الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
ملاك وردتي
الجزء الاول ..
غايه : اف .. فريدوه ما يى .. شو نسوي اللحين ..؟؟؟..
العنود : مب مشكله .. هاذوه البيت .. الا فرت حصاه .. بنروح مشي ..
غايه : مشي انا و انتي بس ؟؟!!.. شو تبينهم يذبحونا ؟؟..
العنود : عاد شو تبينا نسوي .. ماشي ف تيلفون المدرسه صفر عشان نتصل حق حد من خوانا عموبايلاتهم .. و امايه و عموه في بوظبي .. يعني شو نسوي ..؟؟..
غايه : اوكي لحظه .. شوي بنتريا فريد يمكن ايي ..
و تمت غايوه و العنود بنت عمها عند بوابة المدرسه يتريون حد اييهن .. و بعدين الكل راح و ما تم الا هن و فايز البواب ..
العنود : غايوه .. محد يانا .. فضيحه الا انا و انتي الي تمينا فالمدرسه ..
و هن يمشن .. ما شالله ما خلوهن الشباب في حالهن .. و من بين هالشباب .. واحد عنده نيسان عشبي ..(( راشد)) ..**$ راشد من هم يهال و هو يموت على غايه .. و هو ولد عم شمسه ربيعة غايوه و طبجتها .. و كانت دوم اتقول لغايه عن راشد ... ما تم حد في سويحان ما عرف عن حب راشد لغايوه .. بس غايه .. انسانه وايد متكبره .. و مغروره بعمرها .. غايه بنت من بين 6 اولاد .. غايوه نظر عيون ابوها .. لانه مسمنها على امه .. و كل عمومتها و عماتها يحبنها .. الله حط في غايوه حلاه .. ميزتها عن بنات عمها ... غايوه .. طويله .. بيضى .. شعرها طويل .. بس الي يميزه لونه عسلي حرير .. ملامحها وايد حلوه .. احلا بنت فالعايله .. و من هي ياهل و هي حلوه .. يمكن الي بيجذب نظر أي حد يشوفها هي عيونها .. ماشالله .. عليها عيون ذباحه$** ..
و هن رادات .. خطف راشد عدالهن ..
راشد : تبني اوصلكن ..؟؟..
تمن ساكتات ..
راشد : شمس عليكن ..
العنود و هي تكلم غايوه بصوت واطي .: غايوه هذا ما يستحي .. بيفضحنا ..
غايه : شو تبيني اسوي .. مشي و طنشي رمسته ..
راشد و هو يطول عالمسجل ..
(تعال نعيش في دنيا الحنان .. حبيبي خل لي قلبك حنون .. ألا ليش التغلي من زمان .. على خل ٍ لذكراكم يصون)
و هن خايفات .. خايفات لاحد من اهلهن يخطف و يشوف راشد و هو يحوط عدالهن .. و تمن يمشن بسرعه .. اللين ما دخلن السكه ..
العنود : من ادخل السكه احس بالامان ..
غايه : ههه .. عقي مريولج و تعاليني ..
العنود : لا و الله و شعنه ما تين انتي ..؟؟..
غايه : لان سعيد في سويحان ..
العنود : يالله عليج ..
غايه : عنودي .. مافيني للحشره .. تعاليني انتي ..
العنود : غايوه خوانج كلهم فالبيت ..
و في هاللحظه رجع راشد و خطف من الشارع الي مجابل سكتهن ..
غايه : عنوده دخلي مافينا هذا بيفضحنا بتخطيفاته .. بتصلبج ..
و دخلت كل وحده منهن بيتها .. و راحت غايه و تسبحت و من عقب يلست عند يدها ..
يد غايه : هاه العيوز .. علومج ؟؟..
غايه : حرام عليك يدي .. انا عيوز؟؟. ..
يد غايه : مسمايه عالعيوز .. عيوزنا الاوليه ..
و ان العنود حادره عليهم ..
العنود و هي تخر على يدها و توايهه و تحبه عراسه ..
غايه : توني كنت بتصلبج الا ريت يدي و يلست اسوولف عنده ..
العنود : اها ..
و في هاللحظه رن تيلفون بيتهم .. جان تنش غايوه عشان اترد عليه ..
غايه : ألوو ..
: " اتردد للمكان الي انت فيه .. كني فاقد شي في ذاك المكان .. اتعذر باي شي و اسأل عليه .. و الوله في نظرة اعيوني يبان "
غايه و هي تسكر التيلفون : اوه ...
يد غايه : شعندج ..؟؟..
غايه : لا ماشي يدي هذا هندي مغلط ..
غايه : عنود نشي بنروح الحجره نذاكر ..
يد غايه : نشن ذاجرن .. باجر بطيرن الطياره ..
العنود : ههه ..
و نشت غايوه و العنود و حدرن الحجره ..
العنود : غايوه .. شعنه شمسه غايبه اليوم ..؟؟..
غايه : مادريبها .. امس ارمسها ما قالتلي انها بتغيب ..
العنود : نشي اتصليبها ..
غايه : ما عليه .. الا خلينا نتغدى و من عقب بتصلبها ..
و من عقب ما تغدن .. اتصلت غايوه بشمسه ربيعتها ..
شلته الخدامه .. و راحت و زقرت شمسه ..
شمسه : مرحبا ..
غايه : مرحبا ملاين ..
شمسه و هي تغمز لراشد ولد عمها و خليفه خوها : و لا يسدن بغرشوبتنا ..
غايه : وين دارج ... شعنه ما داومتي اليوم ..؟؟..
و في هاللحظه .. كان راشد فوق راس شمسه يريد يسمع غايوه ..
شمسه : لا ماشي .. الله يسلمج .. الصبح ريت امايه متلبسه قالت بخطفج المدرسه و مناك بترووح صوب خالوه فالعين و من عقب بتخطف السوق ..
غايه : اها .. قولي جذيه ..
شمسه : تعرفيني ما اقاوم روحات العين ..
غايه : الله يعين .. و لا جن وراج ثانويه عامه السنه ..
شمسه : اوه عطاري الدراسه .. غايووه .. فديتج .. طلبتج ..
غايه : تم .. شو تبيني افهمج العربي و الا الانجليزي ..؟؟..
شمسه : ههه .. لا مخليتنج لرياضيات ..
غايه : ههه .. الله يعين .. عيوني لج بنت مبارك ..
شمسه : فديت عيونج ..
راشد : هيه و الله ..
شمسه و هي اطالع راشد بنظره ..
راشد : احبها .. شو اسوي ..
شمسه و هي اتشل التيلفون و اتنش عنه صوب حجرتها ..
شمسه : غايوه .. فديتج .. بطرشلج كتب رشود .. علميله عتعاريف الكيمياء و الاحياء ..
غايه : شو ؟؟؟!!!!.. بيبطي الساع ..
شمسه : حرام عليج .. خافي ربج فولد عمي ..
غايه : بن عروه استهم منه ..
شمسه : حرام عليج .. جن عمره 20 و يرقبج اللين ما توصلين الثانويه و حول علمي بس عشانج ..
غايه : محد ضربه ع ايده ..
شمسه : يالله عليج يالزمه .. شو بيستوي يعني .. انتي الا بتشخطين عالكتاب ..
غايه : عنود سمعي هالسباله شو تقول ..
العنود : بلاها ..؟؟؟..
غايه : اوين تباني ألخص تعاريف الكيمياء و الاحياء لراشد ..
العنود : قصورج ..
شمسه : خافن ربك فهالمسيكين ..
غايه : شموس تعرفين ان ولد عمج ما يستحي ..
شمسه : عاد بخبرج .. ولد عمي ريال و لا عليه قصور .. هو لو سالم من شوقج و حبج .. جان هو بخير ..
غايه : المهم .. انا مب متفيجتلج .. يله برايج ..
شمسه : ليش شو عندكن انتي و عنود ...؟؟؟...
غايه : ماشي بنذاكر .. ماشي باقلنا .. باجر آخر يوم بنداومه فالمدرسه و يومين و بندش شهر خمسه ماشي باقي عن الامتحانات ..
شمسه : غايوه اريد ايكم ..
غايه : و الله ؟؟.. اوكي تعالي و الله محد فالبيت حتى امايه هي و عموه في بوظبي ..
شمسه : عاد خليفه ما بيخليني ..
غايه : حرام عليه .. و الله محد عندنا الا يدي ..
شمسه : م ... هو مافي الا حل واحد ..
غايه بلهفه : شو شو ؟؟..
شمسه : اقولهم بودي كتب راشد لج عشان تلخصيله ..
غايه : لا و الله ..؟؟؟..
شمسه : حرام عليج غايوه ...
غايه : ام .. اوكي ..
و سكرت عنها ..
شمسه و هي ترجع الصاله ..
شمسه : وافقت ..
راشد و هو مستغرب : حلفي ..؟؟؟..
شمسه : و الله .. بس عشرط ..
راشد : عيوني لها ..
شمسه و هي اتشوف خليفه خوها : تباني انا ايبلها الكتب ..
راشد : تم .. يله نشي ..
و بعد محايل وافق خليفه .. و اتصلت شمسه و قالت لغايوه و وداها راشد صوب بيت غايوه .. و تمن البنات يسولف .. بس بعدين تلومت غايوه من راشد .. و تمت تلخصله التعاريف و تكتبله الاسئله المهمه على بعض الفقرات ..
و عالساعه 5العصر رجعت شموس بيتهم .. و لقت راشد يترياها ..
راشد : هاه شموس بشري ..
شمسه : مادريبها شو كتبت... فتح الكتاب و شوف ..
شل راشد عن شمسه الكتب .. و تم يقرى الملاحظات و الاسئله لي كتبتهم غايوه في كتابه ..
و تم يجلب الصفحات .. و انتبه ان في رسمه في كتابه .. منصدم !.. ان غايه راسمه في كتابه رسمت وجه بنت !.. و تم يتأملها .. غايه ما انتبهت .. من طبع غايوه انها ترسم في أي كتاب او ورقه ممكن اتكون عندها .. هي رسمت بس ما انتبهت انها تلخص في كتاب راشد .. يعني هالرسمه رسمتها بعفويه مب متعمده ..
من عقب ما راحت عنهن شمسه .. ظهرت غايه و العنود من الحجره .. و راحن الحوش .. لقن يدهن فارش و يالس فالحوش .. و كان حمد عنده $ خو غايه عمره 27 سنه .. يشتغل في دايرة الاشغال فالعين .. $
تحجبت العنود و راحت هي و غايوه صوبهم ..
حمد : شعنه ظاهرات ؟؟!!.. يله نشن ذاكرن ..
غايه : طفرنا .. الكتب عافتنا ..
العنود : لا عافتج انتي .. انا محد يعافني ..
حمد : قوم ادبي امره لا يرمسون ..
العنود : يالله عليك ..
يد غايه : العيوز .. مني الي ظهرت مغشايه من ساعه ؟؟..
غايه : فديتك هذي ربيعتيه ..
يد غايه : ربيعتج انزين منوه ؟؟..
حمد : منو من ربيعاتج اللي يتج ؟؟..
غايه : بنت مبارك ..
سكت حمد .. طالعته العنود ..
حمد : شعندج ؟؟..
العنود : انا ما قلت شي .. انت شو بلاك ؟؟..
حمد و هو ينش : مشكله اليهال ..
العنود : يدي .. ما تشوف شعر حمد تم أملح كله ابيض ..
يد غايه : لا لا .. صدق ؟؟.. بوشهاب هات راسك بتفطن فيه بشوفه جنه ابيض ..
غايه : ههه .. يدي .. الشيب كسى راسه ..
حمد : عنلالالاتكن من بنات ..
نش حمد و بيظهر من البيت و هو عند دروازت البيت ..
غايه : حمود .. رووح الصيدليه ..
حمد و هو واقف عند الباب و مستغرب : ليش ؟؟..
غايه : يبيعون فيها صبغه لشعر .. ههه ..
يد غايه : هيه ولديه تصبغبها جنك تبى تعرس .. محد بياخذك و انت أملح ..
حمد : ما عليه ما عليه العيزى .. دواج عندي ملعونة الصير ..
غايه : ههه ..
بالباجر يوم الاربعاء.. كان اخر يوم للبنات فالمدرسه و من بعدها بيعطلون شهر خمسه استعدادا للامتحانات الثانويه العامه فشهر سته .. بس كانت باقيتلهن حفلة التخريج من المدرسه الي بتكون بالسبت ..
من بعد ما رجعت غايوه البيت .. حدرت حجرتها و تسبحت و من عقب ظهرت و يلست عند امها شوي .. و كان يدها منسدح عالمخده و يعلق عالتلفزيون ..
ام غايه : يا لقعتيه من عمي .. ما خلاني اشووف المسلسل ..
غايه : ههه .. ما عليه بتشوفين ..
و تمت تبدل بين القنوات..
ام غايه : ما فتكيت من عمي ييتيني انتي .. بتخبرج شلي يدج و ألتعني حجرتج و شوفي التلفزيون .. انا اتابع المسلسل عالشارجه مال عيال بن فاضل ..
غايه : امايه فديتج دقيقه بس .. و حطت على قناة الامارات .. و كانو ييبين غنيه من حفله لمحمد عبدو ..
يد غايه : خليه خليه بنتسمعه ..
و فلقطه طلعو الي يطبلون ..
يد غايه : وه غربله الله .. هذا عوض مسود الويه ؟؟..
غايه : ههه .. يدي منو عوض .. ؟؟..
يد غايه : لا عين خير .. جنه يشتغل فالنهار فالبلديه و عتالي الليل يبات يطبل !!!!.. ما عليه بتزقره الخمام بهالعيره عراسه ..
غايه : ههه .. لا يدي هذا مب عوض .. هذا واحد ثاني ..
يد غايه : انتي شعرفج ..؟؟.. هذا عوض بتخبرينه عنه مسود الويه .. اشوفه امس يوم ييته المكتب ما لقيته تره بايت يطبل و اصبح راقد عن دوامه ..
عند صلاة العصر راح هزاع خوها و ياب مطر الي نزله الباص هو و باقي الشباب عند الدوار عشان يودي شباب الهير .. و ردو البيت و سلم مطر على امه و خوانه و يده و من عقب راح حجرته .. فهاللحظه يت العنود بيت عمها و معاها لطيفه بنت خوها الصغيره .. و راحت صوب حجرة غايه بدون ما تدخل الصاله الداخليه .. و غرف غايه و مطر و عبيد كلهن في قسم واحد يفتحن عصاله .. بس العنود ما حصلت غايوه فحجرتها .. و هي توها ظاهره من الحجره و تتظارب مع لطوف عسبت دبدوب غايوه اللي شلته لطوف ..
العنود : لطوف حبيبي رديه .. مال خالوه غايه ..
لطيفه : ماليد ..
العنود و هي تحاول تشله : لا حبيبي عيب .. هاتيه ..
لطيفه : مالي يد ..
العنود : ايه مافيني لبزى البنات يله هاتيه ..
و فهاللحظه ظهر مطر ..
مطر: لا اله الا الله .. شعندج محتشره عالياهل ؟؟..
العنود و هي مستحيه و تتحجب : شو ؟؟.. اه ؟؟.. لا ماشي ..
مطر : حشى .. ماشي و بغيتي تاكلين البنت ..
