من إللي بنتها او اختها أو أو أو مثل بنتي

شوفي ياحبيبتي انا ماعندي بنات ولا ساكنه بالرياض لكن اشوفك مضخمه الموضوع عشان بنت عمرها 9 شهور والله حرام عليك تاخذين للبنت فستان ب800 ولبسه ولا لبستين وعالزباله وبعدين مااظن ان فستان ل9شهور ب800؟؟؟ والله لو انه من ذهب كله ربع متر عالعموم روحي سوق ابو عشره ونقيلها كم لبس وصدقيني راح تعجبك اصلا محد بيطالعها بالعيد وما بتمقلون بلبسها وبتلاقين جزم من خمسه وشراريب من ريالين ومشي حالك قال 800 ريال قال (اتحدى)

اختي ملكة اليل انتي شكللك ماتروحين اسواق كثيره ايش رايك اني لقيت طقم تنوره وبلوزه لبنت بيبي عمرها 3شهور ب1300بالفيصليه
اختي رند روحي هديه الطفل ماادري نظرة الطفل للي بالعليا يقلون حلوة وعندك المحلات الفخمه مثل مذكير وزارا ولاتفوتك غرناطه فيها دور كامل للاطفال ان شاء الله تلاقين
اما ا

والله يالانا عاد 1300كثريلي منها وعاد اذا انك صادقه فهم يضحكون عليكم وانتو ياغافلين لكم الله ماعندكم الا هذه البلوزه من الماركه الفلانيه وهذا البنطلون من الماركه الفلانيه تقولين ان الناس بيدرون انها ماركه الا اذا عاد بتقعدين تثرثرين للرايح والجاي انها ماركه عاد ماادري وعلى طاري اني ماروح اسواق عاد مايعرف الاسواق الا انتي والله ولا وحده اظن انها مثلي الحمدلله اعرفهم واعرف الماركات لكن مو مخبله اشتري ماركه ومره ولا مرتين وارميهم شكل الي يشترون ماركات يجلسون يلبسون اللبس الا مايتقطع صدق لا ضحكوا علينا الغرب يقطون 1000 واكثر على بلوزه ولا بنطلون مافي عقل الحمدلله والشكر

بالعكس اغلب الماركات العاديه فيها فساتين بنوتات بالعمر هذا .. كيابي ,, اوكايدي,,سيرجنت ميجور ,,نكست
ذولي دايم اشوف عندهم فساتين صغار .
وفيه مون سون اللي مخصص للأطفال تلقينه في الظهران مول انواع الفساتين الكشخه للبنوتات وباسعار حلوه ..

حبيبتي اهم شي دوريلها شي ناعم مو فخم
لانو فهالعمر الالوان الناعمه والاقمشه الناعمه تخلي الطفل ملاك يجن
..

انا اختي اشترت فستان من عند ( moon soon) روعه لونه ابيض مع الجزمه والجزمه نفس النقش إلي بالفستان الفستان لايفوتك جنان الجزمه اظن حول الثمانين والفستان ماادري بس إذا تبين صوره قوليلي

فديتها والله
الله يخليها لج و يحفظها
بس أختي صدقيني كل شي بتلاقينه بيطلع حلو عليها إن شاء الله
في هالسن صدقيني الأطفال الي يحلون اللبس
ادري فيج تبين تكشخينها خصوصاً اذا كان أول عيد لها يا قلبي
بس ما عندكم محل أوركسترا ؟؟؟؟؟
هذا المحل موجود عدنا بالامارات و يبيع ملابس روعه للأطفال

الله يخليها ويحفظها لك حبيبتي ويبلغك فيها يارب ومثل ماقالو الاخوات في هالسن اي شي يصير حلو لان اللي يحلي مو اللبس بالعكس الطفل هو اللي يحلي اللبس وكمان ماتخافين عليها من الناس اللي ماتذكر اسم الله عند ماتشوف عليها لبس بهالقيمة والله الناس صارت تنسى تذكر اسم الله وهذي امانة عندك لاتضيعينها من زود المحبة و اسأل مجرب

الله يخليه لك يارب
انا انصحك تروحين ادمز بصراحه مطلع اشيا عيد مره واو
بس اهم شي انت لاتكبرين الموضوع لانه رح يتعقد
وتتعبين نفسيتك لانك مالقيتي
وانصحك تاخذين لها شي ناعم ومريح علشان ماتنكد عليك بالعيد