ممكن سؤال يابنات المدينه

نـــونـــا

20-09-2022 - 04:19 am

السلام عليكم ورحمة الله وبركاته ..
كيف حالكم .. ان شاء الله تكونون بخير ..
حبايبي ممكن طلب ؟؟؟ ..انا دوبني ساكنه في المدينه أصلا اهلي بمكه وجايه مع زوجي
بالمدينه وعندى فرح عمتى في شهر القعده وبادور فستان سهره فيها ومانى عارفه المحلات
ممكن تقولولي عليها , الفساتين اللي ادور عليها ابغاها ماتكون رخيصه ولا غاليه كمان
يعني في حدود 1000 او 1500 ولاتزيد عن هالسعر ..
في انتظار ردكم يالغاليات والله يعطيكم العافيه ...
حبي وتقديري لكن ..
نونا

التعليقات (6)

نـــونـــا

20-09-2022 - 07:07 am

67 زياره ولا وحده ردت ليه كذا ..
مو معقول انكم ولا وحده فيكم بالمدينه ..
طيب بس قولولي هي وين توجد بالمدينه ..
في انتظاركم حبايبي ..

فراااشه الحب

20-09-2022 - 08:08 am

فساتين السهره في بالدخيل بسلطانه
وفي بمجمع قباء (مومتأكده من الاسم)
لكن الاسعار ماادري ماقد اشتريت جاهز
بالتوفيق,,ودمتي بود

ريس

20-09-2022 - 09:09 am

مرحبا
تلاقي في الدخيل بسلطانة مجموعه من الفساتين وكمان في الجعيدي مكانة جنب مجمع بركات اللي هو جنب الدخيل في سلطانه
وأتمنى لك التوفيق

مواريد

20-09-2022 - 10:10 am

اهلين نونا وحياك الله بين اهلك...
حبيبتي تلقين محل لمسات في سوق المدينه الدولي..وفي سوق المسره داخل قباء الطالع....
والله يعينك وان شاء الله تلقين المناسب.....
اختك مواريد

دانة2000

20-09-2022 - 11:11 am

والله حبيت اساعدك لكن ماقصروا البنات قالوالك كل الاماكن اللي اعتبرها من افضل المحلات وهي بي اتش في الدخيل ولمسات طيبة في الدولي والجعيدي كمان طيب وانا ما سبق واخذت منه واذا رحت للحكيم حتلاقي محلات تبيع جاهز وبااسعار معقولة جداا والعلياء في سوق الثريا والله يوفقك.

قمر 15^

20-09-2022 - 12:12 pm

ماقصروا اهل المدينه
حبيت ارد عليك

إكسسوارات جلود الثعابين←
كيف تبدين أكثر رشاقة فورا Q/1→