العنود تسب لطوف فخاطرها ..
مطر : باجر جذيه بتسوين بعيالنها ؟؟..
و من قال هالكلمه انحرق ويه العنود .. جان تخلي لطوف و تظهر تربع عنهم ..
مطر : ههه ..
و شل لطوف و راح الصاله الداخليه و لقى العنود يالسه عندهم ..
مطر و هو يظحك : مشكله الي يستحون ههه ..
غايه : مطور نبى نروح العين ..
مطر : ليش ؟؟..
غايه : نبى نيب شيلنا و عبايانا هناييل الحفله ..
مطر و هو يطالع العنود الي كانت تشرب حليب : عطيني الفواتير و بيبهن لج ..عنوده .. مب حار ؟؟..
و من رمسها مطر غصت بالحليب و تمت تكح ..
و هو ميت من الظحك ..
غايه و هي ادح العنود عظهرها : بسم الله عليج .. صحه صحه ..
شمسه : غايوه يله نشي رقصي ..
غايه : اذا عنود بترقص عندي عادي برقص ..
العنود :م .. اخاف مطر يعرف ..
شمسه : ههه .. طاعن البنات ما خافت خوانها يعرفون .. لا خافت لا ولد عمها يعرف ..
غايه : ههه .. ما اسمحلج هذي بتكون حرمة خويه عيب ..
موزه : عنودي متى عرسج ؟؟..
مريم : ترانا معزومات .. عشرط ادخلينا عندج يوم يدخلون مطر عليج .. ههه
العنود و هي مستحيه : ايه ..
شمسه : عيل نشي رقصي ..
و نشت غايوه و العنود .. و رقصن على غنية شمس" سبع مرات" ..
كانن رهييباات .. يسون نفس الحركات و في نفس الوقت .. كل البنات تمن يشوفنهن و هن يرقصن و يصفقن لهن .. غير ..
( ان كنت في صدق الاحاسيس مثلي .. بصبر و باكر نجتمع باحلا الاوقات .. احلا الاوقات .. و يلم شملك يا حبيبي و شملي .. و اعوظك يا زين عن كل ما فات .. كل ما فات .. )
تمن البنات بين السوالف و الرقص اللين الساعه 3 الظهر .. و من بعدها ما قدرن انهن يتمن فالمدرسه زود عن جذيه .. فتمن يسلمن على بعض يودعن بعض اللين الامتحانات .. و ماقدرن انهن يمنعن نفسهن .. و لا اراديا نزلت دمعة الوداع .. يالله .. خلاص .. ما بنرجع للمدرسه .. ما بنيلس فالصفوف .. و انصف طابور .. و نمسح الصبور .. كان شعور بايخ بالفراق .. خلاص ما تم في واجبات بنحلها و لا تحظير الدروس .. خلاص ما بيقوفن عند المقصف يشترن كل يوم .. خلاص ودعنا المدرسه ..
راحت ام العنود صوب ام غايه .. و تمن غايوه و عنود يتفارن بالبالون .. خلصن بالونات غايووه بعكس العنود .. فتمت تضرب غايوه .. و غايوه تشرد عنها .. ما لقت مكان .. فربعت عشان تندس فالميالس .. و ربعت و سكرت باب الميلس عليها ..
غايه و هي اتعق شيلتها و تفتح شعرها من بعد ما خاست ماي ..
غايه : الله ينطبها السباله .. خيستني ..
العنود و هي ادق الباب : ههه .. بطلي بطلي ..
غايه و هي تصارخ : بن عروه .. ما عليه .. بتبطين ما خليتج تعرسين بمطر خويه .. دوريلج معرس غيره يالسباله ..
فهاللحظه .. سمعت غايوه
.. : احم احم ..
صخت البنت .. و لا اراديا .. افترت و طالعت الميلس ..
صرخت غايه ..
الجزء الثاني ..
انا رحبت من خاطر وسيع يحشم الاكرام ...عزيز النفس يستاهل افز ألحشمته واقوم***
من افترت غايوه شافت واحد يالس ع واحد من الكراسي فطرف الميلس .. تمت غايوه واقفه ثواني تستوعب الي مستوي .. و فجأه صارخت .. و أفترت ع باب الميلس .. و من الربشه حست ان الباب مب طايع يفتح ..
و من فتحت الباب .. كانت العنود واقفه عدال الباب .. طلعت غايوه و هي تربع و سكرت الباب بالقوو .. و من شافتها العنود .. فرتها ببالونه ..
غايه و هي تصارخ : ايه يالسباله ...
العنود : ههه ..
غايه : عنود لحقي .. واحد فالميلس ..
العنود و هي مستغربه : واحد منو ؟؟..
غايه : شدراني واحد ريته مرتز فالميلس ..
العنود و هي مستغربه : مستحيل .. محد من خواني فالبيت .. و امايه توها ظاهره ..
راحت العنود و وايجت من دروازت البيت اتشوف اذا في سيايير عند باب الميلس الخارجي .. و صدمتها انها لقت بورش ذهبي غريب واقف عند الباب .. جان ترجع لغايووه ..
العنود : هيه في سياره برى ..!!.. غريبه ..
غايه : يالفضايح ..
العنود : نشي بندخل الحجره ..
و راحت غايوه و العنود الحجره ..
ظهر سعيد خو العنود من حجرته .. و راح صوب حجرة امه بس ما لقاها .. جان يروح صوب حجرة العنود و دق الباب ..
العنود و هي تمش ويها و شعرها بالفوطه من الماي و غايوه معاها ..
العنود : منو ؟؟..
سعيد : العنود .. بطلي انا سعيد ..
العنود و هي تفر الفوطه : فديتك ..
و راحت بتبطل الباب ..
غايه : عنود لا تبطلين الباب كله ما فينيي يشوفني سعيد ..
العنود و هي تفتح الباب : انشالله ..
و فتحت الباب و طلعت و سكرته .. و سلمت ع سعيد خوها و وايهته ..
سعيد : مرحبا الساع ..
العنود : فديت روحك .. توك ياي ..؟؟..
سعيد : لاه من نص ساعه ياي الا حدرت اتسبح و توني ظاهر ..
العنود : من نص ساعه ؟؟.. انا و غايوه كنا فالحوش ما ريناك و لا رينا سيارتك ..!!!..
سعيد : لا ياي انا و واحد من الشباب .. حدرت من الميالس ..
العنود : اها ... يالفضايح .. ما قلتلنا عشان نحطله فواله و القهوه ..
سعيد : الا منصور .. راعي البيت الريال هب غريب ..
العنود : م منصور .. ربيعك الي من بوظبي ؟؟..
سعيد : هيه .. الا وين غايوه ؟؟..
العنود : فالحجره .. و اشرت على حجرتها ..
سعيد : اها .. شو ما تبى تسلم عليه و الا شو ..؟؟..
العنود : لا فديتك الا خرسانات ماي .. ههه من الصبح نلعب مع اليهال بالماي ..
سعيد : ههه ... اشوفج خرسانه من راسج .. انزين .. خلي الطباخ اييب القهوه و الجاهي الميالس ..
العنود : انشالله فديت روحك ..
و راح سعيد صوب منصور فالميالس .. و رجعت العنود صوب غايوه فالحجره ..
العنود : تعرفين منو الي فالميلس .. ؟؟.. هذا منصور ربيع سعيد ..
غايه و هي خايفه : حلفي ؟؟..
العنود : و الله ..
غايه : ياويلي .. اللحين بيقوله .. و بيذبحنا سعيد ..
العنود : شو ؟؟.. لا ما اعتقد ..
غايه بخوف : عنود شيلتيه فالميلس ...
العنود : شو ؟؟؟!!!!...
غايه : ترااني من دخلت الميلس عقيتها .. كانت خرسانه ماي ..
العنود : ياويلنا يا ويلنا .. لو الريال ما رمس اللحين الشيله بتفضحنا ..
غايه و هي خلاص بتصيح : كله منج..
العنود : لا و الله و انا قلتلج ربعي الميالس و عقي شيلتج ؟.!!..
فهاللحظه دخل سعيد الميالس من الباب الي يفتح عالبيت .. و لقى لطوف بنت معضد خوه يالسه و تسولف مع منصور ..
سعيد : لطوف .. شوتسوين هني .. يله نشي .. عيب تيلسين عند الرياييل ..
لطوف و هي تأشر عمنصور : هدا مب ليال ..
منصور: ههه .. قويه منها ..
سعيد : ههه .. عيل شو تشوفينه جدامج ..؟؟.
لطوف : يا قبي .. هدا منطور ..
منصور : ههه .. خلتك غبي و انا ناطور ههه ..
سعيد : ههه .. الله يخسج .. يله برى برى ..
دخل حمد خو لطوف العود الميالس من الباب الي يفتح عالحوش ( نفس الباب الي دخلت منه غايوه ) ..
حمد : لطوف لطوف .. تعالي سالم عنده دراجه ..
لطوف و هي منذهله : و الله ؟؟.. (جان تفتر صوب سعيد و منصور) .. يله بلايكم بلوح لدلاجه ..
منصور: ههه ..
سعيد : ههه .. شلي شيلتج فياج ..
و من طرى سعيد الشيله ارتبش منصور .. يالفضايح .. لو درى سعيد اني شفت وحده من خاواته .. حشى .. مب أي وحده .. ريم من حلاتها .. و فهاللحظه .. طرى عباله شكل غايه و هي اتطالعه و منصدمه من وجوده ..
11-12-2022 - 07:27 am
- غايه : اف .. يله خلينا نرووح ..
- خليفه : لا تنش و لا الله يقوله ..
- راشد : اه .. فديت خطها ..
- غايه : ههه ..
- عبيد و هو يغمز لمطر : عقلب الحبيب ..
- مطر : ياخي مشكله المستحى واايد .. ههه ..
- رجعن البنات بيوتهن و هن متضايقات .. ما كان لهن خاطر لاي شي ..
- ام العنود : يالله بالعقل .. حريم و تلعبن بالماي ؟؟!!!!...
- العنود : غايوه .. شافج و انتي جذيه؟؟؟!! ..
- غايه و هي ترفع شعرها عن ويهها : عنود سكتي عني ..
الجزء الاول ..
- *اسكن اعيوني يالغلا ..و اجفوني اتغمض عليك .. خذ ما تشى من دنيتي ...بس لا تقلل من غلاك **
غايه : اف .. فريدوه ما يى .. شو نسوي اللحين ..؟؟؟..
العنود : مب مشكله .. هاذوه البيت .. الا فرت حصاه .. بنروح مشي ..
غايه : مشي انا و انتي بس ؟؟!!.. شو تبينهم يذبحونا ؟؟..
العنود : عاد شو تبينا نسوي .. ماشي ف تيلفون المدرسه صفر عشان نتصل حق حد من خوانا عموبايلاتهم .. و امايه و عموه في بوظبي .. يعني شو نسوي ..؟؟..
غايه : اوكي لحظه .. شوي بنتريا فريد يمكن ايي ..
و تمت غايوه و العنود بنت عمها عند بوابة المدرسه يتريون حد اييهن .. و بعدين الكل راح و ما تم الا هن و فايز البواب ..
العنود : غايوه .. محد يانا .. فضيحه الا انا و انتي الي تمينا فالمدرسه ..
غايه : اف .. يله خلينا نرووح ..
و مشت غايه و العنود .. رادات بيوتهن مشي من المدرسه .. و بيوتهن اصلا مب بعيده وايد عن المدرسه ..و هن يمشن .. ما شالله ما خلوهن الشباب في حالهن .. و من بين هالشباب .. واحد عنده نيسان عشبي ..(( راشد)) ..**$ راشد من هم يهال و هو يموت على غايه .. و هو ولد عم شمسه ربيعة غايوه و طبجتها .. و كانت دوم اتقول لغايه عن راشد ... ما تم حد في سويحان ما عرف عن حب راشد لغايوه .. بس غايه .. انسانه وايد متكبره .. و مغروره بعمرها .. غايه بنت من بين 6 اولاد .. غايوه نظر عيون ابوها .. لانه مسمنها على امه .. و كل عمومتها و عماتها يحبنها .. الله حط في غايوه حلاه .. ميزتها عن بنات عمها ... غايوه .. طويله .. بيضى .. شعرها طويل .. بس الي يميزه لونه عسلي حرير .. ملامحها وايد حلوه .. احلا بنت فالعايله .. و من هي ياهل و هي حلوه .. يمكن الي بيجذب نظر أي حد يشوفها هي عيونها .. ماشالله .. عليها عيون ذباحه$** ..
و هن رادات .. خطف راشد عدالهن ..
راشد : تبني اوصلكن ..؟؟..
تمن ساكتات ..
راشد : شمس عليكن ..
العنود و هي تكلم غايوه بصوت واطي .: غايوه هذا ما يستحي .. بيفضحنا ..
غايه : شو تبيني اسوي .. مشي و طنشي رمسته ..
راشد و هو يطول عالمسجل ..
(تعال نعيش في دنيا الحنان .. حبيبي خل لي قلبك حنون .. ألا ليش التغلي من زمان .. على خل ٍ لذكراكم يصون)
و هن خايفات .. خايفات لاحد من اهلهن يخطف و يشوف راشد و هو يحوط عدالهن .. و تمن يمشن بسرعه .. اللين ما دخلن السكه ..
العنود : من ادخل السكه احس بالامان ..
غايه : ههه .. عقي مريولج و تعاليني ..
العنود : لا و الله و شعنه ما تين انتي ..؟؟..
غايه : لان سعيد في سويحان ..
العنود : يالله عليج ..
غايه : عنودي .. مافيني للحشره .. تعاليني انتي ..
العنود : غايوه خوانج كلهم فالبيت ..
و في هاللحظه رجع راشد و خطف من الشارع الي مجابل سكتهن ..
غايه : عنوده دخلي مافينا هذا بيفضحنا بتخطيفاته .. بتصلبج ..
و دخلت كل وحده منهن بيتها .. و راحت غايه و تسبحت و من عقب يلست عند يدها ..
يد غايه : هاه العيوز .. علومج ؟؟..
غايه : حرام عليك يدي .. انا عيوز؟؟. ..
يد غايه : مسمايه عالعيوز .. عيوزنا الاوليه ..
و ان العنود حادره عليهم ..
العنود و هي تخر على يدها و توايهه و تحبه عراسه ..
غايه : توني كنت بتصلبج الا ريت يدي و يلست اسوولف عنده ..
العنود : اها ..
و في هاللحظه رن تيلفون بيتهم .. جان تنش غايوه عشان اترد عليه ..
غايه : ألوو ..
: " اتردد للمكان الي انت فيه .. كني فاقد شي في ذاك المكان .. اتعذر باي شي و اسأل عليه .. و الوله في نظرة اعيوني يبان "
غايه و هي تسكر التيلفون : اوه ...
يد غايه : شعندج ..؟؟..
غايه : لا ماشي يدي هذا هندي مغلط ..
غايه : عنود نشي بنروح الحجره نذاكر ..
يد غايه : نشن ذاجرن .. باجر بطيرن الطياره ..
العنود : ههه ..
و نشت غايوه و العنود و حدرن الحجره ..
العنود : غايوه .. شعنه شمسه غايبه اليوم ..؟؟..
غايه : مادريبها .. امس ارمسها ما قالتلي انها بتغيب ..
