ممكن اعرف ارائكم بموضوعي

مساء الخير يا احلى فراشات بالكون اخباركم ان شاء الله تكونو بالف خير اي ونسيت اقولكم كل عام وانتو بخير وعساكم من عواده انا دخلت قسم المكياج عسى القى حل لمشكلتي ومعتمده على الله ثم عليكم وياليت تساعدوني ولاتخيبون ظني ولكم مني ادعيلكم من كل قلبي انا بشرتي جافه استخدمت كريستن ديور كان زين يمشي بس ريحته قويه مااحبها وبعدين بالصدفه خلص مكياجي لما كنت بمكه وقلت اروح المجمع واخذ لي غيره دخلت محل بمجمع زمزم وسالت الي يبيع اذا عندهم كريستن ديور قال ماعندنا ولا حتى بتلقين بالمجمع كله قلت مو مشكله اشوف غيره يمكن تكون فرصه القى احسن منه لاني الصراحه اخاف اجازف المهم تشجعت وخذت اف سان لوران وطلع الصراحه لوعه يجفف الوجه ويطلع قشور بالخدود اف وتحسفت اني اخذته والي قهرني زياده اني لما اشتريته اول ماطلعت اتمشى بالمجمع الا واطيح عيوني على ذاك المحل الي شكبره ولقيت عنده كرستن ديور وقسم بالله مت من الحره عقب ماجذب علي ال.......... والا ابلعها احسن خ
المهم شكلي طولت عليكم وكتبتلكم قصه حياتي ابي اعرف شنو احسن نوع كريم اساس يطلع الوجه طبيعي وفيه لمعه ولو مافيها كلافه ابي اعرف بعد احسن كحل ومسكارا وبلشر وشادوالي تعرف لاتبخل علي ارجوكم ساعدوني وجزاكم الله خير يا احلى فراشات