يصبح شفاف
نضيف الدجاج المقطع واذا بدا يستوي نضيف الملح والفلفل والبهارات والفلفل الرومي >>صورت قبل ما احطه
بعد مايستوي الدجاج نحط خليط الكريما عليه ونقلبه مع بعض وكذا تكون الحشوه جاهزه
نقطع الخبز بهذا الشكل
نفرغ جوف كل جزء بحيث ما نصل للنهايه
ندهن جوف الخبز بالصوص ونحشيه بخليط الدجاج ونصفه بصينيه عميقه او قدر (بحيث تكون واقفه )
نرشها بجبن الموزريلا ونحمرها من فوق لين تذوب الجبنه وتتحمر
وهذا شكلها النهائي
&سندويتشات الدجاج بالخردل &
المقادير :
صحن دجاج فيليه مقطع مكعبات
التتبيله ( 3 م خردل ملح حسب الرغبه رشة فلفل اسود نصف ملعقه صغيره بودرة التشيلي )
خس مقطع شرايح طوليه
طماطم مربعات
خردل
مايونيز
خبز توست
الطريقه :
نتبل الدجاج بالتتبيله ونحطها بالثلاجه ساعه ع الاقل عشان تمتص التتبيله تمام
نطبخ الدجاج على النار بدون اي اضافات لين يستوي
نحط الخس في زبديه ونضيف له ملعقه كبيره مايونيز ونصف ملعقه خردل
نجيب شريحة توست ونحط طبقه من خليط الخس ثم مكعبات الطماطم ثم الدجاج
نغطيها بشريحة توست ونضغطها بالة التوستر قم نقسمها مثلثات
وهذا الشكل النهائي
&تاكو سريع &
المقادير :
برجر لحم مقلي ومقطع مربعات(6 شرائح تقريبا )
نص حبه من الفلفل الرومي (احمر- اصفر - اخضر -برتقالي )مقطعه شرائح طوليه
بصله متوسطه مقطعه جوانح +2 فص ثوم مقطع شرائح
جبن تشيدر مبشور
خبز التاكو الجاهز (موجود في قسم المؤكولات المكسيكيه )
وهذي صورته
الطريقه:
نحط البصل والثوم على النار مع شوي زيت لين يذبل
نحط الفلفل الالوان والملح والفلفل والبهارات ونقلبها لين تذبل مع بعض
نضيف البرجر المقطع ونقلب الجميع مع بعض
وبكذا تكون الحشوه جاهزه
ندهن الخبز بالمايونيز ونحط الحشو
ونرشه بالجبن التشيدر
ولو حبينا ممكن نحطه بالفرن شوي لين تذوب الجبنه ..
وهذا الشكل النهائي
&سندويتشات الكاساديا المكسيكيه &
نبدأ بالمقادير :
خبز تورتيلا >> اذا تحبين جاهز او تسوينه بطريقتك
الحشوه 1:
عصاج لحم بصلصة الطماطم
جبن ابيض مفتت ومخلوط مع بقدونس مفروم وسماق
جبن موزريلا
الحشوه 2:
دجاج فيليه مقطع مكعبات ومحموس مع بصل وثوم وفلفل الوان وصلصة التاكو >> ماخذه طريقتها من ام فهودي الله يسلم يديها
وهذي صورته
جبن موزريلا
طريقة الحشوه 1 :
نجيب خبز التورتيلا ونحط على جهه وحده خليط الجبن الابيض
بعدين نحط اللحم المفروم
بعدين نرش جبن الموزريلا
بعدين نطويها بحيث تتشكل لنا نصف دائره
طريقة الحشوه 2 :
نحط الموزريلا على جهه وحده من الخبز بعدين نحط خليط الدجاج ونرش طبقه ثانيه من الموزريلا
ونطويها بشكل نصف دائره
نصفها بصينية فرن ونحمرها من فوق
وبعدين نقلبها ع الجهه الثانيه ونحمرها
وعند التقديم نقسمها بالنصف
وهذا شكلها النهائي
هذي حشوة اللحم
وهذي حشوة الدجاج

• *كلوب برجر **

المقادير :
شرايح برجر دجاج مقليه خبز توست جبن سلايس طماطم شرايح بصل ابيض شرايح خس شرايح طوليه مايونيز خردل
والطريقه سهله جدا ... وبالخطوات المصوره :

• نجيب زبديه ونحط فيها الخس ونحط المايونيز والخردل بحيث تكون كمية الخردل نصف كمية المايونيز ... يعني لا تكثروا منه عشان ما يعطي طعم مر .... ونقلبها مع بعض بالملعقه

نجيب شريحة توست وندهنها بالخليط السابق

• نحط شريحة طماطم
• بعدها نحط البرجر المقليه
• وبعدين الجبن سلايس
• بعدين شريحة البصل الابيض

ونغطيها بشريحة توست ونقص اطرافها
نقسمها بالنص بحيث يتكون لك مستطيلين من كل ساندويتش ونرتبها بصينية فرن
وندخلها الفرن ونشغل العين العلويه بحيث تتحمر كل القطع من فوق نطلعها ونقلب القطع ع الجهها الثانيه ونحمرها
&اسرع عجينة بف بالعالم &
المقادير :
2 شريحة بف باستري
نصف كاس ماء دافئ
كوب طحين
رشة ملح
الطريقه :
نخلط شريحتي البف باستري مع الماء حتى يتكون لدينا سائل ثقيل
نضع الخليط على كوب الطحين في زبدية العجن ونعجن حتى تتكون لها عجينه مطاطيه
(زيدي كمية الطحين بالتدريج اذا احسست ان العجينه تلتصق باليد )
نفرد العجينه مباشرة على سطح مرشوش بالطحين
نضع الحشو المرغوب بداخلها
ونطويها ونشكلها بالشكل المرغوب
ونقليها في زيت غزير مع ملاحظة رشها بالزيت اثناء القلي حتى تنتفخ
هذي العجينه مميزه جدا ... تنفع للتفريز ... وتنفعك اذا كنتي بتسوينها بنفس اليوم لأنها ما تخمر ...
واقتصاديه جدا ... غير كذا نجاحها مضمون ...