العنود : نشي اتصليبها ..
غايه : ما عليه .. الا خلينا نتغدى و من عقب بتصلبها ..
و من عقب ما تغدن .. اتصلت غايوه بشمسه ربيعتها ..
شلته الخدامه .. و راحت و زقرت شمسه ..
شمسه : مرحبا ..
غايه : مرحبا ملاين ..
شمسه و هي تغمز لراشد ولد عمها و خليفه خوها : و لا يسدن بغرشوبتنا ..
غايه : وين دارج ... شعنه ما داومتي اليوم ..؟؟..
و في هاللحظه .. كان راشد فوق راس شمسه يريد يسمع غايوه ..
شمسه : لا ماشي .. الله يسلمج .. الصبح ريت امايه متلبسه قالت بخطفج المدرسه و مناك بترووح صوب خالوه فالعين و من عقب بتخطف السوق ..
غايه : اها .. قولي جذيه ..
شمسه : تعرفيني ما اقاوم روحات العين ..
غايه : الله يعين .. و لا جن وراج ثانويه عامه السنه ..
شمسه : اوه عطاري الدراسه .. غايووه .. فديتج .. طلبتج ..
غايه : تم .. شو تبيني افهمج العربي و الا الانجليزي ..؟؟..
شمسه : ههه .. لا مخليتنج لرياضيات ..
غايه : ههه .. الله يعين .. عيوني لج بنت مبارك ..
شمسه : فديت عيونج ..
راشد : هيه و الله ..
شمسه و هي اطالع راشد بنظره ..
راشد : احبها .. شو اسوي ..
شمسه و هي اتشل التيلفون و اتنش عنه صوب حجرتها ..
شمسه : غايوه .. فديتج .. بطرشلج كتب رشود .. علميله عتعاريف الكيمياء و الاحياء ..
غايه : شو ؟؟؟!!!!.. بيبطي الساع ..
شمسه : حرام عليج .. خافي ربج فولد عمي ..
غايه : بن عروه استهم منه ..
شمسه : حرام عليج .. جن عمره 20 و يرقبج اللين ما توصلين الثانويه و حول علمي بس عشانج ..
غايه : محد ضربه ع ايده ..
شمسه : يالله عليج يالزمه .. شو بيستوي يعني .. انتي الا بتشخطين عالكتاب ..
غايه : عنود سمعي هالسباله شو تقول ..
العنود : بلاها ..؟؟؟..
غايه : اوين تباني ألخص تعاريف الكيمياء و الاحياء لراشد ..
العنود : قصورج ..
شمسه : خافن ربك فهالمسيكين ..
غايه : شموس تعرفين ان ولد عمج ما يستحي ..
شمسه : عاد بخبرج .. ولد عمي ريال و لا عليه قصور .. هو لو سالم من شوقج و حبج .. جان هو بخير ..
غايه : المهم .. انا مب متفيجتلج .. يله برايج ..
شمسه : ليش شو عندكن انتي و عنود ...؟؟؟...
غايه : ماشي بنذاكر .. ماشي باقلنا .. باجر آخر يوم بنداومه فالمدرسه و يومين و بندش شهر خمسه ماشي باقي عن الامتحانات ..
شمسه : غايوه اريد ايكم ..
غايه : و الله ؟؟.. اوكي تعالي و الله محد فالبيت حتى امايه هي و عموه في بوظبي ..
شمسه : عاد خليفه ما بيخليني ..
غايه : حرام عليه .. و الله محد عندنا الا يدي ..
شمسه : م ... هو مافي الا حل واحد ..
غايه بلهفه : شو شو ؟؟..
شمسه : اقولهم بودي كتب راشد لج عشان تلخصيله ..
غايه : لا و الله ..؟؟؟..
شمسه : حرام عليج غايوه ...
غايه : ام .. اوكي ..
و سكرت عنها ..
شمسه و هي ترجع الصاله ..
شمسه : وافقت ..
راشد و هو مستغرب : حلفي ..؟؟؟..
شمسه : و الله .. بس عشرط ..
راشد : عيوني لها ..
شمسه و هي اتشوف خليفه خوها : تباني انا ايبلها الكتب ..
راشد : تم .. يله نشي ..
خليفه : لا تنش و لا الله يقوله ..
راشد : خلووف .. دخيل والديك .. تخيل غايوه بتكتبلي !.. و الله بستخف ...و بعد محايل وافق خليفه .. و اتصلت شمسه و قالت لغايوه و وداها راشد صوب بيت غايوه .. و تمن البنات يسولف .. بس بعدين تلومت غايوه من راشد .. و تمت تلخصله التعاريف و تكتبله الاسئله المهمه على بعض الفقرات ..
و عالساعه 5العصر رجعت شموس بيتهم .. و لقت راشد يترياها ..
راشد : هاه شموس بشري ..
شمسه : مادريبها شو كتبت... فتح الكتاب و شوف ..
شل راشد عن شمسه الكتب .. و تم يقرى الملاحظات و الاسئله لي كتبتهم غايوه في كتابه ..
راشد : اه .. فديت خطها ..
تم راشد يطالع خط غايوه .. يحس قلبه بيووقف .. مب مصدق .. رجع و فتح كتاب الاحياء يشوفها شو كتبتله ..و تم يجلب الصفحات .. و انتبه ان في رسمه في كتابه .. منصدم !.. ان غايه راسمه في كتابه رسمت وجه بنت !.. و تم يتأملها .. غايه ما انتبهت .. من طبع غايوه انها ترسم في أي كتاب او ورقه ممكن اتكون عندها .. هي رسمت بس ما انتبهت انها تلخص في كتاب راشد .. يعني هالرسمه رسمتها بعفويه مب متعمده ..
من عقب ما راحت عنهن شمسه .. ظهرت غايه و العنود من الحجره .. و راحن الحوش .. لقن يدهن فارش و يالس فالحوش .. و كان حمد عنده $ خو غايه عمره 27 سنه .. يشتغل في دايرة الاشغال فالعين .. $
تحجبت العنود و راحت هي و غايوه صوبهم ..
حمد : شعنه ظاهرات ؟؟!!.. يله نشن ذاكرن ..
غايه : طفرنا .. الكتب عافتنا ..
العنود : لا عافتج انتي .. انا محد يعافني ..
حمد : قوم ادبي امره لا يرمسون ..
العنود : يالله عليك ..
يد غايه : العيوز .. مني الي ظهرت مغشايه من ساعه ؟؟..
غايه : فديتك هذي ربيعتيه ..
يد غايه : ربيعتج انزين منوه ؟؟..
حمد : منو من ربيعاتج اللي يتج ؟؟..
غايه : بنت مبارك ..
سكت حمد .. طالعته العنود ..
حمد : شعندج ؟؟..
العنود : انا ما قلت شي .. انت شو بلاك ؟؟..
حمد و هو ينش : مشكله اليهال ..
العنود : يدي .. ما تشوف شعر حمد تم أملح كله ابيض ..
يد غايه : لا لا .. صدق ؟؟.. بوشهاب هات راسك بتفطن فيه بشوفه جنه ابيض ..
غايه : ههه .. يدي .. الشيب كسى راسه ..
حمد : عنلالالاتكن من بنات ..
نش حمد و بيظهر من البيت و هو عند دروازت البيت ..
غايه : حمود .. رووح الصيدليه ..
حمد و هو واقف عند الباب و مستغرب : ليش ؟؟..
غايه : يبيعون فيها صبغه لشعر .. ههه ..
يد غايه : هيه ولديه تصبغبها جنك تبى تعرس .. محد بياخذك و انت أملح ..
حمد : ما عليه ما عليه العيزى .. دواج عندي ملعونة الصير ..
غايه : ههه ..
بالباجر يوم الاربعاء.. كان اخر يوم للبنات فالمدرسه و من بعدها بيعطلون شهر خمسه استعدادا للامتحانات الثانويه العامه فشهر سته .. بس كانت باقيتلهن حفلة التخريج من المدرسه الي بتكون بالسبت ..
من بعد ما رجعت غايوه البيت .. حدرت حجرتها و تسبحت و من عقب ظهرت و يلست عند امها شوي .. و كان يدها منسدح عالمخده و يعلق عالتلفزيون ..
ام غايه : يا لقعتيه من عمي .. ما خلاني اشووف المسلسل ..
غايه : ههه .. ما عليه بتشوفين ..
و تمت تبدل بين القنوات..
ام غايه : ما فتكيت من عمي ييتيني انتي .. بتخبرج شلي يدج و ألتعني حجرتج و شوفي التلفزيون .. انا اتابع المسلسل عالشارجه مال عيال بن فاضل ..
غايه : امايه فديتج دقيقه بس .. و حطت على قناة الامارات .. و كانو ييبين غنيه من حفله لمحمد عبدو ..
يد غايه : خليه خليه بنتسمعه ..
و فلقطه طلعو الي يطبلون ..
يد غايه : وه غربله الله .. هذا عوض مسود الويه ؟؟..
غايه : ههه .. يدي منو عوض .. ؟؟..
يد غايه : لا عين خير .. جنه يشتغل فالنهار فالبلديه و عتالي الليل يبات يطبل !!!!.. ما عليه بتزقره الخمام بهالعيره عراسه ..
غايه : ههه .. لا يدي هذا مب عوض .. هذا واحد ثاني ..
يد غايه : انتي شعرفج ..؟؟.. هذا عوض بتخبرينه عنه مسود الويه .. اشوفه امس يوم ييته المكتب ما لقيته تره بايت يطبل و اصبح راقد عن دوامه ..
غايه : ههه ..
من عقب نشت عنهم غايوه و راحت صوب حجرة خوها مطر و رتبتها و ظهرت كندوره له و سفره و دخنت الحجره .. عشانه بينزل من الكليه اليوم ..عند صلاة العصر راح هزاع خوها و ياب مطر الي نزله الباص هو و باقي الشباب عند الدوار عشان يودي شباب الهير .. و ردو البيت و سلم مطر على امه و خوانه و يده و من عقب راح حجرته .. فهاللحظه يت العنود بيت عمها و معاها لطيفه بنت خوها الصغيره .. و راحت صوب حجرة غايه بدون ما تدخل الصاله الداخليه .. و غرف غايه و مطر و عبيد كلهن في قسم واحد يفتحن عصاله .. بس العنود ما حصلت غايوه فحجرتها .. و هي توها ظاهره من الحجره و تتظارب مع لطوف عسبت دبدوب غايوه اللي شلته لطوف ..
العنود : لطوف حبيبي رديه .. مال خالوه غايه ..
لطيفه : ماليد ..
العنود و هي تحاول تشله : لا حبيبي عيب .. هاتيه ..
لطيفه : مالي يد ..
العنود : ايه مافيني لبزى البنات يله هاتيه ..
و فهاللحظه ظهر مطر ..
مطر: لا اله الا الله .. شعندج محتشره عالياهل ؟؟..
العنود و هي مستحيه و تتحجب : شو ؟؟.. اه ؟؟.. لا ماشي ..
مطر : حشى .. ماشي و بغيتي تاكلين البنت ..
العنود تسب لطوف فخاطرها ..
مطر : باجر جذيه بتسوين بعيالنها ؟؟..
و من قال هالكلمه انحرق ويه العنود .. جان تخلي لطوف و تظهر تربع عنهم ..
مطر : ههه ..
و شل لطوف و راح الصاله الداخليه و لقى العنود يالسه عندهم ..
مطر و هو يظحك : مشكله الي يستحون ههه ..
غايه : مطور نبى نروح العين ..
مطر : ليش ؟؟..
غايه : نبى نيب شيلنا و عبايانا هناييل الحفله ..
مطر و هو يطالع العنود الي كانت تشرب حليب : عطيني الفواتير و بيبهن لج ..عنوده .. مب حار ؟؟..
و من رمسها مطر غصت بالحليب و تمت تكح ..
و هو ميت من الظحك ..
غايه و هي ادح العنود عظهرها : بسم الله عليج .. صحه صحه ..
عبيد و هو يغمز لمطر : عقلب الحبيب ..
مطر : ياخي مشكله المستحى واايد .. ههه ..
يوم الخميس الصبح يت الحنايه و تحنن البنات حق الحفله .. و باليمعه الظهر رجع مطر الكليه .. يوم السبت الصبح عالساعه 5 يتهن راعية الصالون الي تعاقدو معاها عشان تعدلهن للحفله .. مشالله كانن وايد حلوات .. كانت العنود لابسه فستان عنابي و فاتحه شعرها الي تخطى ركبها .. كانت رهيبه من الخاطر .. و غايه .. كانت لابسه فستان ذهبي مخصر .. رهيب .. و الي حلاه اكثر غايه .. ماشالله عليها كانت رهيبه .. و كانت فاتحه شعرها .. و خصلات على ويها .. كانت اكثر من حلوه .. ما شالله ينحسدن هالبنتين .. قبل لا يروحن المدرسه تمن يتصورن و من عقب راحن المدرسه .. و ماشالله .. الحفله كانت وايد حلوه و مرتبه .. كرمو فيها طالبات الثانويه الاوائل و المدرسات .. حظرن امهات الطالبات الحفله .. و كانو مسوين فقرات واايد حلوه فالحفله .. بنات الابتداي يغنن و يرقصن و مشاراكات من طالبات المدرسه .. عالساعه 12 خلصت الحفله الرسميه للطالبات ..و طلعن المدرسات و الامهات راحن و ما تم الا البنات .. تمن البنات يتصورن مع بعض و يوقعن لبعض تذكاريات .. و من بعدها .. فصخن البنات عبيهن و تمن كل شوي مجموعه من البنات يقومن و يرقصن .. كان الجو وايد ..شمسه : غايوه يله نشي رقصي ..
غايه : اذا عنود بترقص عندي عادي برقص ..
العنود :م .. اخاف مطر يعرف ..
شمسه : ههه .. طاعن البنات ما خافت خوانها يعرفون .. لا خافت لا ولد عمها يعرف ..
غايه : ههه .. ما اسمحلج هذي بتكون حرمة خويه عيب ..
موزه : عنودي متى عرسج ؟؟..
مريم : ترانا معزومات .. عشرط ادخلينا عندج يوم يدخلون مطر عليج .. ههه
العنود و هي مستحيه : ايه ..
شمسه : عيل نشي رقصي ..
و نشت غايوه و العنود .. و رقصن على غنية شمس" سبع مرات" ..
كانن رهييباات .. يسون نفس الحركات و في نفس الوقت .. كل البنات تمن يشوفنهن و هن يرقصن و يصفقن لهن .. غير ..
( ان كنت في صدق الاحاسيس مثلي .. بصبر و باكر نجتمع باحلا الاوقات .. احلا الاوقات .. و يلم شملك يا حبيبي و شملي .. و اعوظك يا زين عن كل ما فات .. كل ما فات .. )
تمن البنات بين السوالف و الرقص اللين الساعه 3 الظهر .. و من بعدها ما قدرن انهن يتمن فالمدرسه زود عن جذيه .. فتمن يسلمن على بعض يودعن بعض اللين الامتحانات .. و ماقدرن انهن يمنعن نفسهن .. و لا اراديا نزلت دمعة الوداع .. يالله .. خلاص .. ما بنرجع للمدرسه .. ما بنيلس فالصفوف .. و انصف طابور .. و نمسح الصبور .. كان شعور بايخ بالفراق .. خلاص ما تم في واجبات بنحلها و لا تحظير الدروس .. خلاص ما بيقوفن عند المقصف يشترن كل يوم .. خلاص ودعنا المدرسه ..
