من أحن انتي ام بصراحة حسيت بحيرة

السلام عليكم
خواتي الفراشات البارحة كنت يالسة مع اختي وجاراتنا
وكنا انسولف طبعا تعرفون سوالف الحريم ضحك ووناسة
ومن بين المواضيع خبرتنا جارتنا انه وصلها مسج جنان يعور القلب وفنفس الوقت يخليج اتحسين بأمج
ويوم قرت المسج ماعرفت شو ارد وبالليل يلست افكر وايد وبصراحة
مالقيت جواب شافي
مكتوب فالمسج
اغرى امرء يوما غلاما جاهلا
بنقوده حتى ينال به الوطر
قال ائتني بفؤاد امك يا فتى
ولك الدراهم والجواهر والدرر
فمضى واغمد الخنجر في صدرها
والقلب اخرجه وعاد على الاثر
لكنه من فرط دهشته هوى
فتدحرج القلب المعفر اذ عثر
ناداه قلب الام وهو معفر
ولدي حبيبي هل اصابك من ضرر
فكأن هذا الصوت رغم حنوه
غضب السماء به على الولد انهمر
فستل خنجره ليطعن نفسه
طعنا سيبقى عبرة لمن اعتبر
ناداه قلب الام كف يدك ولا
تطعن فؤادي مرتين على الاثر
ويلسنا انقول صح هذا قلب الام حنون ويسامح لو شو ماصار
فقالت الحرمة انزين اتشوفون نفسكم حنونات
يعني اتحنون على عيالكم شرات ما كانت امكم اتحن عليكم ولا انتو اكثر
فيلست افكر نحن حنونات على عيالنا وايد
ولا امهاتنا كانو احن علينا
شرايكم ياخواتي انتو شو اتشوفون لاني ماعرفت اجاوب
اشوف نفسي حنونه على عيالي وداريهم
وشوف امي حنونه علي وكانت اداريني
يعني ماعرف احكم امنوه اكثر فالحنية ع عياله انا او الوالدة الله يطول بعمرها
خلونا نتناقش امنوه احن انتي او أمج