ممكن مساعدة

هلا قلبي
اولا الله يسهل امرك وامري يا رب
فستان الزواج للتاجير انا سمعت عن سوق مكه فيه محلات تاجر الفساتين وفيه محلات تفصل الفستان بقيمه رمزيه على ما أتذكر400ريال وتاخذينه تلبسينه وترجعينه لهم بس ما ادري عن الموديلات ولا نوعية الخياط اهو زين والا لا؟
وبعد فيه المتنبي هذا رهيب بنت خالتي فصلت عنده فستان الصباحيه واعتقد عنده فساتين العروس بعد اهو شارع ملين خياطين فلبينيين وبنات خالاتي ياخذون منه للزواجات واسعارهم تختلف من1500الى5000او6000بعد يعني يعتمد على الشغل والخام
وبعد اذا ما تبين غالي فيه محل اسمه الكواكب مقابل سوق الاندلس تجي عنده فساتين يعني مهي شينه واسعاره من600وفوق
وفيه في العقاريه بس هذولا ما يعجبوني ابدا
والجلابيات على حسب انتي كم بتدفعين فيه اليشمك جلابيات راقيه بس من400وفوق هذي حقت العرايس الفخمه وعنده قطنيات على200 انا صراحه ما البس الجلابيات بس اشتريها للي يوصونا عليها
وفيه جلابيات حليوه في سوق طيبه بس ما اعرف اسماء محلات لاني عمري مارحت هناك بس اشوف اقاربنا ياخذون منه
والذهب اذا الماس مافيه احلى من بن خميس ولازوردي و عبدالعزيز الرميزان
والذهب عندك سوق الاندلس تجي فيه اشياء حلوة و بعد سوق طيبه
وبالنسبه للاسنان والله يا قلبي ما اعرف احد محدد انصحك به بس فيه عندك العيادات الكبيره والمراكز الطبيه مثل الحبيب هذا انا جربته للجلديه والباطني والنساء للوالده الصراحه رهيب بس للاسنان لا والله بس صديقتي تمدح دكتور سعودي عندهم ملتزم تقول زين ومحترم
وعندك بعد المشاري و دله اسالي عنهم واستخيري قبل كل شئ
والله يوفقك يا رب
واي شئ انا حاظرة ارسلي لي رساله
دعواتك ياقلبي

ماشالله الحبوبه ماقصرت وانا كمان ابقولك
عن الاسنان احسن شئ على مستوى المملكه
فيه مركز سيجال موجود في الرياض في العليا
وهذا كمان الدكاترة اللي فيه من احسن شئ
وانا قد سويت فيه عند الدكتور طارق الجبرين
بس شغل ولا اروع حتى ان مرت خالي دكتورة اسنان وهي الي قالت روحي له ولما شافت اسناني قالت شئ خطير شغله
بس ترا غالي شوي
يعني انا كان سني مكسور عملي له الحشوة بس 1600 ريال
من غير التلبيسه والخرابيط الباقيه بس يكفي انهم اللي موجودين من احسن الاطباء وكمان معروفين
واذا ما تبين دكتور كمان في حريم
بس انا مدري وينه بالضبط بس دقس على905
وخذي رقمهم ودقي واستفسري
واتمنى اني فدتك
والله يوفقك
....................................تحياتي

جزاكن اللة الف خير ومشكورات

ان شاء الله ياقلبي أسئلك الي في الرياض
وارد عليكي بس يقولون وأنا شفت أسواق مكه بس من 3سنين وبعدها مارحته وأذكر أقمشه بس أظن والله اعلم وحده أعرفها أشترت فستان حلو بصراحه وعلى ما أظن من مكه بس أتأكد وردلك
والف مبروك لكي ياقلبي
أختك
جث أحزاني ة

مشكورة حبيبتي وأنا أنتظرك