مليون بوسه

مليون بوسه
مليون بوسه ما تسد اعجابي
والله ولا تسوى حلاة عيونك
اضحك ترا حبك غدا محرابي
فيه ابتهل يا دنيتي وآصونك
أهواك ليما الليل سد ابوابي
وأقراك ليما الصبح شاف جفونك
روحي اضمك في عظيم كتابي
وأنزف على صدر الورق "مجنونك"
واكتبك لين الحبر عدا اعتابي
وادري قصيدي ما يجيب ردونك !
لو قلت"أحبك"كل قلب (ن) ذابِ
الحب وأهل الحب ما يشرونك
وإن قلت " أعيشك " ظنني كذابِ
والله واتنفس صغير شؤونك
مليون جرح (ن) ما يسد عتابي
لو قلت أنا أقدر أسير بدونك
وشهي الحياة إن ما عشت بأهدابي
وش هو أنا إن ما سكنت متونك
كلي عشقتك ما بقى بأعنابي
شي (ن) تحبه غير باس جنونك
بوسه على بوسه تزيد حسابي
مليون من قلبي وأبي مليونك
خلني بروحك جنتك واحيا بي
اضحك وفرِّحْ بالهوى مضنونك
بالله أحبك دوك كل أسبابي
دونتها في بوستي لعيونك