رجعن البنات بيوتهن و هن متضايقات .. ما كان لهن خاطر لاي شي ..
رجعت العنود بيتهم و تسبحت و نامت .. و غايوه نفس الشي .. عالساعه 6 العصر .. راحت غايه بيت عمها .. و لقت عيال معضد خو العنود و عيال احمد خوها يلعبون بالماي فالحوش .. خطفت عنهم و راحت صوب حجرة العنود .. كانت العنود بعدها نايمه .. وعتها و طلعت عنها و يلست فالحوش تلعب مع اليهال .. كانو يملون البالونات بالماي و يفرونهن على بعض .. و توها العنود طالعه من باب الصاله .. جان تفرها غايووه ببالونه مليانه ماي .. و خاست العنود بالماي .. تمت غايوه و العنود يلعبن مع اليهال بالبالون .. طلعت ام العنود ..ام العنود : يالله بالعقل .. حريم و تلعبن بالماي ؟؟!!!!...
غايوه : عموه فديتج .. ظايجات خلنا نلعب .. و فهاللحظه فرتها عنوده ببالونه ..راحت ام العنود صوب ام غايه .. و تمن غايوه و عنود يتفارن بالبالون .. خلصن بالونات غايووه بعكس العنود .. فتمت تضرب غايوه .. و غايوه تشرد عنها .. ما لقت مكان .. فربعت عشان تندس فالميالس .. و ربعت و سكرت باب الميلس عليها ..
غايه و هي اتعق شيلتها و تفتح شعرها من بعد ما خاست ماي ..
غايه : الله ينطبها السباله .. خيستني ..
العنود و هي ادق الباب : ههه .. بطلي بطلي ..
غايه و هي تصارخ : بن عروه .. ما عليه .. بتبطين ما خليتج تعرسين بمطر خويه .. دوريلج معرس غيره يالسباله ..
فهاللحظه .. سمعت غايوه
.. : احم احم ..
صخت البنت .. و لا اراديا .. افترت و طالعت الميلس ..
صرخت غايه ..
الجزء الثاني ..
انا رحبت من خاطر وسيع يحشم الاكرام ...عزيز النفس يستاهل افز ألحشمته واقوم***
من افترت غايوه شافت واحد يالس ع واحد من الكراسي فطرف الميلس .. تمت غايوه واقفه ثواني تستوعب الي مستوي .. و فجأه صارخت .. و أفترت ع باب الميلس .. و من الربشه حست ان الباب مب طايع يفتح ..
و من فتحت الباب .. كانت العنود واقفه عدال الباب .. طلعت غايوه و هي تربع و سكرت الباب بالقوو .. و من شافتها العنود .. فرتها ببالونه ..
غايه و هي تصارخ : ايه يالسباله ...
العنود : ههه ..
غايه : عنود لحقي .. واحد فالميلس ..
العنود و هي مستغربه : واحد منو ؟؟..
غايه : شدراني واحد ريته مرتز فالميلس ..
العنود و هي مستغربه : مستحيل .. محد من خواني فالبيت .. و امايه توها ظاهره ..
راحت العنود و وايجت من دروازت البيت اتشوف اذا في سيايير عند باب الميلس الخارجي .. و صدمتها انها لقت بورش ذهبي غريب واقف عند الباب .. جان ترجع لغايووه ..
العنود : هيه في سياره برى ..!!.. غريبه ..
غايه : يالفضايح ..
العنود : غايوه .. شافج و انتي جذيه؟؟؟!! ..
غايه و هي ترفع شعرها عن ويهها : عنود سكتي عني ..
و فهاللحظه .. كان منصور فالميالس .. صاخ .. يريد يستوعب الي شافه .. $ منصور .. من هل بوظبي .. ربيع سعيد خو العنود عمره 29 .. ماشالله عليه ريال بهيبته .. رزين و صاحب مال و حلال .. كشكل مب حلو وايد .. بس يفرض احظوره .. احلا مافيه عظمته و جسمه .. انسان محترم و مثقف .. $ ..العنود : نشي بندخل الحجره ..
و راحت غايوه و العنود الحجره ..
ظهر سعيد خو العنود من حجرته .. و راح صوب حجرة امه بس ما لقاها .. جان يروح صوب حجرة العنود و دق الباب ..
العنود و هي تمش ويها و شعرها بالفوطه من الماي و غايوه معاها ..
العنود : منو ؟؟..
سعيد : العنود .. بطلي انا سعيد ..
العنود و هي تفر الفوطه : فديتك ..
و راحت بتبطل الباب ..
غايه : عنود لا تبطلين الباب كله ما فينيي يشوفني سعيد ..
العنود و هي تفتح الباب : انشالله ..
و فتحت الباب و طلعت و سكرته .. و سلمت ع سعيد خوها و وايهته ..
سعيد : مرحبا الساع ..
العنود : فديت روحك .. توك ياي ..؟؟..
سعيد : لاه من نص ساعه ياي الا حدرت اتسبح و توني ظاهر ..
العنود : من نص ساعه ؟؟.. انا و غايوه كنا فالحوش ما ريناك و لا رينا سيارتك ..!!!..
سعيد : لا ياي انا و واحد من الشباب .. حدرت من الميالس ..
العنود : اها ... يالفضايح .. ما قلتلنا عشان نحطله فواله و القهوه ..
سعيد : الا منصور .. راعي البيت الريال هب غريب ..
العنود : م منصور .. ربيعك الي من بوظبي ؟؟..
سعيد : هيه .. الا وين غايوه ؟؟..
العنود : فالحجره .. و اشرت على حجرتها ..
سعيد : اها .. شو ما تبى تسلم عليه و الا شو ..؟؟..
العنود : لا فديتك الا خرسانات ماي .. ههه من الصبح نلعب مع اليهال بالماي ..
سعيد : ههه ... اشوفج خرسانه من راسج .. انزين .. خلي الطباخ اييب القهوه و الجاهي الميالس ..
العنود : انشالله فديت روحك ..
و راح سعيد صوب منصور فالميالس .. و رجعت العنود صوب غايوه فالحجره ..
العنود : تعرفين منو الي فالميلس .. ؟؟.. هذا منصور ربيع سعيد ..
غايه و هي خايفه : حلفي ؟؟..
العنود : و الله ..
غايه : ياويلي .. اللحين بيقوله .. و بيذبحنا سعيد ..
العنود : شو ؟؟.. لا ما اعتقد ..
غايه بخوف : عنود شيلتيه فالميلس ...
العنود : شو ؟؟؟!!!!...
غايه : ترااني من دخلت الميلس عقيتها .. كانت خرسانه ماي ..
العنود : ياويلنا يا ويلنا .. لو الريال ما رمس اللحين الشيله بتفضحنا ..
غايه و هي خلاص بتصيح : كله منج..
العنود : لا و الله و انا قلتلج ربعي الميالس و عقي شيلتج ؟.!!..
فهاللحظه دخل سعيد الميالس من الباب الي يفتح عالبيت .. و لقى لطوف بنت معضد خوه يالسه و تسولف مع منصور ..
سعيد : لطوف .. شوتسوين هني .. يله نشي .. عيب تيلسين عند الرياييل ..
لطوف و هي تأشر عمنصور : هدا مب ليال ..
منصور: ههه .. قويه منها ..
سعيد : ههه .. عيل شو تشوفينه جدامج ..؟؟.
لطوف : يا قبي .. هدا منطور ..
منصور : ههه .. خلتك غبي و انا ناطور ههه ..
سعيد : ههه .. الله يخسج .. يله برى برى ..
دخل حمد خو لطوف العود الميالس من الباب الي يفتح عالحوش ( نفس الباب الي دخلت منه غايوه ) ..
حمد : لطوف لطوف .. تعالي سالم عنده دراجه ..
لطوف و هي منذهله : و الله ؟؟.. (جان تفتر صوب سعيد و منصور) .. يله بلايكم بلوح لدلاجه ..
منصور: ههه ..
سعيد : ههه .. شلي شيلتج فياج ..
و من طرى سعيد الشيله ارتبش منصور .. يالفضايح .. لو درى سعيد اني شفت وحده من خاواته .. حشى .. مب أي وحده .. ريم من حلاتها .. و فهاللحظه .. طرى عباله شكل غايه و هي اتطالعه و منصدمه من وجوده ..
التعليقات (4)
الله من قصة والله روعة لا تتاخري علينا بالباقي فديتج انا ها ويسلمو لنا يدينج
الجزء
من قصة فارسه ماتهاب اخيول الغدر
العنود و هي تصيح : انا عمري ما كنت اتوقع تفكيرج بنا لهالدرجه .. ما كنت ادري اني طايحه من عينج وايد ..
ما عطت العنود غايه مجال انها تتكلم و الا ترمس .. ظهرت العنود و هي متغشيه و ماسكه النقاب بايدها .. و من زود دموعها مب قادره اتشوف الطريق جدامها .. ثواني وطلعت غايه من بعد ما غسلت ويها و لبست النقاب .. و العنود قلبها معورنها من غايه و رمستها .. يالله هذي نظرتهم لي ..؟؟؟!!!.. و تمت تصيح .. و دقايق و انه ينادون بهم عشان يروحون البواب عشان يركبون الطياره .. و كانو يسلمون على سعيد و مطر .. الي بيلحقونهم اليوم فليل للبلاد .. و مطر اعيونه ادور العنود .. الي تعمدت انها ما تسلم عليهم و راحت و دخلت البوابه .. و مطر يدورها بين هلهم .. بس مالقاها .. عنلاتها السباله .. ملغوثه عالبلاد .. امره ربعت ولا سلمت و لا ودعت .. عنلاتها .. خلني اشوفها بس ..
و راحو كلهم و ركبوالطياره .. و العنود تعمدت انها ما تيلس عدال غايه .. و يلست عدال امنه و يمعه عيال ختها .. و غايه يلست عدال هزاع و حمد خوانها .. و منى و منال .. ظايجات ودهن لو يكونن عند البنات ..
منى : اف ..
حامد : شو بلاج ..؟؟؟..
منى : اريد اروح عند البنات ..
منال : هيه و الله ..
حامد : الله يرحم .. شو اللحين ما تمينا نعيبكن الشيخات ..؟؟؟..
منى : لا بس البنات غير ..
منصور : نشن بنروح صوبهم شوي و بنرجع ..
و نشن يترابعن البنات .. و راحو صوبهم و منصور ايدور غايه ... الي كانت سانده راسها على كتف هزاع خوها و تسولف معاه .. فهاللحظه .. تمنى منصور انه يكون مكان هزاع .. يالله معقوله .. معقوله بيي اليوم الي بتكون غايه لي انا .. انا بروحي .. آآآآآه ..
فهاللحظه شاف راشد منى .. و من شافها نش عن امه و بوه و ربع صوبها ..
و من شافته منى فرحت ..
راشد و هو يمسك ايد منى : منايه ..
افترو كلهم صوبهم ..
منصور و هو يظحك : يعلن عن وصولنا ..
راشد و هو يسحب منى صوب امه و بوه : بويه .. انا احب منى ..
و احمد منصدم من رمست ولده : شو ...؟؟؟؟..
و منى ميته من المستحى ..
ميثه : عاد انا بخبرك .. ولدك متصوب من البنيه .. من ترد البلاد خطبها له و فكنا من حشرته ..
ام غايه : منو عمه ؟؟.. عمه مطر .. لازم بياكلنا فوادنا ..
فهاللحظه الي ذكرو فيها اسم مطر .. حز في خاطر العنود انها راحت بدون ما تسلم عليه .. يالله فديته .. و الله انه غالي .. الله يعني بلا غايه و هالسبال احمد .. عنلاتها جنها تقارن مطر بهاليعري .. يالله يا بوغيث .. يعلني ماذوق حزنك عسى ..
الجزء الثاني عشر ..
*** أريدك لي واعلنها على كل الملا كلمه ... أريدك لو ذبحني ظرفي القاسي وحطمني***
من شافت غايه منصور .. صلبت عمرها .. و منصور الود وده عينه ما تفارقها .. بس هي كانت يالسه بين خوانها .. فما قدر انه يشوفها او حتى يفتر صوبها .. بس قلبه تم يدق بالقو .. كنه مراهق .. ثواني و ان المظيفه اتقولهم يرجعون مكانهم .. و رجعو مكانهم .. و وصلو ع خير للبلاد ..
و هم فالمطار .. كان معضد ولد عمهم خو العنود و فياه دريول عمه .. يتريونهم .. بس هم تاخرو اللين ما طلعو .. عشانهم خذو وقت و هم يخلصون اوراقهم و يدورون شنطهم ..
و ظهرو كلهم من المطار .. و قوم منصور راحو في سيارة حامد الي كان موقفنها عند المطار من قبل لا يسافر .. و قوم غايه توزعو فالسيارتين و ردو صوب سويحان .. و طول الطريج لا العنود ترمس و لا غايه ..
و منصور طول الطريج للبيت و هو يتذكر شكل غايه و هي منسدحه على كتف هزاع .. و حامد متغيض عليه .. لدرجة انه ما يكلمه مثل قبل ..
و من وصلو قوم غايه سويحان .. الكل دخل حجرته و تسبحو و صلو العصر .. و من عقب الساعه 6 كانت ام غايه محتشره على عيالها تباهم يودونها صوب شيبتهم الي كان مرقد في توام ..
فهالوقت كانت غايه توها ظاهره من حجرتها ..
ام غايه : حمد نش يابويه ودنيه صوب يدك ..
حمد : لا اله الا الله .. يابنت الحلال استريحي اليوم و باجر من الفير بنسرح صوبه ..
جان تفتر ام غايه صوب ريلها : انت اشوه قلبك .. بوك مرقد ماندري بحالته و انت تعابل هالمدواخ الي مافره ع طول يديه ..
بو غايه : لا حول ... ( و يفتر صوب عياله ) .. العيوز مب من خذها .. العيوز من تفجج منها ..
ام غايه : انا عيوز يالشيبه الهايم ..؟؟؟؟...
حمد : ههه تناشبو الشواب ..
فهالوقت كان عبيد توه راد البيت .. و ما كان يدري ان هله ردو من السفر .. و من دخل و لقاهم كلهم يالسين فالصاله الخارجيه ..
عبيد : هلا و الله بهالشوف ..
و ثاروو كلهم و سلمو عليه ..
ام غايه : عبيد يا بعدي .. نش روحبي صوب يدك ..
عبيد : توني ياي من عندهم ..
ام غايه : بشرني عنه ..
عبيد : يسرج حاله .. مافيه شي .. الا الشيبه مانعين عنه القهوه و يبات و يصبح يدعيبهم ..
ام غايه : ودي .. وشعنه مانعين عنه القهوه ؟؟..
عبيد : الضغط مرتفع عنده
بوغايه : قلتلج الشيبه مافيه شر .. الا انتن الحرمات ملق فيكن مب في حد ..
ام غايه : ملق !!؟؟.. نش نش دامك ع حشمه و روحبي المستشفى ..
عبيد : ههه .. هاه الشيبه علومك ..؟؟؟..
