ممكن زوج ثاني تعالي لحظة

1. وهذي عدة مواقف صار قدامي .


2. ليش الاهمال هذا ليش ماتقومين وترضعين الطفل المشكلة لو ماهو ولدها .

السلام عليكم ورحمة الله وبركاتة
خواتي:
عندي مشكلة يمكن البعض يعاني منها .. وابي رائي كل وحده بعد ماتسمع قصتي .
زوجي كل ما اقوله ابي شغاله يقول ما ابي شغاله تدخل بالبيت اقوله بس ابيها للتنظف والتغسيل
يقول لي ايه بالاول بس التنظيف شوي شوي لين تدخل المطبخ وتصلح الشاهي والقهوة وتقطع وتصلح الغداء والعشاء وتربي العيال لين تصير امهم
قالي خلاص بدال الفلوس اللي بعطيهم الشغاله بعطيكي اياهم انتي كل شهر
بس انا مابي فلوس ... ابي شغالة تخفف عني حمل البيت
مايبي راحتي لما اشوف خواتي وصديقاتي انقهر كل وحده عندها شغاله يركضن ورى عيالهن
وانا عيالي بس وراي يمه يمه يمه ابي وابي وابي وهذا يصيح وهذا يطيح وهذا يمرض تعبت
واذا صار عنده عزيمه ماتخيلن حالتي مادري انا ارضع البنت ولا اشوف للعزيمه ولا اصلح الشاهي والقهوه ولا انظف ولا ادخن البيت ولا اكنس
وخاصة اذا كنتي حامل بعد .. الكبد لايعه من الوحام وشغل وكرف على راسك
ياه بس شنو اقولكم
ولا الرمضان الله يشرفه .. لاخلصت فطور وصليت المغرب اول مايطرن علي تغسيل المواعين خوياتي يتابعن عيال قرية وانا جالسة اغسل بالمواعين .
تصدقن احيانا اتمنى اني ماتزوجت .. بيني وبينكن الزواج بس شقى عيال وكرف لين تعجزين وبالاخير ويتزوج عليكي يقول ابي وحده تهتم بروحها ولبسها وانتي ريحتك كله طبخ .!
اذا جاء الجد الجد . كلام زوجي صحيح .... مالومه ....
الشر يعم والخير يخص
من كثر مايسمع كلام اخوياه عن الشغالات خلاه يغير رايه ويصرف النظر عن الشغالات
يقولون هن اللي يربن عيالنا ويسبحن عيالنا وهن اللي يصلحن الفطور وهن اللي يزينن الغداء والعشاء وهن اللي يصحن عيالنا للمدرسة بس باقي يودننا وانتن بكرامه للحمام .
حتى اذا بغيت من ام العيال ماء ارسلت الشغاله تجيب الماء لنا
والله فشلتننا لو كل وحده تخلي الشغاله للتنظيف والتغسيل والله ماهذا حالنا ولا طلع لهم لسان اه بس

وهذي عدة مواقف صار قدامي .

ويوم من الايام رحت لخويتي ازورها بالبيت توها والده ودخل إلا فيه مره ما اعرفها إلا الولد يصيح يصيح يصيح الولد مات من الصياح والام تسولف وضحك مع خوياتها انقهرت وتنادي الام الشغاله اسم الشغالة وانسي وانسي تعالي شيلي بيبي عطيه حليب وغيري له . ؟

ليش الاهمال هذا ليش ماتقومين وترضعين الطفل المشكلة لو ماهو ولدها .

والموقف الثاني واحد الاطفال عمره تقريبا 8 شهور جلس يصيح عند امه وتدعي الشغاله مريم مريم وتجي يوم شافها ويطير من الفرح الولد وتجلس الشغاله تبوسه تقول هبيبي همودي وتخمه وينام على صدرها وتقعد تهزبه لين نام..
وين حنان الام
خلاص الشغاله كل شي في حياتنا ,,,؟
احيانا ً اقول يازين الشغاله واحياناً اقول ياشينها محتاره
و اعتذر اذا كان الموضوع غير مناسب