ممكن اجابه يابنات دبي

* الالماسة*

10-05-2022 - 10:12 am

ياحلوات دبي انا رايح دبي ابغى اتسوق لشتاء ممكن تدولوني على محلات ومراكز فيها بضائع حلوة للشتاء ؟؟
بليز عاجل ؟؟

التعليقات (9)

* الالماسة*

10-05-2022 - 01:50 pm

افا ولا رد على الاقل ردو وقولو مانعرف؟؟
بس جبر بالخاطر

باقة الزهور

10-05-2022 - 02:51 pm

مرحبا فياج في دبي والله دبي وين بتمشين فيها فيها مراكز وايد حلوة مثل الغرير البستان وافي ومركز حمرعين والمنال وإاذ ا تبين لبس ويد حلو لشتاء سير مصانع عجمان في إمارة عجمان يعيدة عن دبي نصف ساعة بس فيها أشياء وايد حلوة وماركة عالمية بعد فيها بيجامات نوم وملابس أطفال وشراشيف وهذا غير ملابس الحريم من بديات وقمصان وتنانير روعة .

* الالماسة*

10-05-2022 - 03:52 pm

احلى باقه زهور انتي تسلمي على المرور؟؟

عسلاية

10-05-2022 - 04:53 pm

هلا والله وحياج الله في الامارات بعدد لج المراكز وان شاء الله تستفيدين
طبعا أول شيء من غير ما أقول( سيتي سنتر)
مركز برجمان
مركز ابن بطوطة
امارات مول
ميركاتو
مركز وافي
رحلة سعيدة هاهاهاهاهاهاهاي

joori_7amar

10-05-2022 - 05:54 pm

حياج الله!
ان شاء الله بتلقين كل اللي تبينه في دبي..
مثل ما قالوا خواتي..وين ما تسيرين بتلقين مراكز حلوة..
بعدد لج شوي بعد
صحارى سنتر (بين دبي و الشارجة)
ديرة سيتي سنتر (في القرهود)
مركز الميجا مول (في الشارجة)
أبراج الامارات (قريب مركز وافي في بردبي)
لامسي بلازا (بعد في بردبي قريب الكرامة)
اذا كنتي تبين محلات معينة تراج بتلقين في أي محل تمرينه..
بعدد لج كم محل أعتقد ان فيهم ملابس شتوية..
برومود (في سيتي سنتر، يمكن في وافي، و يمكن في ميجا مول)
دبنهامز (سيتي سنتر، صحارى سنتر)
ماركس اند سبنسر (صحارى سنتر، و عند تويز ار اس قريب مركز الغرير)
نكست (سيتي سنتر،برجمان،صحارى)
ريفر أيلاند (سيتي سنتر، يمكن في صحارى)
زارا (سيتي سنتر، برجمان)
مانجو (سيتي سنتر، برجمان)
xoxo (برجمان، و يمكن الغرير)
ان شاء الله قدرت افيدج و ان شاء الله تستانسين في دبي و تلقين اللي تبينه!
السموحة

* الالماسة*

10-05-2022 - 06:55 pm

تسلمن حبيباتي على الافادة مشكورات من الاعماق

دبيزه

10-05-2022 - 07:56 pm

مشكورة ياالالماسة على موضوعك انا برضوه حابه اعرف زيك0
حبيبتي باقة الزهور ممكن اسالك عن مصانع عجمان في إمارة عجمان وين موقعها بالضبط في عجمان علشان أنا قد جيت 7 مرات للإمارات أول مره اسمع عنه وكيف اسعارهم ويستاهل من يروح له ؟؟

SiLent CaT

10-05-2022 - 08:57 pm

ماشاءالله عليكن خواتي بنات الامارات
كفيتن ووفيتن
ومثل ماقالت الغاليه باقة الزهور
مصانه عجمان فيها اشياء وايد حلوه
وكثار يروحونها من السعودين والكويتيين
واتمنى لكي رحله سعيده في ربوع الامارات وقضاء امتع الاوقات
مع محبتي

SiLent CaT

10-05-2022 - 09:58 pm

دبيزه
استسمح الاخت باقة الزهور وبجاوبج بالنيابه عنها
اختيه مصانع عجمان تجي قبل اسواق الامارات
اذا كنتي تدلين اسواق الامارات اللي في عجمان بيسهل عليج الوصول
الاشاره اللي تجي قبل اسواق الامارات خذي دخلة اليمين وتروحين سيده بيقابلج دوار خذي يساره
وبتحصلين اكثر من محل فيها مايسر الانظار ويوافق جميع الميزانيات
ويامرحبابكن في ربوع الامارات واتمنى لكن طيب الاقامه
مع محبتي

فساتين اكثرمن روعه لزهير مراد لشتاء 2006←
اخواتي ابغي طرحات عجيبه وغريبه وشو احسن نوع قماش للطرحات ارجوا المساعده→