بو غايه و هو ينش : عيالي .. فكو عاماركم و لا تفرون بعاماركم في حلج حرمه .. طبو العرس بالحرمات ..
غايه : امايه بروح معاكم ..
ام غايه : انقفضي عيل ..
غايه و هي تربع صوب حجرتها : دقيقه ..
و راحت غايه و تلبست و ظهرت صوبهم .. و روحو صوب يدها .. الي كان مرقد في توام قسم الباطنيه .. و هم داخلين توام ..
غايه : امايه .. خلينا نشتري وحده من هالسلل ليدي ..
ام غايه و هي تسحب غايه من عباتها : ما سمعتيه خوج يقولج يدج فيه الضغط ..
غايه و هي تفتر صوب بوها : باباتي ..
بو غايه : عونه ..
غايه و هي تاشر على صنية حلاوى : باباتي .. اريدها ..
بو غايه : امره فالج طيب ..
غايه : فديت باباتي انا ..
ام غايه : هذا الملق بعينه ..
بو غايه : الحص .. اييج شور .. شلي دلالج و تقدمينا .. و احنا بنتشرى و بنيج ..
ام غايه : و من قالك اني بترياك انت و بنت اللين ما تتشرون و تفججون روسكم ..
و راحت ام غايه صوب الاصنصير .. و غايه و بوها راحو صوب المحل .. و عند دخلت المحل في نزله .. غايه كانت تمشي و مفتره صوب الطرف الثاني اتشوف وحده واقفه و تكلم واحد و كانو واقفين عدال راعي المجلات .. و لا انتبهت لهالنزله .. و بوها كان يتقدمها ..و باب المحل يفتح اوتوماتك .. انفتح الباب و مشت و هي بعدها مفتره صوبهم اتشوفهم .. و ماحسوبها الا و هي تبغم ( تصارخ ) من بعد ما طاحت على الارض .. فهاللحظه .. الريال و البنت افترو صوبها .. و بوها رد صوبها يربع .. و هي من طاحت .. ما رامت تشل عمرها و تمت يالسه على ارضية المحل ..
بو غايه : رب ما تعوقتي ..؟؟؟؟..
غايه : لا .. ماشي .. كنت اشوف رخام ارضية المحل ..
بوغايه و هو يصلب غايه عشان توقف : ههه .. جن الرخام عايبنج بنحطه لج فالبيت ..
غايه و هي تفتر اتشوف اذا حد شافها و هي اتطيح لان المحل كله زجاج .. شافت الريال الي كان واقف عند وحده عند راعي المجلات واقف بروحه و يشوفها و يبتسلم ..
غايه و هي تفتر صوب بوها : فقت ذا الويه ..
و تنقو هي و بوها صنية حلاوى حلوه و شلوها معاهم و راحو صوب يد غايه .. اول شي دخل بوها .. و لقى حرمات و رياييل عندهم فالحجره .. جان يفتر صوب غايه ..
بو غايه : تمي هنيه .. رياييل داخل ..
غايه : انشالله ..
ثواني و ان عمتها ( ام ميثه حرمة احمد خوها ) ظاهره صوبها فالممر ...
ام ميثه : مرحبا الساع مرحبا ملاين ..
غايه : مرحبا عمتيه ..
و وايهتها و حبتها ع راسها ..
ام ميثه : يعني فداج .. شو ميلسنج هنيه ..؟؟.. حدري داخل ..
غايه : بويه قالي رياييل عندكم ..
ام ميثه : لا محد الا سيف و سلطان ..
و فهاللحظه ان سلطان ولد عمتها ظاهر ..
سلطان : السلام عليكم ..
غايه : و عليكم السلام ..
سلطان : وش حالكم ..؟؟؟..
غايه و هي منزله راسها : بخير ربي يسلمك ..
سلطان و هو يفتر صوب امه : هاه الغاليه .. تامرينا بشي ..؟؟؟..
ام ميثه : وين بها ..؟؟؟..
سلطان : بروح صوب الشباب ..
ام ميثه : ردلي حول 10 ..
سلطان : فالج طيب الغاليه ..
و راح عنهن سلطان و حدرت ام ميثه و من عقبها غايه ..
غايه : السلام عليكم ..
الكل : و عليكم السلام ..
يد غايه : ظويتي مسودت الويه ..
غايه : ههه .. ( جان تمشي صوبه و حبته ع راسه و من عقب حبته على رقبته ) .. فديت روحك ..
يد غايه : وين العيره ؟؟.. سيف عطني العصى ..
سيف و هو مفتر صوب غايه : حشم ..
يد غايه و هو يشر بيده : لا لا .. وين حشم .. مسودت الويه .. طارت فالطايره شهر .. شهر و هي طايره ..
غايه : يدي ادعيتلك و انا فالحرم ..
يد غايه و هو يرمس غايه : ادعيتيلي بعروس ..؟؟؟..
سيف : ههه .. يدي جن الا في خاطرك عروس .. الليله بنظويها لك ..
ام ميثه : يالله بالستر .. لحق يا معضد .. بنت و سيف بيخربون بويه ..
و فهاللحظه يتهم الممرضه ..
يد غايه : هب .. ظوتكم ام كشه ..
غايه : يدي عيب ..
يد غايه : وين عيب .. فلختبي بكشتها .. ما تقولين الا ساحره و بطير ..
ع الساعه 10 سرو كلهم عن الشيبه و تم الا سيف عنده .. و قوم غايه ردو سويحان .. و عساعه 11 فليل راح عبيد صوب المطار عشان اييب مطر و سعيد .. و احمد امبونه موقف سيارته فالمطار .. و من عقب ما حطو شنطهم فالسيايير راحو كلهم صوب داره .. و احمد طول اليوم و باغض عمره .. غايه .. آاه .. و غايه من التعب .. من ردت تسبحت و صلت العشى و نامت ..
الباجر الصبح ..
الكل كان موجود فالصاله .. ظهر مطر .. و لقاهم كلهم يالسين يتريقون ..
و من عقب ما سلم عليهم ..
مطر : هاه العيوز بشرينا ع يدي ..
ام غايه : بخير يعني افدى روحه ..
غايه : امايه .. بروح اشوف عنود جنها بتخاوينا صوب يدي ..
حمد : لا تروحين و لا تين ..
غايه : ليش عاد .. ؟؟؟..
حمد : عايبنج شكلج و انتي تتمشين فالشارع ..
غايه : يالله عليك .. وين اتمشى .. بعدين انا بروح بيت عمي ..
حمد : استريحي ..
غايه : مطور .. اريد اروح لعنود ..
مطر : نشي نشي بنروحلهم ..
حمد و هو يطالع مطر بنظره .. فهاللحظه رن تيلفون حمد .. جان يبتسم و يثور عنهم بيظهر برى ..
عبيد و هو يغني لحمد : يوم اهو رايح جدى ياره ... واجبات اليار يديها .. كالبدر لي شعت انواره .. نورت دنياه و ما بيها
جان يطالعه حمد بنظره : لم ثمك ..
عبيد : احم احم ..
و ظهر عنهم حمد و ركب سيارته و راح .. و نشت من عقبه غايه و مطر و راحو صوب بيت عمهم ..
و لقو سعيد و ام العنود و حرمة معضد و معضد يالسين فالصاله .. من عقب ما سلمو عليهم ..
غايه : عمووه وين العنود ..؟؟؟..
ام العنود : احيدها تعابل الفواله فالمطبخ ..
نشت غايه و راحت المطبخ و لقت العنود يالسه و تسوي فقاع ( لقمة القاضي ) ..
غايه : عاشو .. عروسنا تعابل فالمطبخ ..
جان تفتر العنود صوب غايه : هلا .. و جان ترد و تعابل الفقاع ..
غايه و هي تمشي صوبها : عنود ..
ما ردت عليها ..
غايه : عنودي ...
العنود و هي تتنهد : نعم ..؟؟..
غايه و هي تمسك طرف شيلة العنود : زعلانه ..؟؟؟..
العنود : و ليش انشالله ازعل ..؟؟؟..
غايه : عنود حرام عليج .. انتي تعرفين ان مالي حد غيرج ..
ما ردت عليها ..
غايه و هي تمط شيلة العنود : عنود بس عاد .. لا تذلينا ..
العنود : من حلات سودته عاد ..
غايه : عنود .. ارجوج ..
العنود : حبي ايدي ..
غايه : شو ..؟؟؟!!!.. هذا الي قاصر ..
العنود و هي اتمد ايدها الي خايسه بالعيينه صوب غايه : حبيها حبيها ..
غايه : ايه ..
العنود : ههه ..
غايه : لمنوه تعابلين هالفواله ..؟؟؟..
العنود : بنسرح صوب يدي ..
غايه : و الله ..؟؟؟.. حتى احنا بنسرح صوبه .. امبوني يايه صوبج جنج بتخاوينا ..
العنود : عيل روحي و قولي لامايه عشان تتصل بعموه ..
غايه و هي تظهر من المطبخ : اوه عنود ... شوقج عندكم فالصاله ..
العنود : منو شوقي ..؟؟؟!!!..
غايه : لا و الله ..اونها ما عرفته ... ( و هي تقلد العنود و هي تنطق باسمه ) مطر ..
العنود : شو ..؟؟؟... حلفي ..
غايه : و الله ..
العنود : لا ماريده يشوفنيه و انا امبهدله جذيه ..
غايه : ياويلي انا ..
و ظهرت غايه عنها و خبرت عمتها .. و عالساعه 9:20 الصبح سرحو كلهم صوب يد غايه فالمستشفى .. و لقن حرمات عندهم فالمستشفى من هلهم الي فالعين .. و الرياييل ما لقولهم مكان .. راحو و فرشولهم زوليه فالممر و يلسو عليها مجابلين الاصنصير بعيد شوي عن الحجره ..
و هم يالسين شافو ثلاثة بنات ثنتين بدون عبي و لابسات شيل صلاه و الثالثه لابسه شيله سوده و حاطه غشوه فوق راسها دائريه و لا هب متغشيه .. متلثمه بالغشوه .. و يتمشن في اقسام المستشفى .. و عبيد و سيف واقفين عند الثلاجات بييبولهم غراش ماي ..
و من شافهن عبيد و هو مب في حاله : ياويل حالي ..
سيف : غرشوب رعبوب و الخصر منهوب و العود ميال .. نهاب القلوب من شوفه اتذوب بو شعر نشال ..
عبيد : سلام سلام ..
جان تظحك وحده منهن .. فهاللحظه كان مطر توه ياينهم .. و من شافهم سلم عليهم ..
مطر : شو ميلسنكم هنيه ..؟؟؟..
عبيد : الحجره متروسه حريم ..
جان يردن البنات و يخطفن مره ثانيه ..
سيف و هو ياشر على المتلثمه بالشيله : له رمش ذباح و الخد وضاح و الطرف جتال ..
مطر : ههه .. يا ويل حالك .. جان يفتر صوبهن .. حشى الريال مب في حاله منكن ..
قبل لا يخلص كلامك كان العنود و عمتها ام ميثه ظاهرين .. و طبعا العنود سمعت رمست مطر ..
مطر و هو يعدل سفرته : احم .. رحنا فيها ..
عبيد و هو يفتر صوب سيف : نقع البوكس ..
سيف : احم احم ..
مطر و هو يسلم على عمته و يحبها ع راسها ..
ام ميثه : مرحبا الساع ..
مطر : المرحب باجي ..
ام ميثه : وش حالك يا مطر .. ؟؟؟..
مطر : آآآآه .. انا مب في حاله ..
ام ميثه : افا .. رب ماشر ولديه ..
سيف : امي .. مطر مستصيب ..
جان تفتر ام ميثه صوب العنود الي ميته غيض ع مطر : دام انه مستصيب من العنود .. ما نرومله حيله ..
العنود : عموه .. خلينا نروح ..
ام ميثه : سيف .. نش ودنا الجمعيه ..
سيف : امره فالكن طيب ..
و مطر يطالع العنود .. هذي كيف بتركب عند سيف ..؟؟؟!!!..
مطر : انا بوديكم ..
ام ميثه : لا ولديه مافينا نعبل عليك ..
مطر : لا عبوله و لا شي ..
العنود و هي تفتر الطرف الثاني : نخاف نعطلك عن شغلك .. و الا ..
مطر و هو معصب عليها : لا تتنقمين .. و انجبي و خطفي ..
العنود و هي تحط ايدها في خصرها : نعم ...؟؟؟؟؟..
عبيد : خلاص انا بوديهن ..
ام ميثه : لا اله الا الله .. شعندكم ..؟؟؟؟..
مطر : تبن تروحن الجمعيه خطفن بوديكن .. ما تبني اوديكن ماشي لا جمعيات و لا دكاكيين ..
العنود : اف .. مشكله السبلالالان ..
و مشت قبلهم صوب الاصنصير .. و لحقتها عمتها .. و مطر ميت غيض عليها .. و راحو و ركبو عند مطر السياره ..
مطر : تبون هالجمعيه و الا كارفور ..؟؟؟..
العنود : كارفور ..
جان يرفع مطر عينه للمنظره الي جدامه و شاف العنود .. حظرتها تعاند يعني .. اوكي بنت حمد ..
ام ميثه : لا هالجمعيه بتسدنا ..
مطر : يوم الا في خاطرها حواطت كارفور .. بنوديها صوب كارفور ..
و من وصلو كارفور و وقفو فالبراكن و نزلو كلهم و دخلو كارفور و تمت العنود ادز العربه و مطر يطالعها .. خلها .. من عقب خلاهن مطر .. و راح صوب اريج .. و العنود بتاكله بعيونها .. و من عقب ما خلصن من كارفور .. راحن صوب اريج عشان يشوفن مطر .. و لقن الحبيب يالس و يسولف مع وحده من الي يبيعن .. من بعد ما تشرى من عندها كيس متروسه عطور .. و العنود تتطابخ من الغيض عليه و والود ودها تفلعه ..و من عقب ما ظهر من عند اريج خلت العنود العربه جدامه و مشت هي و عمتها ..
و ردو صوب المستشفى .. و دخلو .. و مطر امبونه وراهن شال القراطيس ( الاكياس) و العنود من غيضها عليه راحت ودفرت غايه ..
العنود بصوت واطي : بدوس في بطنه ..
غايه : ههه .. ليش ..؟؟؟..
جان يفتر مطر صوبهن .. و جان يبتسم للعنود .. عاد هي من شافته يبتسملها فجت ثمها ..
العنود و هي تمط ايد غايه : ياويلي خوج بيذبحني ..
غايه : اقوله ..
العنود : بزوالج ..
غايه : ههه ..
فهالوقت في بوظبي ..
كانت منى و منال يالسات فالصاله و منصور توه راد من الشركه ..
منصور : السلالالام عليكم ..
البنات : و عليكم السلالالام ..
منصور و هو يعق سفرته و العقال ع الكرسي و ييلس ع الكرسي الثاني ..
منال : شو تعبان ..؟؟..
منصور : ما نمت امس عدل ..
منى : ليش ...؟؟؟..
منصور : افكر فسالفه ..
منال : خير ..؟؟؟..
منصور : بروح اسبح و برجعلكن ..
و نش عنهن و راح يتسبح .. فهالوقت نش حامد من الرقاد .. و ظهر عندهن فالصاله و هو لابس شورت بني فاتح و قميص ابيض ..
