ملكتي قريبه سآإع دوني

هلا حبيبتي
لا مايشوفك زوجك عند الشيخ
وممكن اتحطين كوشه وومكن لا
وممكن اتجيبين مصوره وتكلمينها من قبل لاتدخل عليكم
والله يوفقك ياربي ويسعدك
واي سوال انا حاظره

ربي يتمم لك على خير ويوفقك
1_ حبيبتي لا خطيبك ماحيشوفك عند الشيخ
2_ هي حلوة الكوشه وعلى حسب المكان الي حتسوي فيها الملكه لو في البيت مثلا لو تجيبي كرسيين وتحطي ورد وحركات وبس
3_ لا ياحبيبتي الصور معاكي
ربي يوفقك ويسهل امورك

وعليكم السلآآآآآم
1_ مدري والله ...
2_ على حسب مكآن الملكه اذا في استرآحه والا بيت بس الافضل تسوين ...
3_ بتكون معك ومايمنع انك تعطينه كم صوره تفرحينه بهآ ...
4_ حتى انا ابي معلومات اكثر ......

حآبه آسئلكم كم سؤال :
1- هل خطيبي بيشوفني عند الشيخ .. يعني عشآإن اكشخ ؟؟؟
لاحبيبتي مابيشوفك ..
2- وهل بالملكه لآزم كوشه ؟
على حسب إذا بتكون عائليه جيبي كرسي سوي تشريع له .. وحركات دلع ورد... بلونات مثلا او شموع .. هيك
3- وبالملكه آحنآ آكيد بنجيب مصوره بس الصور بتكون معآإي ولامعآإه
لايالغلا معاكِ اكيد
4- ياليت تعطوني معلومات اكثر عن الملكه لآن وربي مآآآآآعندي خلفيه وانا لسى صغيره
الله يحفظك ويسعدك
بالملكه شغلي شريط افراح ... واذا دخل عليك العريس شغلي اغنيه مناسبه له ... وكوب عصير لك وله تلقيناها بالمحلات وكيك ...
واكيد المعازيم هاتي لهم صحن فخم من شوكلاين او باتشي
وصحن فطاير ... وام هذا اللي اعرفه
ربي يوفقك

يآلبى قلبك م والله
آفدتوني بالمعلومات
الله يسعدكم ويوفقكم دنيآ وآخ ره

وعليكم السلام ورحمة الله وبركاته
بخير الحمدلله طيبين
ا
نتي شخبارك؟ وكيف النفسيه؟
اول شي ربي يوفقك ويسعدك ويكتبلك مافيه خير وصالح
يله نبدأ بالتعليمات ههه:
1-خليك حبيبتي جاهزه للطواريء يعني فيه ناس يطلبون انهم يشوفون وقت مايتملكون وفيه ناس لا
انا بنت خالي نفسك اول شي تملكت يعني بس رجال وبعدين الحريم ولما ملك طلب انه يشوفها وطبعا ماكانت متجهزه اصلا كانت جايه وهي توها متروشه والظاهر نص الشعر مستشور ونصه لا
وشوفي يالغلا مويعني تتجهزين الحين تروحين لي كوفيره وتصبغين وتسوين حفله بعمرك لا البسي لبس نعوم ومكياج خفيف مره ويكون احسن لوتحطين كحل داخلي ومسكره وقلوس وبس عشان اذا سويتي الملكه تصيرلك طله لاتكشفين اوراقك من البدايه ههه
2- لاتسوين كوشه ولاشي بس دلعي نفسك بالاشياء الموجوده عندك الواحد مولازم يسرف هذي فرحه يعني مو انتي تفرحين وتكسرين ظهر ابوك انا حبيبتي بملكتي ماسويت شي مره واو بس تصدقين كلفت لو اني مشغله مخي كان طلعت احلى وبقيمه اقل يعني ياحلوه خلي غرفه فاضيه وجيبي كرسيين من احسن مجلس عندكم<عشان مايجيك احد ينشب فيك ويقعدلك وعشان كل مين يجي يسلم ويطلع وحطي قدامهم طاوله وانثري عليها ورد صناعي شكله حلو وبنفس الوقت تقدرين تستفيدين منه مره ثانيه وحطي بعد الشموع الصغيره المدوره يطلع شكلها خيال ورشي على الطاوله كلها اكليل واحسن شي ذهبي موعروسه لازم الخرشه ههه
وحلو بعد تحطين كم كرسي يعني عشان الحبايب زي امك وامه وخواته لما يجون يسلمون يقعدون عندك
3- حبيبتي نصيحتي لك لاتجيبين مصوره ولاشي انا بملكتي جبت مصوره وتكلفت عليه من الالفين وزياده وفوق بعد ومره شي مومقنع لاتقولين اجيب وحده ثقه انا جبت الثقه موثقه وبس لاكن توهقت
4- تبين معلومات ابشري يالغلا باللي يسرك ببدأ معك من قبل الملكه طبعا لازم تكونين مضبطه نفسك يعني حلاوه وهالخرابيط من قبل الملكه بكم يوم عشان لوبشرتك حساسه والا صارلك شي ماتتوهقين ثانيا واهم واهم شي تروحين الكوفيره بدري مومثلي صليت العشا مابعد سويت شي ماخلصت الا على11ماقعدت مع احد ولااستانست بملكتي على طول جيت وكل شي صاربسرعه حتى زوجي كان يقول يله متى تجي تملكوا وانا بالكوفيره مره قهر هذا احلى يوم بحياتك استغليه طول بعرض خلصي بدري واقعدي مع خواتك والبنات واستانسي بعد عشان النفسيه تصير حلوه وبعدين اذا بملكتك مافرحتي اجل متى تفرحين؟
ثالثا:حبيبتي فيه ناس كثير يهتمون بالزواج اكثر من الملكه بأشكالهم مع انه العكس المفروض الملكه تهتمين فيها اكثر لان الملكه اول لقاء لك معاه هو واهله وانتي عارفه اول لقاء اشكثر مهم يعني ياخذون انطباع عنك من هذي الشوفه فلازم تكونين كل شي تمام التمام
رابعا: لما تجلسين انتي واياه لحالكم حلاتك تكونين مستحيه ومنزله الراس وكلمه ورد غطاها مو مثل حضرتي خليت البساط احمدي مره مو حلو ماتحسين انك عروسه مره متندمه حتى اصلا احس يجي بباله شي غلط يعني بالعقل وحده اول مره تقعد مع رجال غريب وتفلها مره شي مو حلو
وبالاخير حبيبتي اسأل ربي بهالوقت الفضيل انه يفتحلك ابواب رزقه ويخليلك زوجك يسوي فيك يادهينه لاتنكتين ويجعلك قرة عينه ويجعله قرة عينك ويعمي عينه عن غيرك
يارب ياكريم اجب دعوتي لاختي نواره الحلوه
وارزقني وكل بنات المسلمين
حبيبتي ماابي منك الاتدعين لي ربي يعوضني ويرزقني
اتمني اني اكون افدتك

بنات تكفون ابي اصير مثلكم
ابي احذف الاعلانات وشلون تكفون ردو

اذا تبين هدايا للمعازيم
زوري متجري العنوان بتوقيعي
ومبروك مقدما

البنآت مآقصروا يديهم العآفيه
وربي يوفقك يآرب .,