ممكن خبرتكم يابنات

يافراشات يمكن مارديتو لاني ماوضحت وشالمطلوب منكم انا ابي تقترحون علي وش افرشها يعني

في فكره حلوه شفتها مره في بيت وحده من زميلاتي ابدا لك من صبغ الجدران
اول شي الجدارن الوانها احمر وبيج وكالتالي الجدارن اللي على اليمين واليسار احمر معتق والجدار اللي في الصدر يجيك مقلم احمر وبيج طبعا الخطوط مو عريضه تقريبا عرض اللون عشره سانتي والجدار الاخير احمر ساده والبويه طبعا شمواه بس طالع منظرها خيال قسم بالله و اتمنى وضحت لك الفكره
ثاني شي بالنسبه للسيراميك طبعا بورسلان سكري ومو مسوين ارضية الغرفه كامله بورسلان لا اقل تقريبا ثلث مساحة ارضية الغرفه فارشينها موكيت الوانه بيج مع احمر عرفتي يعني ثلثين الارض بورسلان وثلث موكيت والموكيت ماسك زاويه
<<< عدم في التعبير ههه بس ان شاءالله اقدر اوصل الفكره
وأخر شي اثاث الغرفه اللي هو كنب بالقطعه من هوم بلازا لونه احمر وفي تشجيره خفيفه بالبيج بس الغالب اللون الاحمر طبعا مرتب مع طاولاته في الصدر وعلى الجوانب وفي الوجه حاطين طاولة سفره ويمكن هذي الفكرة اكثر شي عجبتني طبعا الطاوله خشب مقنو تتسع لاربع اشخاص مع كراسيها طبعا تقدري تحطي عليها سلة فواكه وشموع ومفارش وحركات انتي وذوقك وفي الزاويه جنب الطاوله حاطين تلفزيون كبير (المسرح المنزلي) وحاطينه بزاويه مو مستوي على الجدار وطبعا قدامه خداديات ثنتين كبار وانتي طبعا براحتك بالنسبه للاكسسوارات
هم عندهم المجلس ذا زياده ومسوينه للبنات بس مع الاضاءات والابجورات والله يجنن يجنن يجنن ماودك تطلعين منه ههه اتمنى قدرت اوصل لك المعلومه واذا مو فاهمه شي انا في الخدمه لان ماعرف اوصف زين هذا طبعا اذا عجبتك
الفكره
حبيت افيدك باللي عندي حبيبتي وتقبلي مروري
تشكرآآآآآآآآآآآآت

معليش نسيت الستاره بيج ساده قطيفه وطويله للارض وممكن اذا حابه تدخلين عليها موديل خفيف بالاحمر الساده من فوق ومن جوا الدانتيل او الشيفون احمر

مشكوره اختي عسوله على مرورك والفكره مره حلوه وتسلمين ياعمري كلك ذوق بس انا ماعندي غير هالمجلس للحريم ودايم عندنا عزايم يعني يبيلي فكره او اقتراح بحيث يكون المجلس اوسع لما يتجمعون عندنا الحريم ومايسير في زحمه ولحد الان ماردعلي غيرك ياعسولة عمري ويعطيك العافيه

طيب حطي طقم من سبع اشخاص واذاصارواكثر جيبي كراسي السفره زياده