من تقول لنا شلحل

هلا يافراشات شخباركم
ان شاء الله كلكم بخير وسعاده
راح ابدئ موضوعي على طول وعرض بعد
انا كل يوم ادخل منتدى الفراشه واتردد على اغلب الاقسام
بس في قسمين شدوا بالي واهما الحياة الزوجيه وافتح قلبكلاحظت ان هلقسمين مليانين مشاكل
وكل الفراشات يبون حل لازواجهم ولمشاكلهم معاهم
فكرة في الموضوع وقلت ليش اغلب الحريم متمرمرين في حياتهم مع ان الاغلبيه متعلمات ويعرفون شلي يجذب الرجال بس عرفة ان الغلط مو من المره
احنا يلحريم من نتزوج همنا رضى ازواجنا نلبس الي يبون ونصبغ اللون الي يبونه ونهول بروحنا بس عشان اهم يرضون ومو شرط احنا نرضى عن شكلنا
طيب ليش اهم مايراعون الظروف ليش اهم مايهتمون بنفسهم نفسنا
اغلب الفراشات يشتكون من قلة اهتمام الزوج الي تشتكي وتقول دايما على الكمبيوتر ولا يعطيها وجه والي تقول دايما يسهر بره ولو تكشخ وتلبس احلى شي مايحس فيها
بس خل تهمل روحها وتهمله يقوم الدنيا ويقعدها لواهي الي دايما تقعد على النت شراح يسوي برايكم ولا اهي دايما طالعه بيقول لها كل حاطه عباتج على راسج وتفترين من مكان لمكان
طيب انت ليش ماترضى احد يحاسبك ليش ماتقول ان هلمسكينه تتعب عشان بس ترضيني
ترى لاحظت انا 90بلميه من الرجال هذا طبعهم صح ولالا
وان الرجال الي طبعهم مثل ابهاتنا راح زمنهم انقرضوا
يعني تجي وحده كاشخه ولابسه ومتعطره وتتمايل جنب زوجها ويقعد يتمصخر عليها ويقول لها مو لايق عليج
يعني هلحركات اذا ماسوتها لك حق منو تسويها
ولا الي تقوله زوجته هلشي خربان وابيك تصلحه يقول لها انا تعبان من الدوام واهو قاعد على الكمبيوتر
يعيني اهي ماتتعب اذا انت تعبان في اهي تعبانه اكثر منك انت دوامك ساعات معدوده ويمكن تكون قاعد على مكتب بس اهي دوامها 24 ساعه
ولا الحين هابين هبه اغلب المشاكل الخيانه الي يخونها مع الشغاله والي يشوف افلام جنسيه واذا اكتبت مشكلتها قالوا لها كشخي له لبسي له تدلعي عليه عشان يشوفج ولا يشوف غيرج
اصلا العيب مو في المره العيب في زوجها الي يسوي هلاشياء
احنا الرجل العربي مع احترامي له كسول يبي يعيش ملك غصب
يبي يصير سي السيد يربي كرش ويقعد
والزوجه بس تبرز لها كرشه من اثار الحمل لاحظوا من الحمل مو من الاكل
يقولها ليش شكلج كذا شوفي لج حل
واهو كرشه قدامه ومايهتم لابلبسه قاعد في البيت بثوب نوم الوانه تجيب الاكتاب
والمسكينه تتعب تسوي ليله حمره عشان تكسر الروتين بس مافي فايده
ولا تقول بسوي نيو لوك ويقول لها سوي مثل الفنانه الفلانيه وتسويه وفي النهايه يقول لها مو حلو
الحاصل يافراشات ان احنا نركض ورى رضى ازواجنا ومو ملحقين انا مااقول كل الرجال هشكل لا الظليمه شينه
بس الاغلبيه جذي
اذا في فراشه تقول في حل تنورنا فيه وراح نكون شاكرين لها
والي توافقني الراي ان ارضاء الزوج غايه لاتدرك تقول
ومشكورين وان شاء الله ماتقلت عليكم