منى : حمود وين بتروح ..؟؟؟..
حامد : بروح امشي ع البحر ..
منال : يالخبال .. اللحين بترووح ..؟؟؟..
حامد : خبال فعينج ..
و ان منصور ظاهر من قسمه ..
و من شافه حامد نش بيروح ..
منصور : حامد .. اريدك فرمسه ..
حامد : انا ..؟؟؟..
منصور : تعال الحجره ..
و رد منصور صوب قسمه .. و لحقه حامد ..
منصور : حامد .. انت مب خويه .. انت ولديه ..
نزل حامد راسه تحت ..
منصور : احبها .. حامد انت مب حاسبي .. هالبنت فيها شي ذابحني ..
ما رمس حامد ..
منصور : خلاص .. انا ماقدر اعيش دونها ..
و حامد ساكت ..
منصور : بخطبها ..
فهاللحظه رفع حامد عينه لمنصور و هو منصدم من هالقرار المفاجي ..
حامد : شو ...؟؟؟...
منصور و هو يهز راسه : آآآآآه .. ماقدر .. ماقدر اتخيل حياتي دونها ..
حامد : عمري ما شفتك بهالضعف .. !!..
منصور و هو منزل راسه : لا تلومني .. انت ما تحس بلي احسبه ..
حامد و هو يمشي : سو الي تباه .. و ربي يوفجك .. بس هالبنت ما تستاهلك .. و الله انها ما تستاهلك ..
و ظهر حامد عن منصور ..
تم منصور في حجرته حول النص ساعه .. و جان تيه منال .. و قالها ..
منال : حرام عليه .. هو ليش جذيه يقوول .. و الله هالانسانه شيخه .. و الله انها رهيبه ..
منصور : منال انتي عرفتيها زود عنا .. ماقد شفتي عليها حركات و الا ..
منال : منصور .. اذا غايه فيها عيب .. فهو انها صغيره و مستهتره شوي .. بس مافي حد يقدر يقول كلمه على اخلاقها ..
منصور و هو يتنهد و هو مرتاح : آاه .. الله يبشرج بالجنه انشالله ...
فهالوقت فالمستشفى ..
ام ميثه و هي ترمس ام غايه : بتروحين باجر عرس دبي ..؟؟؟..
ام غايه : عرس منو ..؟؟؟..
ام ميثه : عرس بنت عوشه بنت خالتيه لطيفه ..
ام غايه : ماشالله عوشه عندها بنات بيعرسن ..؟؟؟..
ام ميثه : ماشالله ترس البيت عيالها من بنات و اولاد ..
ام غايه : من بياخذها ..؟؟؟..
ام ميثه : واحد من رفاجتهم ..
ام غايه : بتروحين صوبهم ..؟؟؟؟..
ام ميثه : مانروم نقصربهم ..
ام غايه : بنتخاوى عيل ..
و يد غايه منسدح ع الشبريه .. و العنود و غايه يوايجن من الدريشه ..
يد غايه : بتخبركن انتن ع من توايجن من اصبحتن ..؟؟؟...
غايه : يدي .. عنود توايج ع مطر ..
العنود : لا .. والله ما كان ..
غايه : خلي عنج ..
و ان ام العنود حادره عليهن ..
ام العنود : بتخبركن .. علمتن بموزه بنت راشد مرقده هنيه ...؟؟؟؟..
ام ميثه : صدق ..؟؟؟..
يد غايه : شوه ..؟؟؟... منو مترقد ...؟؟؟..
ام العنود : عمي .. موزه .. موزه بنت راشد مرقده ..
يد غايه : العيوزه ..؟؟؟.. نافده هاي ..
ام ميثه : حليلها يابويه ..
ام غايه : من يقولج ..؟؟؟..
ام العنود : اللحين سعيد يقولي ..
ام ميثه : ما تبى نسير صوبها .. ؟؟؟..
ام غايه : و بنخلي عمي بروحه ..؟؟؟..
ام ميثه : ما عليه شر .. عنده البنات .. و الشباب برى ..
و ظهرن الحرمات بيروحن يسلمن .. و من ظهرن من باب الحجره ..
يد غايه : الغوي ..
غايه : لبيه ..
يد غايه : تعالي تعالي ..
غايه و هي تتقرب من يدها : عونك الغالي ..
يدغايه : يا بنتي انا تعبان ..
العنود : فديتك يدي .. تباني ازقرلك الممرضه ..
يد غايه : منوه ..؟؟؟.. الله يعني بلا هالطاري ..
العنود : ههه .. حليلها يدي .. والله انها تحبك ..
و ان الممرضه حادره عليهم ..
يد غايه و هو يفتر صوب العنود : الله يغربلج انتي و ظواياج ..
و الممرضه تبى تعطيه الدوى .. و هو ما طاع ..
غايه : يدي فديتك خذ الدوى ..
يد غايه : خذج بليس .. هنه .. هنه .. الله ينطبكن من بنات ..
و من عقب محايل طاع انه ياخذ الدوى بس ع شرط ..
يد غايه : تبني باخذ الدوى .. الا اسقني قهوه ..
العنود : لا يدي .. انت مانعين عنك القهوه ..
يد غايه : انا القهوه دوايه من كل عوق ..
فهاللحظه دخل مطر عليهم ..
غايه : مطور .. يدي ماطاع ياخذ دواه ..
مطر و هو يفتر صوب يده : افا .. شعنه ..
يد غايه : اسقوني قهوه ...
مطر : امره فالك طيب .. خذ دواك و بنسقيك قهوه ..
و من بعد محايل طاع انه ياخذ دواه ..
يد غايه : هاتولي دلة القهوه ..
مطر : امره فالك طيب .. و نش و يابله دلة القهوه ..
و من فتح مطر غطاة القهوه ..
يد غايه : يا حي ذالريح حياه ..
غايه : مطور يدي ممنوع من القهوه ..
مطر : فنيال ما بيضره ..
و جان يصب ليده فنيال قهوه ..
يد غايه و هو يتناول الفنيال من مطر : مرحبا الساع مرحبا الساع ..
و من شرب القهوه ..
يد غايه : يا حي الحياه ..
مطر و هو يأشر للعنود ..
و العنود تفتر عنه الطرف الثاني ..
جان يغمزلها .. و هي تصد عنه .. و غايه و يدها يالسين و يشوفوونهم ..
مطر :
ما دِمتْ غالي وقلبي صار بيدينك ....راضي حبيبي تدلَّع بس بالراحه
ماقدر أواجه دلع همساتك وعينك ... يكفي عيونك بلا تغنيج ذبَّاحه
( و جان يأشر على عيونها ) ..
خف الدلع (و حرك ايده )لا تّثنى شد من لينك ... في مشيتك يكفي انّك تقلب الساحه
المشكله هالدلع ذايب بتكوينك ... ذايب مثل سكِّرٍ ذايب بتفَّاحَه
وِشْ حيلتك والزهر دلّع بساتينك ... طبعك حبيبي وطبعك روضة الواحه
زيد الدلع خلّ يقتل كل معادينك ( و جان يأشر على غايه )... يَا عَلْ يفدى وطاتك ليل بصباحه
غايه : لا و الله .. تراها الا عنيدى ..
مطر :
خلاص بادلّعك لو مِتْ في عينك ... راضي حبيبي تدلّع .. بس بالراحه
غايه : يدي سمعته .. السبال .. سبني عسباتها ..
يد غايه : ما عليج منه .. انتي شيخة البنات .. محد يسواج عندي ..
غايه و هي تحب يدها على رقبته : فديت روحك ..
و من عقب ردو كلهم سويحان و تم عبيد و سيف عند يدهم فالمستشفى ..
و مطر يتحرقص مكانه يريد يرمس العنود .. و هي تتهرب منه ..
مطر : اريد ارمسها ..
غايه : ماروملكم حيله .. هي ما تبى ترمسك ..
مطر : لا و الله كيفها هي ..
و العنود يالسه في حجرة غايه و تسمع مطر و هو محتشر عند الباب يريد ي
من قصة فارسه ماتهاب اخيول الغدر
العنود و هي تصيح : انا عمري ما كنت اتوقع تفكيرج بنا لهالدرجه .. ما كنت ادري اني طايحه من عينج وايد ..
ما عطت العنود غايه مجال انها تتكلم و الا ترمس .. ظهرت العنود و هي متغشيه و ماسكه النقاب بايدها .. و من زود دموعها مب قادره اتشوف الطريق جدامها .. ثواني وطلعت غايه من بعد ما غسلت ويها و لبست النقاب .. و العنود قلبها معورنها من غايه و رمستها .. يالله هذي نظرتهم لي ..؟؟؟!!!.. و تمت تصيح .. و دقايق و انه ينادون بهم عشان يروحون البواب عشان يركبون الطياره .. و كانو يسلمون على سعيد و مطر .. الي بيلحقونهم اليوم فليل للبلاد .. و مطر اعيونه ادور العنود .. الي تعمدت انها ما تسلم عليهم و راحت و دخلت البوابه .. و مطر يدورها بين هلهم .. بس مالقاها .. عنلاتها السباله .. ملغوثه عالبلاد .. امره ربعت ولا سلمت و لا ودعت .. عنلاتها .. خلني اشوفها بس ..
و راحو كلهم و ركبوالطياره .. و العنود تعمدت انها ما تيلس عدال غايه .. و يلست عدال امنه و يمعه عيال ختها .. و غايه يلست عدال هزاع و حمد خوانها .. و منى و منال .. ظايجات ودهن لو يكونن عند البنات ..
منى : اف ..
حامد : شو بلاج ..؟؟؟..
منى : اريد اروح عند البنات ..
منال : هيه و الله ..
حامد : الله يرحم .. شو اللحين ما تمينا نعيبكن الشيخات ..؟؟؟..
منى : لا بس البنات غير ..
منصور : نشن بنروح صوبهم شوي و بنرجع ..
و نشن يترابعن البنات .. و راحو صوبهم و منصور ايدور غايه ... الي كانت سانده راسها على كتف هزاع خوها و تسولف معاه .. فهاللحظه .. تمنى منصور انه يكون مكان هزاع .. يالله معقوله .. معقوله بيي اليوم الي بتكون غايه لي انا .. انا بروحي .. آآآآآه ..
فهاللحظه شاف راشد منى .. و من شافها نش عن امه و بوه و ربع صوبها ..
و من شافته منى فرحت ..
راشد و هو يمسك ايد منى : منايه ..
افترو كلهم صوبهم ..
منصور و هو يظحك : يعلن عن وصولنا ..
راشد و هو يسحب منى صوب امه و بوه : بويه .. انا احب منى ..
و احمد منصدم من رمست ولده : شو ...؟؟؟؟..
و منى ميته من المستحى ..
ميثه : عاد انا بخبرك .. ولدك متصوب من البنيه .. من ترد البلاد خطبها له و فكنا من حشرته ..
ام غايه : منو عمه ؟؟.. عمه مطر .. لازم بياكلنا فوادنا ..
فهاللحظه الي ذكرو فيها اسم مطر .. حز في خاطر العنود انها راحت بدون ما تسلم عليه .. يالله فديته .. و الله انه غالي .. الله يعني بلا غايه و هالسبال احمد .. عنلاتها جنها تقارن مطر بهاليعري .. يالله يا بوغيث .. يعلني ماذوق حزنك عسى ..
الجزء الثاني عشر ..
*** أريدك لي واعلنها على كل الملا كلمه ... أريدك لو ذبحني ظرفي القاسي وحطمني***
من شافت غايه منصور .. صلبت عمرها .. و منصور الود وده عينه ما تفارقها .. بس هي كانت يالسه بين خوانها .. فما قدر انه يشوفها او حتى يفتر صوبها .. بس قلبه تم يدق بالقو .. كنه مراهق .. ثواني و ان المظيفه اتقولهم يرجعون مكانهم .. و رجعو مكانهم .. و وصلو ع خير للبلاد ..
و هم فالمطار .. كان معضد ولد عمهم خو العنود و فياه دريول عمه .. يتريونهم .. بس هم تاخرو اللين ما طلعو .. عشانهم خذو وقت و هم يخلصون اوراقهم و يدورون شنطهم ..
و ظهرو كلهم من المطار .. و قوم منصور راحو في سيارة حامد الي كان موقفنها عند المطار من قبل لا يسافر .. و قوم غايه توزعو فالسيارتين و ردو صوب سويحان .. و طول الطريج لا العنود ترمس و لا غايه ..
و منصور طول الطريج للبيت و هو يتذكر شكل غايه و هي منسدحه على كتف هزاع .. و حامد متغيض عليه .. لدرجة انه ما يكلمه مثل قبل ..
و من وصلو قوم غايه سويحان .. الكل دخل حجرته و تسبحو و صلو العصر .. و من عقب الساعه 6 كانت ام غايه محتشره على عيالها تباهم يودونها صوب شيبتهم الي كان مرقد في توام ..
فهالوقت كانت غايه توها ظاهره من حجرتها ..
ام غايه : حمد نش يابويه ودنيه صوب يدك ..
حمد : لا اله الا الله .. يابنت الحلال استريحي اليوم و باجر من الفير بنسرح صوبه ..
جان تفتر ام غايه صوب ريلها : انت اشوه قلبك .. بوك مرقد ماندري بحالته و انت تعابل هالمدواخ الي مافره ع طول يديه ..
بو غايه : لا حول ... ( و يفتر صوب عياله ) .. العيوز مب من خذها .. العيوز من تفجج منها ..
ام غايه : انا عيوز يالشيبه الهايم ..؟؟؟؟...
حمد : ههه تناشبو الشواب ..
فهالوقت كان عبيد توه راد البيت .. و ما كان يدري ان هله ردو من السفر .. و من دخل و لقاهم كلهم يالسين فالصاله الخارجيه ..
عبيد : هلا و الله بهالشوف ..
و ثاروو كلهم و سلمو عليه ..
ام غايه : عبيد يا بعدي .. نش روحبي صوب يدك ..
عبيد : توني ياي من عندهم ..
ام غايه : بشرني عنه ..
عبيد : يسرج حاله .. مافيه شي .. الا الشيبه مانعين عنه القهوه و يبات و يصبح يدعيبهم ..
ام غايه : ودي .. وشعنه مانعين عنه القهوه ؟؟..
عبيد : الضغط مرتفع عنده
بوغايه : قلتلج الشيبه مافيه شر .. الا انتن الحرمات ملق فيكن مب في حد ..
ام غايه : ملق !!؟؟.. نش نش دامك ع حشمه و روحبي المستشفى ..
عبيد : ههه .. هاه الشيبه علومك ..؟؟؟..
بو غايه و هو ينش : عيالي .. فكو عاماركم و لا تفرون بعاماركم في حلج حرمه .. طبو العرس بالحرمات ..
غايه : امايه بروح معاكم ..
ام غايه : انقفضي عيل ..
غايه و هي تربع صوب حجرتها : دقيقه ..
و راحت غايه و تلبست و ظهرت صوبهم .. و روحو صوب يدها .. الي كان مرقد في توام قسم الباطنيه .. و هم داخلين توام ..
غايه : امايه .. خلينا نشتري وحده من هالسلل ليدي ..
ام غايه و هي تسحب غايه من عباتها : ما سمعتيه خوج يقولج يدج فيه الضغط ..
