من اللي فرق قلوب حسبت للحب الف حساب

غلطنا يوم حبينا وسمينا بعضنا احباب
وصار حضوره وحضوري وغيابه يعني غيابي
غلطنا يوم غنينا علي جمر الهوي الكذاب
اغني له:أنا احبك يغني:واقف ببابي
سرينا والغلا قسمه مابين قلوبنا بحساب
أنا له حبه الاول وهو اول احبابي
حضنا كل امانينا وسمينا الاماني كتاب
نعيشه لحظه بلحظه كتابه نفسه كتابي
كان الله خلقنا لبعضنا من حيننا احباب
أنا قلبه واهدابه وهو قلبي واهدابي
دخلنا جنه الدنيا ذقنا مالذ وطاب
وظنينا الزمن يسري كذا حالي ومنساب
هنا ضحكنا تغنينا وهنا سرن لنا ما غاب
يوقظ هاجس الذكري يصحي سكرة غيابي
تفوق ايام عشناها تحاكينا حديث أغراب
كانا ما عرفناها ولا كانت لنا تحابي
تعاتبنا ليالينا ويا ليت العتاب عتاب
جروح الأمس صحتها وزود ملحها ما بي
هموم(ن)شيبت راسي وبعد العمر ما شاب
تساوت عندي الدنيا حلاها بحفنة ترابي
عيون أيامنا تلمح جفانا وتلعن الأسباب
وش اللي بدل أشواقي وش اللي هجر احبابي
من اللي فرق قلوب حسبت للحب الف حساب
وصارت عقب فرقاها تحسب أيامها حسابي
من اللي ثقل الخطوة وخلي للدروب حجاب
وبعد سكة الملقي وقرب دمعة غيابي
طرد حب(ن) سكن فينا وصد عقبه الأبواب
دفن أشواقه وكفن غلاه بنزعة ثيابي
من اللي من اللي من اللي غاب ثمن غاب
وقال وخطوته تبعد فمان الله وقفي بي
وسلامتكم