ملكنا و راح ولا سأل فيني يا صاحبات الخبرة ايش الحل

اخواتي بأقولكم مشكلتي واتمنى صاحبات الخبرة يفيدوني
لأني بجد مليت وتعبت
انا ملكت من شهرين ولا احس بحالي عندي زوج و واحد يهتم فيني
البنات يقولوا هذي احلى ايام لا تفوتيها وانا شايفتها عادية جداً اكلمه نفس
ما اكلم ابوي و اخوي
اقولكم من البداية لما ملكت جلست عشر ايام لا زارنا ولا سأل ولا كلمني ولا كلمته
ولا ادري عنه .. بعدين زارنا فجأه وخلتني امي اطلع اسلم عليه .. ما جلست معه لأن كنت
مستحيه مره بسرعه سلمت وطلعت .. وخليت أمي تعطيه رقم جوالي وعرف انه لي ومعاي
بس ما اتصل ولا سأل ..!
المره الثانية لما زارنا جاب لي جهاز جوال جديد ( هدية ) وسألني اذا رقمه عندي قلت لا
قال رقمك معاي .. وعطاني رقمه .. وانتهينا ..!
ما دق علي ثاني ما فكر يكلمني او يتقرب .. بينا مليون حاجز لو كسر واحد واتصل ..!
مرت ايام على نفس الحال الين ما شجعتني صديقتي انا أبدأ و ارسل له رساله .. وفعلاً صار
وارسلت له رسالة مضمونها شلونك وكذا يعني ... و سألته ليش ما تتصل
راح رد عليها وقال انه بالدوام ومشغول ..ومشتاق لي .. وراح اكلمك بكره
جا بكره واتصل وسألته ليش من اول ما كلمتني قال شافني مستحيه ما بغى يزيدني
ورجع قطع ثاني لا اتصال ولا رساله .. إلين ما تحججت بموضوع و ارسلت له قام اتصل
وسولف عادي .. صارت مكالماته لسبب اكثر شي اكون انا اللي ابدأ
وكل اعذاره انه ما يبغى يحرجني
يا بنات تخيلن مره جلس ثلاث ايام ما كلمني وكنت قبل مرسله له مسج ابغاك بموضوع
جلس ثلاث ايام اليوم الثالث دق وقال انه كان منشغل مع شباب بطلعه نفس وضع الاستراحه وكذا
انا حلووة الحمدلله لكن عمره ما قالي انتي حلوه .. ولا مدح بشي فيني
احاول اسحبه واخليه يتكلم لما عجزت
تخيلوا اقوله ابغى اقص شعري ما يعلق .. اقوله ابغى اسجل بنادي عشان انحف مع اني ماني
مليانه جسمي الحمدلله بشهادة الكثير مره حلوو .. المهم يروح يسألني عن النادي ومميزاته
ويثني على القائمين عليه
احاول انا امدح فيه كود يبادلني نفس المديح بس بدون فايدة
طفح بي الكيل وعجزت رحت وصارحته بأنه ما يهتم فيني ولا هو محسسني بوجوده بحياتي
واذا نستمر على هذا الوضع الانفصال بأول حياتنا افضل
صار وش يسوي ..؟ فجأه يرسل لي هذا أحلى صباح بحياتي ( ما اذكر صار شي مميز بهذاك الصباح )
وبرسايل بس بين فترة وفترة يحط له كلمه حلوه مثل احبك وحبيبتي وباين انها من برا قلبه
بس عشان يسكتني ويشري راسه .. فصرت اسكت وابلع كل شي وانا ساكته
قدام اهلي هو ما قصر دايم يرسل هدايا و تمر قدام البيت كله لما اجي اتكلم ما احد يصدقني
يقولوا احمدي ربك انتي ما فيه شي عاجبك
يا بنات انا تعبت والله
نفسي احس حالي ملكت زي باقي البنات اللي يملكوا
نفسي يقول كلام حلو و يتغزل و يرسل رسائل حلوة يهتم انه يجينا دايم
كل من شافني تمناني ليش اللي انا صرت له وحلاله ما يتكلم ويحسسني بأنوثتي
ادري اني حلوة بس لما زوجي هو اللي يتكلم غير
اقله شعري يعلق عليه ... الباقي هين يمكن مع العشرة يتكلم