ممكن صور مكياج بس للسمر والعيون السود

*^ قطيوة^*

14-04-2022 - 01:48 am

هاي
شلون فراشاتنا اليوم
والله عن جد هذا اروع منتدى شفته بحياتي
بصراحه و من غير اي مجامله
يعني مشالله مو مخلي شي للمرأة
الله يحفظكم و يديمكم لبعض
والله يبرد االجبد
مو مثل باقي المنتديات اللي محد يرد عليك و اللي يرد تلقاه مو فاهم السالفة
و حتى اهني من غير سؤال اشياء خطرت على بالي و اشياء ماخطرت لقيتها من غير ما اسأل!!!
الله يعطيكم العافية و يحفظ كل فراشه اهني
صارلي اكثر من 4 ساعات اتفرج عالمشاركات وودي اقعد بعد بس حدي مو نايمه و الساعه صارت 8 الصبح
المهم ماطول عليكم حبايبي
انا لاحظت معظم صور المكياج للاجانب
او بيض او حتى اللي فيها سمر تلقى عيونهم ملونه
او مكياج حده خفيف ماينفع لنا بالخليج لان ستايلنا غير
فانا ابي طلب و انشالله اعرفكم شقرديات بتكفوون وتوفون حبايبي
ابي صور مكياج للبشره السمره والعيون السود فقط مو عدسات ولا ملونه
يعني خليجيه اصليه و يكون للمناسبات يعني مو خفيف
والوانه حلوه و نعومه من غير اشياء غريبه ههه شفت صور ما تصلح الا لحفلات تنكرية
مع تقديري لجهوودكم والله بس قصدي اوصلكم اللي في بالي
و تسلمون و هالله هالله بالرد قلب

التعليقات (5)

بنت_البنات

14-04-2022 - 05:05 am

هلا اختي صح كلامج
اغلب البشرات في الخليج سمراء او حنطية
لازم اندور على مكياج يناسب والصور حتا
بدور على صور وبحطها لج

*^ قطيوة^*

14-04-2022 - 06:06 am

الله يعطيج العافية حبيبتي
و ماتقصرين
لاني ماعرف احط مكياج عدل يعني في اشياء ممكن اضبطها و اشياء لأ
و وايد مكياج مايناسبنا حتى لو كان حلو
لان لون عدسه العين له دور وايد كبير في لون المكياج
و ايضا لون البشرة
و ان عجبني مكياج غالبا ماقدراضبطه لان ماقدر اتخيل شكله على وجهي انا
و عندي على شهر 6 عرسين لبنات عمي و عمتي و لي الحين ماشريت فستان و ابي اشوف مكيياج و بعدين اشتري فستان لان مافي بالي لون محدد و لبست في الملجات البنفسجي الفاتح و لبست احمر و لبست اسود
فابي لون غير
خاصه ان بشرتي مثل برونز بس مو من الشمس اللي يصير لونه على احمر و فيه لمعه
لوني برونز على اصفر او قمحي يعني بين اللونين
بس مو مشكله كريم الاساس يخليني حنطية
الحين اهم شي يكون مكياج فيه عيون سود و بشره مو بيضه
و انا عيوني اعتقد لوزية الشكل
و ماعندي مساحه واايد كبيرة بين الجفن والحاجب
فياريت تساعدوني ولو في كنت اعرف اضيف صوره كنت وريتكم بعض الاشياء اللي ودي اتعلمها في المكياج و يعطيكم العافية يا بنات و الله ينور دربكم انشالله

الريــم

14-04-2022 - 07:07 am

وانا بعد اتريا مكياج للسمر والعيون السود ..
الله يعطيكم العافيه حبيباتي الفراشات ..

*^ قطيوة^*

14-04-2022 - 08:08 am

هذي صور شفتها من مشاركات الخوات و عجبتني
بس ابي أرائكم
يعني مثل هذي اول صورة عاجبتني صراحه
ودي اعرف شلون طريقه كل وحده من غير تعقيد
ههه ادري طلباتي يبيلها بحث بس شسوي :(
لان ماعندي ادوات خبراء و مادري شنوجم فرشه و اعواد قطن و فرش اسفجيه
و هذي الفرشه مالت الزاويه وتصير للحاجب
و لو ان الفرش م وايد زينين يخلون اللون خفيف اللي يكثف للون اهوا الفرش الاسفنج هذول يطلعون اللون حيل كثيف ينفع للمناسبات و الفرش اذ تبينه هادىء اعتقد
هذي الطريقه حلوه بس الالوان مادري..
هذي وايد ناعمه تنفع للطلعات مو لعرس بس لون العين :(
.................................................. .................................................. .......
هذا حلو بعد صاير مستخدمين الرمادي بدل الاسود و الاساس و الروج ذهبي
و هذا اللي اكثر شيى عجبني فيهم كلهم
هذي الصوره نفس المكياج بس عدسه غريبه بس انا حطيته عشان تشوفون رسمه العين من عده جهاات
عندي بدله خالتي توها شاريتها لونها نفس لون الفوشيا هذا
فيناسب هالمكياج اعتقد
و العين لونها غامق تقريبا اسود مايبين يعني ممكن تتخيلين الشكل على العيون السود و المسافه بين
الجفن و الحاجب مو كبيره وايد
و مادري انشالله بشوف رايكم و الله يعين
و انا ماعرف اسوي هالمكياج ودي لو احد يشرح لي الطريقه و من وين اقدر اييب قلم كحل ابيض زين
لان كل ما يبت واحد يكون فاتح و مايطلع عدل
و الشكل اللي على زاويه العين الداخلية شلوون يصير؟؟؟
تكفون بنات ساعدونيي

عذاب الحب

14-04-2022 - 09:09 am

هالميك اب في اي صالون؟

ابي مساعدة من بنات الكويت خاصة و العربيات عامه←
طريقة الاخفاء شعر الوجة→