مليت من الوحده

1. والخميس من اول مايصحى يروح لاهله ومايرجع الا اخر الليل والجمعه كذلك

باختصار يابنات مشكلتي اننا ساكنين بنفس ديرة اهلي واهل زوجي
وزوجي دايم عند اهله ولا مع اخوانه بالاستراحه وانا مليت طقيت وانا اروح لاهلي واذا جلست بالبيت اجلس لحالي حتى ولدي احيانا ياخذه ويروح لاهله وانا منطقه لحالي وحيده
غدا مايبي يقول شبعان ماكل في الدوام .. العشاء معروف لازم مع اخوانه قليل جدا جدا يتعشى معي
واذا صار عندي في البيت التلفزيون يرفع صوته يلعلع كله مباريات وتحليل كوره وخرابيط ولا هو لمي
مليت من حياتي تخيلو الاربعاء والخميس والجمعه مو من حقي ابدا
الاربعاء اصلا انا احب اروح لاهلي خواتي كلهم يتجمعون بهذا اليوم

والخميس من اول مايصحى يروح لاهله ومايرجع الا اخر الليل والجمعه كذلك

واذا رحت لاهلي يتأخر يجي ياخذني واذا غصبته نزلني في بيتي ورجع لاخوانه حتى لو اننا متأخرين يعني الساعه 12
يعني مستحيل اقدر اسوي ليالي رومانسيه مثل الحريم لانه ايام الاجازات ماهي لي يجي ينام وبس والباقي يصير عنده دوام وماله خلق ..... بس مره فرحت وقدرت اصيده وسويت ليله حلوه ليه ؟؟؟ لان اهله كانوا مسافرين يحضرون زواج واستغليتها
وش هالحياة والله العظيم مليت مليت
صح انا مااظلمه مره كل اسبوعين واحيانا كل 3 اسابيع نطلع نتعشى سوى وهذا اليوم انتظره كثير افرح فيه
اللي يصبرني على هالحياة انه الحمد لله مايجي منه اذى يارب لك الحمد وفيه طيبه ويحترم اهلي
احس فيني خنقه وعبره ودي ابكي ودي نغير ديرتنا ونصير لحالنا بعيدين عن اهالينا علشان نعيش حياتنا
ملاحظه : لاتقولون ان العيب فيني انا علشان كذا مايقعد عندي لا والله كل اخوانه نفس الطريقه 24 ساعه عند اهلهم حتى بناتهم المتزوجات كذا ماشاء الله لمه مايتفرقون ابد