غايه و هي تفتر صوب بوها : باباتي ..
بو غايه : عونه ..
غايه و هي تاشر على صنية حلاوى : باباتي .. اريدها ..
بو غايه : امره فالج طيب ..
غايه : فديت باباتي انا ..
ام غايه : هذا الملق بعينه ..
بو غايه : الحص .. اييج شور .. شلي دلالج و تقدمينا .. و احنا بنتشرى و بنيج ..
ام غايه : و من قالك اني بترياك انت و بنت اللين ما تتشرون و تفججون روسكم ..
و راحت ام غايه صوب الاصنصير .. و غايه و بوها راحو صوب المحل .. و عند دخلت المحل في نزله .. غايه كانت تمشي و مفتره صوب الطرف الثاني اتشوف وحده واقفه و تكلم واحد و كانو واقفين عدال راعي المجلات .. و لا انتبهت لهالنزله .. و بوها كان يتقدمها ..و باب المحل يفتح اوتوماتك .. انفتح الباب و مشت و هي بعدها مفتره صوبهم اتشوفهم .. و ماحسوبها الا و هي تبغم ( تصارخ ) من بعد ما طاحت على الارض .. فهاللحظه .. الريال و البنت افترو صوبها .. و بوها رد صوبها يربع .. و هي من طاحت .. ما رامت تشل عمرها و تمت يالسه على ارضية المحل ..
بو غايه : رب ما تعوقتي ..؟؟؟؟..
غايه : لا .. ماشي .. كنت اشوف رخام ارضية المحل ..
بوغايه و هو يصلب غايه عشان توقف : ههه .. جن الرخام عايبنج بنحطه لج فالبيت ..
غايه و هي تفتر اتشوف اذا حد شافها و هي اتطيح لان المحل كله زجاج .. شافت الريال الي كان واقف عند وحده عند راعي المجلات واقف بروحه و يشوفها و يبتسلم ..
غايه و هي تفتر صوب بوها : فقت ذا الويه ..
و تنقو هي و بوها صنية حلاوى حلوه و شلوها معاهم و راحو صوب يد غايه .. اول شي دخل بوها .. و لقى حرمات و رياييل عندهم فالحجره .. جان يفتر صوب غايه ..
بو غايه : تمي هنيه .. رياييل داخل ..
غايه : انشالله ..
ثواني و ان عمتها ( ام ميثه حرمة احمد خوها ) ظاهره صوبها فالممر ...
ام ميثه : مرحبا الساع مرحبا ملاين ..
غايه : مرحبا عمتيه ..
و وايهتها و حبتها ع راسها ..
ام ميثه : يعني فداج .. شو ميلسنج هنيه ..؟؟.. حدري داخل ..
غايه : بويه قالي رياييل عندكم ..
ام ميثه : لا محد الا سيف و سلطان ..
و فهاللحظه ان سلطان ولد عمتها ظاهر ..
سلطان : السلام عليكم ..
غايه : و عليكم السلام ..
سلطان : وش حالكم ..؟؟؟..
غايه و هي منزله راسها : بخير ربي يسلمك ..
سلطان و هو يفتر صوب امه : هاه الغاليه .. تامرينا بشي ..؟؟؟..
ام ميثه : وين بها ..؟؟؟..
سلطان : بروح صوب الشباب ..
ام ميثه : ردلي حول 10 ..
سلطان : فالج طيب الغاليه ..
و راح عنهن سلطان و حدرت ام ميثه و من عقبها غايه ..
غايه : السلام عليكم ..
الكل : و عليكم السلام ..
يد غايه : ظويتي مسودت الويه ..
غايه : ههه .. ( جان تمشي صوبه و حبته ع راسه و من عقب حبته على رقبته ) .. فديت روحك ..
يد غايه : وين العيره ؟؟.. سيف عطني العصى ..
سيف و هو مفتر صوب غايه : حشم ..
يد غايه و هو يشر بيده : لا لا .. وين حشم .. مسودت الويه .. طارت فالطايره شهر .. شهر و هي طايره ..
غايه : يدي ادعيتلك و انا فالحرم ..
يد غايه و هو يرمس غايه : ادعيتيلي بعروس ..؟؟؟..
سيف : ههه .. يدي جن الا في خاطرك عروس .. الليله بنظويها لك ..
ام ميثه : يالله بالستر .. لحق يا معضد .. بنت و سيف بيخربون بويه ..
و فهاللحظه يتهم الممرضه ..
يد غايه : هب .. ظوتكم ام كشه ..
غايه : يدي عيب ..
يد غايه : وين عيب .. فلختبي بكشتها .. ما تقولين الا ساحره و بطير ..
ع الساعه 10 سرو كلهم عن الشيبه و تم الا سيف عنده .. و قوم غايه ردو سويحان .. و عساعه 11 فليل راح عبيد صوب المطار عشان اييب مطر و سعيد .. و احمد امبونه موقف سيارته فالمطار .. و من عقب ما حطو شنطهم فالسيايير راحو كلهم صوب داره .. و احمد طول اليوم و باغض عمره .. غايه .. آاه .. و غايه من التعب .. من ردت تسبحت و صلت العشى و نامت ..
الباجر الصبح ..
الكل كان موجود فالصاله .. ظهر مطر .. و لقاهم كلهم يالسين يتريقون ..
و من عقب ما سلم عليهم ..
مطر : هاه العيوز بشرينا ع يدي ..
ام غايه : بخير يعني افدى روحه ..
غايه : امايه .. بروح اشوف عنود جنها بتخاوينا صوب يدي ..
حمد : لا تروحين و لا تين ..
غايه : ليش عاد .. ؟؟؟..
حمد : عايبنج شكلج و انتي تتمشين فالشارع ..
غايه : يالله عليك .. وين اتمشى .. بعدين انا بروح بيت عمي ..
حمد : استريحي ..
غايه : مطور .. اريد اروح لعنود ..
مطر : نشي نشي بنروحلهم ..
حمد و هو يطالع مطر بنظره .. فهاللحظه رن تيلفون حمد .. جان يبتسم و يثور عنهم بيظهر برى ..
عبيد و هو يغني لحمد : يوم اهو رايح جدى ياره ... واجبات اليار يديها .. كالبدر لي شعت انواره .. نورت دنياه و ما بيها
جان يطالعه حمد بنظره : لم ثمك ..
عبيد : احم احم ..
و ظهر عنهم حمد و ركب سيارته و راح .. و نشت من عقبه غايه و مطر و راحو صوب بيت عمهم ..
و لقو سعيد و ام العنود و حرمة معضد و معضد يالسين فالصاله .. من عقب ما سلمو عليهم ..
غايه : عمووه وين العنود ..؟؟؟..
ام العنود : احيدها تعابل الفواله فالمطبخ ..
نشت غايه و راحت المطبخ و لقت العنود يالسه و تسوي فقاع ( لقمة القاضي ) ..
غايه : عاشو .. عروسنا تعابل فالمطبخ ..
جان تفتر العنود صوب غايه : هلا .. و جان ترد و تعابل الفقاع ..
غايه و هي تمشي صوبها : عنود ..
ما ردت عليها ..
غايه : عنودي ...
العنود و هي تتنهد : نعم ..؟؟..
غايه و هي تمسك طرف شيلة العنود : زعلانه ..؟؟؟..
العنود : و ليش انشالله ازعل ..؟؟؟..
غايه : عنود حرام عليج .. انتي تعرفين ان مالي حد غيرج ..
ما ردت عليها ..
غايه و هي تمط شيلة العنود : عنود بس عاد .. لا تذلينا ..
العنود : من حلات سودته عاد ..
غايه : عنود .. ارجوج ..
العنود : حبي ايدي ..
غايه : شو ..؟؟؟!!!.. هذا الي قاصر ..
العنود و هي اتمد ايدها الي خايسه بالعيينه صوب غايه : حبيها حبيها ..
غايه : ايه ..
العنود : ههه ..
غايه : لمنوه تعابلين هالفواله ..؟؟؟..
العنود : بنسرح صوب يدي ..
غايه : و الله ..؟؟؟.. حتى احنا بنسرح صوبه .. امبوني يايه صوبج جنج بتخاوينا ..
العنود : عيل روحي و قولي لامايه عشان تتصل بعموه ..
غايه و هي تظهر من المطبخ : اوه عنود ... شوقج عندكم فالصاله ..
العنود : منو شوقي ..؟؟؟!!!..
غايه : لا و الله ..اونها ما عرفته ... ( و هي تقلد العنود و هي تنطق باسمه ) مطر ..
العنود : شو ..؟؟؟... حلفي ..
غايه : و الله ..
العنود : لا ماريده يشوفنيه و انا امبهدله جذيه ..
غايه : ياويلي انا ..
و ظهرت غايه عنها و خبرت عمتها .. و عالساعه 9:20 الصبح سرحو كلهم صوب يد غايه فالمستشفى .. و لقن حرمات عندهم فالمستشفى من هلهم الي فالعين .. و الرياييل ما لقولهم مكان .. راحو و فرشولهم زوليه فالممر و يلسو عليها مجابلين الاصنصير بعيد شوي عن الحجره ..
و هم يالسين شافو ثلاثة بنات ثنتين بدون عبي و لابسات شيل صلاه و الثالثه لابسه شيله سوده و حاطه غشوه فوق راسها دائريه و لا هب متغشيه .. متلثمه بالغشوه .. و يتمشن في اقسام المستشفى .. و عبيد و سيف واقفين عند الثلاجات بييبولهم غراش ماي ..
و من شافهن عبيد و هو مب في حاله : ياويل حالي ..
سيف : غرشوب رعبوب و الخصر منهوب و العود ميال .. نهاب القلوب من شوفه اتذوب بو شعر نشال ..
عبيد : سلام سلام ..
جان تظحك وحده منهن .. فهاللحظه كان مطر توه ياينهم .. و من شافهم سلم عليهم ..
مطر : شو ميلسنكم هنيه ..؟؟؟..
عبيد : الحجره متروسه حريم ..
جان يردن البنات و يخطفن مره ثانيه ..
سيف و هو ياشر على المتلثمه بالشيله : له رمش ذباح و الخد وضاح و الطرف جتال ..
مطر : ههه .. يا ويل حالك .. جان يفتر صوبهن .. حشى الريال مب في حاله منكن ..
قبل لا يخلص كلامك كان العنود و عمتها ام ميثه ظاهرين .. و طبعا العنود سمعت رمست مطر ..
مطر و هو يعدل سفرته : احم .. رحنا فيها ..
عبيد و هو يفتر صوب سيف : نقع البوكس ..
سيف : احم احم ..
مطر و هو يسلم على عمته و يحبها ع راسها ..
ام ميثه : مرحبا الساع ..
مطر : المرحب باجي ..
ام ميثه : وش حالك يا مطر .. ؟؟؟..
مطر : آآآآه .. انا مب في حاله ..
ام ميثه : افا .. رب ماشر ولديه ..
سيف : امي .. مطر مستصيب ..
جان تفتر ام ميثه صوب العنود الي ميته غيض ع مطر : دام انه مستصيب من العنود .. ما نرومله حيله ..
العنود : عموه .. خلينا نروح ..
ام ميثه : سيف .. نش ودنا الجمعيه ..
سيف : امره فالكن طيب ..
و مطر يطالع العنود .. هذي كيف بتركب عند سيف ..؟؟؟!!!..
مطر : انا بوديكم ..
ام ميثه : لا ولديه مافينا نعبل عليك ..
مطر : لا عبوله و لا شي ..
العنود و هي تفتر الطرف الثاني : نخاف نعطلك عن شغلك .. و الا ..
مطر و هو معصب عليها : لا تتنقمين .. و انجبي و خطفي ..
العنود و هي تحط ايدها في خصرها : نعم ...؟؟؟؟؟..
عبيد : خلاص انا بوديهن ..
ام ميثه : لا اله الا الله .. شعندكم ..؟؟؟؟..
مطر : تبن تروحن الجمعيه خطفن بوديكن .. ما تبني اوديكن ماشي لا جمعيات و لا دكاكيين ..
العنود : اف .. مشكله السبلالالان ..
و مشت قبلهم صوب الاصنصير .. و لحقتها عمتها .. و مطر ميت غيض عليها .. و راحو و ركبو عند مطر السياره ..
مطر : تبون هالجمعيه و الا كارفور ..؟؟؟..
العنود : كارفور ..
جان يرفع مطر عينه للمنظره الي جدامه و شاف العنود .. حظرتها تعاند يعني .. اوكي بنت حمد ..
ام ميثه : لا هالجمعيه بتسدنا ..
مطر : يوم الا في خاطرها حواطت كارفور .. بنوديها صوب كارفور ..
و من وصلو كارفور و وقفو فالبراكن و نزلو كلهم و دخلو كارفور و تمت العنود ادز العربه و مطر يطالعها .. خلها .. من عقب خلاهن مطر .. و راح صوب اريج .. و العنود بتاكله بعيونها .. و من عقب ما خلصن من كارفور .. راحن صوب اريج عشان يشوفن مطر .. و لقن الحبيب يالس و يسولف مع وحده من الي يبيعن .. من بعد ما تشرى من عندها كيس متروسه عطور .. و العنود تتطابخ من الغيض عليه و والود ودها تفلعه ..و من عقب ما ظهر من عند اريج خلت العنود العربه جدامه و مشت هي و عمتها ..
و ردو صوب المستشفى .. و دخلو .. و مطر امبونه وراهن شال القراطيس ( الاكياس) و العنود من غيضها عليه راحت ودفرت غايه ..
العنود بصوت واطي : بدوس في بطنه ..
غايه : ههه .. ليش ..؟؟؟..
جان يفتر مطر صوبهن .. و جان يبتسم للعنود .. عاد هي من شافته يبتسملها فجت ثمها ..
العنود و هي تمط ايد غايه : ياويلي خوج بيذبحني ..
غايه : اقوله ..
العنود : بزوالج ..
غايه : ههه ..
فهالوقت في بوظبي ..
كانت منى و منال يالسات فالصاله و منصور توه راد من الشركه ..
منصور : السلالالام عليكم ..
البنات : و عليكم السلالالام ..
منصور و هو يعق سفرته و العقال ع الكرسي و ييلس ع الكرسي الثاني ..
منال : شو تعبان ..؟؟..
منصور : ما نمت امس عدل ..
منى : ليش ...؟؟؟..
منصور : افكر فسالفه ..
منال : خير ..؟؟؟..
منصور : بروح اسبح و برجعلكن ..
و نش عنهن و راح يتسبح .. فهالوقت نش حامد من الرقاد .. و ظهر عندهن فالصاله و هو لابس شورت بني فاتح و قميص ابيض ..
منى : حمود وين بتروح ..؟؟؟..
حامد : بروح امشي ع البحر ..
منال : يالخبال .. اللحين بترووح ..؟؟؟..
حامد : خبال فعينج ..
و ان منصور ظاهر من قسمه ..
و من شافه حامد نش بيروح ..
منصور : حامد .. اريدك فرمسه ..
حامد : انا ..؟؟؟..
منصور : تعال الحجره ..
و رد منصور صوب قسمه .. و لحقه حامد ..
منصور : حامد .. انت مب خويه .. انت ولديه ..
نزل حامد راسه تحت ..
منصور : احبها .. حامد انت مب حاسبي .. هالبنت فيها شي ذابحني ..
