من شعر تالف لشعر ادخلي وشوفي للكل

1. اهلين بنات كيفكم يارب تكون كل وحده منكم بخير وصحه وسعاده


2. نبدا


3. للخميس والخميس بالليل احط زيت من وصفه الدكتور عبدالباسط شي روعه وهو


4. زيت السمسم_زيت الزيتون_عشبه الالدوم


5. لما جيت اتحمم قالت بسوي لك شي عشان شعرك يصير حلو مثلنا

اهلين بنات كيفكم يارب تكون كل وحده منكم بخير وصحه وسعاده

انا شعري تالف مره مره مره وقررت اعتني فيه ولي الان شهر ونص او شهرين بدايه عنايتي فيه قررت اني اقص التالف والحمدلله قصيته وصار شعري قصير قلت مو مشكله قصير صحي ولا طويل اشهب وبديت عنايتي بشعري تقريبا بنص شهر 3 انا اكتب لكم بالتفاصيل عشان اكون دقيقه بكل شي

نبدا

واقسم لكم يابنات ورب المصحف راح اكتب لكم اللي اسويه بالحرف الواحد لا راح ازيد ولا انقص وانا قلت بخليكم تستفيدون لاني شفت التغير بشعري من ناحيه اللمعه والكثافه شي بسيط وطول بسيط كمان لان ماكملت 3 شهور لسى بس الاستمرار راح تشوفو شي يرضيكم ب اذن الله
بسم الله نبدا<<<<اخلصي اقول
كل اربعاء احط حناء بشعري وحنا انا اسويه بالبيت وهذي مكوناتها بالضبط
محلب_سدر_حناء_مشاط_حلبه مو دايم احطها مرات احطها ومرات لا _بيضه
واحيان اعجنها بمغلي الجرجير والثوم واذا مالي خلق اعجنها بمويه حاره بس واخليها 3 ساعات واحطها بشعري 4 او 5 ساعات وبعدها اغسلها بمويه بس واخليه

للخميس والخميس بالليل احط زيت من وصفه الدكتور عبدالباسط شي روعه وهو

زيت السمسم_زيت الزيتون_عشبه الالدوم

والطريقه تخلطين بكميات متساويه من السمسم والزيتون وتجيبين عشبه الالدوم وتكسرينها وتطلعين الي جواها شي مثل الحجر وتحمسينها ع النار مثل طريقه نواه التمر بالضبط لحد ماتصير سوداء مره وتدقينها بالنجر لحد ماتصير مثل البودره وتحطينها مع السمسم والزيتون بنات شي روعه ورب المصحف وقال الدكتور لازم تستمرين عليها لمده 6 شهور وشوفي شعرك كيف بيصير
للأمانه يابنات اعرف وحده تبيعها وانا كنت بسوي مثلها بس قلت خلاص حبايبي وتستاهلون وللامانه بعد هذي العشبه تعبت على مالقيتها لفيت الرياض كلها مالقيتها الا بعطار الخليج واللي تبي منها اجيب لها من عيوني بدون مقابل ما ابي منكم الا دعوه صادقه
نجي للشامبو وايضا الشامبو تبيعه الحرمه هذي اللي تبيع الزيت بس جبت لكم الطريقه بحذافيرها وهي
شامبو جونسون حجم كبير +اكليل الجبل
وفائده هذا الشامبو منع التساقط وتكثيف الشعر ومامنه ضرر لانه حق اطفال
الطريقه
اطحني 5 او 6 ملاعق اكليل الجبل وحطيها بالشامبو ورجي العلبه وخليها 10 ايام واستخدميها بعد 10 ايام بتشوفين لون الشامبو صار اخضر غامق
بنات هذي طريقتي بعنايتي للشعر وباقي شي اخير بس للامانه ما بجيت استعمله الا من اسبوعين وهي طريقه سوتها لي شغالتنا الهنديه

لما جيت اتحمم قالت بسوي لك شي عشان شعرك يصير حلو مثلنا

جابت زنجبيل وبشرته واخذت المبشور وعصرته بغضاره عشان نبي مويه الزنجبيل بس مع عصير ليمونه واخذت نقطتين من الشامبو حقي وحطته معاهم وحركته لحد ماطلع رغوه خفيفه بالغضاره وقالت اذا غسلتي شعرك ونظفتيه مره كبي هذي الغلطه على شعرك وحركيه بيطلع رغوه مثل الشابو بالضبط وخليه بشعرك لاتغلسينه بسرعه لحد ماتفركين جسمك بالليفه وهيك وبعدها اغسليه عادي بالمويه
اه يابنات وربي تعبت وانا اكتب الحين اللي ابيه قروب يمشون بنفس طريقتي وانا معاكم طبعا لمده 3 شهور او اكثر انا ماكتبت الموضوع الا ابيكم تجربونه وامانه عليكم اللي تجربه تكتب تجربتها انتظركم
اي سؤال اي استفسار انا حاضره خواتي
هذا تعديل نسيت اكتبه انا احط الزيت يوم وترك واحيان يومين وترك على حسب الفضوه يعني لاتحسبونه بس يوم الخميس وبالنسبه لزيت الزيتون ما استعمل اي نوعيه استعمل الاصلي اللي يجيبونه من برا موفقين