ممكن رأيكم في الجدران والسقف والأثاث

السلام عليكم اخواتي الكريمات
بإذن الله راح ننقل لعمارتنا الملك خلال شهرين والله يكتب لنا فيها البركة والخير
احنا اشتريناها جاهزة ودوبها منتهية يعني جديد ما انسكنت
كان نفسي أعمل تجاويف جدارية مع اضاءات وغيرو بس خلاص ماينفع لأن هدا يكون أثناء البناء
راح نسكن في شقة منها
كلها سيراميك سكري فاتح لامع
3غرف نوم+غرفة جلسة+غرفة استقبال نساء+الصالة جانبية
أما الرجال فهناك غرفة بحمامها الله يكرمكم في الحوش
أبغاكم تساعدوني في التالي:
الجدران والسقف بديكورات وألوان
وحبيت أستشيركم فيها تعطوني افكار وبالصور لو تكرمتوا
وأيضا في الأثاث ...وإليكم التفصيل:
1- بالنسبة لاستقبال النساء:
أنا حاليا عندي كنب اشتريته من سنة لساتو جديد وفخم جدا كلاسيك وقطعه كتيرة 18شخص لأن معاه شازلون وأريكة بالخشب المحفور ولونو بني محروق مع ذهبي والستارة عملتها رومانية وطلعت رائعة ولله الحمد
أنا كنت صابغة الجدار هنا في بيتي الحالي بلون برونز فاتح وفيه رسومات بالبني والزوايا بني والسيراميك برونز بيج والغرفة متناسقة جدا وفاخرة
لكن حبيت أغير في الشقة الجديدة لون الجدار ونفسي يكون فيه جدار مقلم أو فلفيت أو ورق حائط بس محتارة في اللون لأن الكنب غامق ...... عاجبتني حركة البرواز في الجدار زي الصورة
و
السقف راح نعمل لو جبس
شوفوا الصورة عاجبتني واظنه ورق حائط ايش رايكم ينفع؟ مع ان زوجي رافض ورق الحائط
أو أعمل ديكور حجري ....بس كيف؟أو أحط مدفأة...؟؟
أو رسم على الجدار
ياليت تعطوني أفكاركم
2- الصالة .......شفت قبل فترة جلسة مودرن بس لونها فوشي وردي وبناتي عاجبتهم جدا ...وأحس تناقض يكون في الشقة ......ايش رايكم؟
يمكن لأن ذوقي يغلب عليه الكلاسيك وخاصة إني نفسي أعمل ديكور جدار حجري في الصالة لكن ماينفع مع الجلسة المودرن ونفسي أغير من ذوقي وأختار على ذوق بناتي كنوع من التغيير لأثاثي المعتاد
ورجعت قلت في نفسي خلاص أقسم قسمة العدل بناتي يختاروا الصالة على ذوقهم وأنا أختار غرفة الجلوس على ذوقي....مو فكرة؟
3- غرفة الجلوس الخاصة بنا.....أبغى أفكار من إلى...كل شي
ونا ناوية أفرش الأرضية كاملة مفرشة كبيرة او موكيت لازم يكون فيه غرفة مفروشة وراح اعملها جلسة متصلة.احسها اريح..........ايش رايكم؟
وكمان الممرات ايش اعمل بويتها؟ نفسي أعمل فيها حركة زي الصور
أو مرايا
أما غرف النوم خلاص اخترناها تقريبا
بانتظاركم وجزاكم الله خير