ممكن شرح حديث ثاني متوسط

وعليكم السلام ورحمة الله وبركاته
ام مابي اخوفك بس الحديثين يبيلهم شرح بقووه فيهم معلومات كثيره
وبالنسبه للحديث اقسمي السبوره قسمين القسم الاول الحديث الاول معاني الكلمات والراوي ومايستفاد و الحديث الثاني بالقسم الثاني نفس الشيء
تمهيد للحديث ماجاء في بالي لما الحين تمهيد حلو مع اني بكرا بشرحه لكن بروح لزميلاتي يفيدوني احترت اما الحديث الثاني من نفس الكتاب فيه مقدمه حلوه لو زميله ماسلمت عليك او مرضتي ومافي احد سأل عنك ماهو شعورك ؟
الراوي حاولي تستنتجينه من الطالبات بس الحديث الاول النعمان بن بشير الطالبات مامر عليهم من قبل يعني حاول تقربين لهم اما الثاني ابو هريره خلي كل طالبه تقولك معلومه وتطلع تكتبها هي ع السبوره وحتى الفوائد حلو الطالبه اللي تقولها هي تكتبها ينبسطون وبعد ماتخلصين من ذكر الراوي عشان الطالبات يحفظونه جيبي لك لوحه فلين وغلفيها بالكونكت ومعها اقلام سبوره وقسميها ع عدد القروبات اللي بفصلك او اذا كانوا طالبتين طالبتين جيبي اوراق طباعه تكون فيها ايطار حلو وزعيها علهم وخليهم يتشاركون من اسرع مجموعه تكتب كل معلومات الراوي وعززيهم بحلويات بسيطه تفرحهم
حق المسلم على المسلم ممكن تسوينها علي شكل خريطه معرفه تعجب المشرفات
اوه صح نسيت اقولك قبل اسبوع كنا حاضرين اجتماع مطلوب من معلمات الدين تعززين بشرحك المواطنه وكيف تنمين فيهم حب الوطن هذا بيفيدك بالحديث الاول كيف لابد انه نكون يد وحده ونتساعد مع الملوك والامراء
اما التطبيق فيه فكره حلوه خذي صندوق وغطيه من فوق بقماش بحيث الطالبه تدخل يدها من غير ماتشوف وتسحب كوره وكل كوه عليها سؤال او اذا ماتقدرين دام درسك بكرا يمكن مايمديك الوقت ع ماتشوفين الرد وزعي عليها بطاقات من ورق ملون داخلها الاسئله وكل سؤال مكتوب تحته تجيب الطالبه التي امامك او خلفك او جانبك نوعي انتي بكيفك هذي الطريقه تخلي اكبر عدد من الطالبات يشاركون
هذا اللي عندي الحين وبالتوفيق