ما رمس حامد ..
منصور : خلاص .. انا ماقدر اعيش دونها ..
و حامد ساكت ..
منصور : بخطبها ..
فهاللحظه رفع حامد عينه لمنصور و هو منصدم من هالقرار المفاجي ..
حامد : شو ...؟؟؟...
منصور و هو يهز راسه : آآآآآه .. ماقدر .. ماقدر اتخيل حياتي دونها ..
حامد : عمري ما شفتك بهالضعف .. !!..
منصور و هو منزل راسه : لا تلومني .. انت ما تحس بلي احسبه ..
حامد و هو يمشي : سو الي تباه .. و ربي يوفجك .. بس هالبنت ما تستاهلك .. و الله انها ما تستاهلك ..
و ظهر حامد عن منصور ..
تم منصور في حجرته حول النص ساعه .. و جان تيه منال .. و قالها ..
منال : حرام عليه .. هو ليش جذيه يقوول .. و الله هالانسانه شيخه .. و الله انها رهيبه ..
منصور : منال انتي عرفتيها زود عنا .. ماقد شفتي عليها حركات و الا ..
منال : منصور .. اذا غايه فيها عيب .. فهو انها صغيره و مستهتره شوي .. بس مافي حد يقدر يقول كلمه على اخلاقها ..
منصور و هو يتنهد و هو مرتاح : آاه .. الله يبشرج بالجنه انشالله ...
فهالوقت فالمستشفى ..
ام ميثه و هي ترمس ام غايه : بتروحين باجر عرس دبي ..؟؟؟..
ام غايه : عرس منو ..؟؟؟..
ام ميثه : عرس بنت عوشه بنت خالتيه لطيفه ..
ام غايه : ماشالله عوشه عندها بنات بيعرسن ..؟؟؟..
ام ميثه : ماشالله ترس البيت عيالها من بنات و اولاد ..
ام غايه : من بياخذها ..؟؟؟..
ام ميثه : واحد من رفاجتهم ..
ام غايه : بتروحين صوبهم ..؟؟؟؟..
ام ميثه : مانروم نقصربهم ..
ام غايه : بنتخاوى عيل ..
و يد غايه منسدح ع الشبريه .. و العنود و غايه يوايجن من الدريشه ..
يد غايه : بتخبركن انتن ع من توايجن من اصبحتن ..؟؟؟...
غايه : يدي .. عنود توايج ع مطر ..
العنود : لا .. والله ما كان ..
غايه : خلي عنج ..
و ان ام العنود حادره عليهن ..
ام العنود : بتخبركن .. علمتن بموزه بنت راشد مرقده هنيه ...؟؟؟؟..
ام ميثه : صدق ..؟؟؟..
يد غايه : شوه ..؟؟؟... منو مترقد ...؟؟؟..
ام العنود : عمي .. موزه .. موزه بنت راشد مرقده ..
يد غايه : العيوزه ..؟؟؟.. نافده هاي ..
ام ميثه : حليلها يابويه ..
ام غايه : من يقولج ..؟؟؟..
ام العنود : اللحين سعيد يقولي ..
ام ميثه : ما تبى نسير صوبها .. ؟؟؟..
ام غايه : و بنخلي عمي بروحه ..؟؟؟..
ام ميثه : ما عليه شر .. عنده البنات .. و الشباب برى ..
و ظهرن الحرمات بيروحن يسلمن .. و من ظهرن من باب الحجره ..
يد غايه : الغوي ..
غايه : لبيه ..
يد غايه : تعالي تعالي ..
غايه و هي تتقرب من يدها : عونك الغالي ..
يدغايه : يا بنتي انا تعبان ..
العنود : فديتك يدي .. تباني ازقرلك الممرضه ..
يد غايه : منوه ..؟؟؟.. الله يعني بلا هالطاري ..
العنود : ههه .. حليلها يدي .. والله انها تحبك ..
و ان الممرضه حادره عليهم ..
يد غايه و هو يفتر صوب العنود : الله يغربلج انتي و ظواياج ..
و الممرضه تبى تعطيه الدوى .. و هو ما طاع ..
غايه : يدي فديتك خذ الدوى ..
يد غايه : خذج بليس .. هنه .. هنه .. الله ينطبكن من بنات ..
و من عقب محايل طاع انه ياخذ الدوى بس ع شرط ..
يد غايه : تبني باخذ الدوى .. الا اسقني قهوه ..
العنود : لا يدي .. انت مانعين عنك القهوه ..
يد غايه : انا القهوه دوايه من كل عوق ..
فهاللحظه دخل مطر عليهم ..
غايه : مطور .. يدي ماطاع ياخذ دواه ..
مطر و هو يفتر صوب يده : افا .. شعنه ..
يد غايه : اسقوني قهوه ...
مطر : امره فالك طيب .. خذ دواك و بنسقيك قهوه ..
و من بعد محايل طاع انه ياخذ دواه ..
يد غايه : هاتولي دلة القهوه ..
مطر : امره فالك طيب .. و نش و يابله دلة القهوه ..
و من فتح مطر غطاة القهوه ..
يد غايه : يا حي ذالريح حياه ..
غايه : مطور يدي ممنوع من القهوه ..
مطر : فنيال ما بيضره ..
و جان يصب ليده فنيال قهوه ..
يد غايه و هو يتناول الفنيال من مطر : مرحبا الساع مرحبا الساع ..
و من شرب القهوه ..
يد غايه : يا حي الحياه ..
مطر و هو يأشر للعنود ..
و العنود تفتر عنه الطرف الثاني ..
جان يغمزلها .. و هي تصد عنه .. و غايه و يدها يالسين و يشوفوونهم ..
مطر :
ما دِمتْ غالي وقلبي صار بيدينك ....راضي حبيبي تدلَّع بس بالراحه
ماقدر أواجه دلع همساتك وعينك ... يكفي عيونك بلا تغنيج ذبَّاحه
( و جان يأشر على عيونها ) ..
خف الدلع (و حرك ايده )لا تّثنى شد من لينك ... في مشيتك يكفي انّك تقلب الساحه
المشكله هالدلع ذايب بتكوينك ... ذايب مثل سكِّرٍ ذايب بتفَّاحَه
وِشْ حيلتك والزهر دلّع بساتينك ... طبعك حبيبي وطبعك روضة الواحه
زيد الدلع خلّ يقتل كل معادينك ( و جان يأشر على غايه )... يَا عَلْ يفدى وطاتك ليل بصباحه
غايه : لا و الله .. تراها الا عنيدى ..
مطر :
خلاص بادلّعك لو مِتْ في عينك ... راضي حبيبي تدلّع .. بس بالراحه
غايه : يدي سمعته .. السبال .. سبني عسباتها ..
يد غايه : ما عليج منه .. انتي شيخة البنات .. محد يسواج عندي ..
غايه و هي تحب يدها على رقبته : فديت روحك ..
و من عقب ردو كلهم سويحان و تم عبيد و سيف عند يدهم فالمستشفى ..
و مطر يتحرقص مكانه يريد يرمس العنود .. و هي تتهرب منه ..
مطر : اريد ارمسها ..
غايه : ماروملكم حيله .. هي ما تبى ترمسك ..
مطر : لا و الله كيفها هي ..
و العنود يالسه في حجرة غايه و تسمع مطر و هو محتشر عند الباب يريد ي
اقوال وحكم جميله→
من قصة فارسه ماتهاب اخيول الغدر
الجزء الثالث ..
*** ريم م القنيص يفالي .. ما يصيبك سهم ختالك .. انت فيك مركز امالي .. يعل مثلي صارت امالك ***
تمت غايوه اتشوف هالريال الي عند مطر خوها .. لالالالا ... مستحيل .. حشى .. هب حلاه فيه ..
العنود : حليو .. الا مطور احلا منه ..
غايه : جب جب .. آاه يا ويلي طالعي خشمه .. ماتقولين الا حد سيف .. آاه يا ويل حالي ..
و فهاللحظه ظهر مطر من الميلس الخارجي .. و تم الريال واقف .. جان يمشي .. و وقف جدام الييدار الزجاج .. و تم يشوف صورته و هي منعكسه عالزجاج .. و تم يعدل سفرته و عقاله ..
غايه : عنودي نشي نشي بنتقرب شوي .. عشان اشووفه عدل ..
العنود : لا و الله ؟؟.. و تستوي لنا شرات سالفة راعي البورش .. بتبطين .. ماشي ..
غايه و هي منذهله من هالريال : دخيلج شوي شوي بس دخيلج ..
العنود : اسفه .. تبين روحي انتي .. انا ما بروح مافيني عحشرة مطر .. و الله بيذبحنا ..
غايه : يالخوّافه .. برايج انا بتقرب ..
و توها بتمشي غايه .. و الا ان مطر خوها رد الميلس و عصاته في ايده .. شكله راح اييب عصاته و رد ..من شافته غايه تصنمت ..
العنود : ههه .. احسن اختربت خطتج ..
غايه : مالت عليج ..
طلع مطر و هالريال و راحو برى البيت عند استيشن الريال و غايه ربعت و تمت تواج من دريشة المطبخ الي فاتحه عالشارع عليهم .. ركب مطر عند ربيعه و راحو ..
غايه : آاه .. عنوده بموت ..
العنود : غايوه .. نشي حبيبي .. ورانا دراسه .. ماباقي عن الامتحانات الا اسبوع ..
غايه : انا من ريت هالغرشوب .. كيف بقدر اجابل الكتب ..
و ان الطباخ حادر المطبخ ..
العنود : حيدر الله يخليك سو دلة حليب ..
و غايه بعدها عند الدريشه ..
حيدر : اشش .. انت شو يسوي مال دريشه ..؟؟؟..
غايه : عااشو .. ما بقى الا حيدروه بعد ..
حيدر : ما يسوي زياده قرقر .. و اشر بايده يعني طلعن ..
العنود : ههه .. و الله مهزله .. حويدر قده يرووغنا ..
عصب عليهن الطباخ و شل المخمه (المكنسه) من ورى الباب ..
حيدر و هو يمشي صوبهن : يالله .. برى برى ..
و هن من شافن حيدر شل المخمه من ورى الباب .. نشن يربعن من المطبخ .. طلعن و حيدر اونه يرووغهن .. فهاللحظه .. كان عبيد توه حادر البيت $ عبيد خو غايه عمره 25 يشتغل عند سلطان بن زايد ..احلا خوان غايه .. بس مب وايد مع هله .. يعني ما يعرفون عنه شي .. وين يروح و الا وين أيي .. $ ..
عبيد و هو يشوفهن و حيدر يرووغهن من المطبخ ...
عبيد : ههه .. افا راغوهن .. لا و بالمخمه بعد .. افا افا ..
غايه : ما عليه .. خل باباتي يرد من السفر .. و الله بقوله .. خله يكنسل ويزته ..
حيدر : انت سوي كنسل ويزه مالنا ..؟؟.. ( و ظحك بنقمه ) .. مشكله هذي شيكوو
غايه : ما عليه حويدر .. و الله و الله بخبر باباتي عليك ..
حيدر : مافي مشكله .. انا ما يسوي حليب .. مايسوي اصير ما يسوي براتا ..
العنود : لا دخيلك حيدر .. كله و لا البراتا ..
عبيد : لالالالا .. غايوه تتكنسل ويزتها عادي .. الا حيدر .. لالالالا .. اذا حيدر كنسلو ويزته انا بودر البيت ..
حيدر و هو متشقق : بابا اوبيد تمام ... بيسوي مشان انت حليب براتا ..
و حدر عنهم المطبخ ..
غايه : هيه كبر راسه علينا ..
عبيد : عاد غايووه حيدر مربنج و مربني ..
غايه بنقمه : لا و الله ..؟؟..
عبيد : هاه العنود علومج ..؟؟
العنود و هي مستغربه هالتغير المفاجأ فالكلام ..
العنود : .. انا ..!! .. بخير ربي يسلمك ..
عبيد : انزين بلاج مرتبشه ..؟؟..
العنود : ماشي ماشي ..
عبيد : غايووه .. رمسن شو سويتن .. تراني من الصبح هنيه و ريتكن .. الا جنكن تبن عاماركم رمسن انتن ..
العنود و بخوف : و الله ماسوينا شي ..
و غايه فعالم ثاني .. تتخيل الي شافته في ميالسهم .. آاه يا قلبي ..
غايه : عبود .. مطر وين راح ..؟؟؟..
عبيد و هو ايطالع العنود بنظره خبيثه : مطر .. اها .. مواعد ..
العنود : شو ؟؟؟؟؟؟؟؟؟؟؟؟؟؟...
عبيد : ههه ههه ...
العنود : حلف انه مواعد ..؟؟؟..
عبيد : و ليش احلف .. برايه كيفه الريال كنه بغى يواعد محد بيمنعه ..
العنود : يخسي الا هو مسود الويه .. و الله بقصابه ..
عبيد : ههه ..
غايه : و هي فرحانه : ويت بتصلبه ..
و ظهرت تيلفونها من مخباها و اتصلتبه ..
مطر : مرحبا الساع ..
غايه : هلا الغالي .. وين انت ..؟؟؟؟..
مطر : لا و الله ؟؟؟!!!.. شو وين انت .. تراج تدريبي اني برووح عرس المرموم ..
غايه : اها .. لا ترى عبيد خبر عليك .. رمس ...
و فهاللحظه .. سمعت وااحد يغني و طول عالمسجل ..
(باختصار الوضعه كله باختصار .. قمت اجيه يمين يطلعلي يسار.. قمت اجيه يسار يطلعلي يمين .. شفت انا نجوم الليالي بالنهار ..)
و كان احمد يأشر بكتفه يمين كل ما يقول يمين.. و يسار كل ما يقول يسار ..
و مطر : هيه هيه .. عاشو عاشو ...
ماتت غايوه .. و الي ذبحها يوم سمعته و هو يغني مع عيضه ... صوته عذاب..
مطر : ههه .. الله يخسك .. ايه ورانا درب .. لاحق عالربشه ..
احمد : ياخي مستهوي من اول اليوم ..
مطر : ههه .. هب منك ..
$ احمد .. ربيع مطر عمره 24 اكبر عن مطر بسنه .. بس من نفس دفعته في كلية الشرطه .. من هل الختم .. طول بعرض ... عليه خشم مثل حد السيف .. ماشالله عليه .. ما منه اثنين لا فالمعاني و لا فالشكل .. مربوش بالقو .. و يموت عطاري الاعراس .. شاعر و يشل .. ماشالله صوته ما عليه كلام .. $
مطر : هلا غناتي ..
و غايه انجلب كيانها من عقب ما سمعته .. هي من قبل كانت ميته على شكله .. اللحين من الخاطر ماتت عليه و على ربشته ..
مطر : ألوو ..
غايه : هلا فديتك ..
مطر : علوومج ..؟؟؟..
أحمد : عاشو عاشوو .. تغازل ؟؟.. ما عليه بيوصلها الخطيبه الخبر ..
مطر : ايه حوه ختيه هذي ..
احمد : خل عنك .. قلناها قبلك .. و غمز لمطر ..
مطر : عنلالات صداك ..
احمد : ههه ..
مطر : غايوه .. غناتي شوفيج .؟؟..
غايه فخاطرها " ليتك تعرف بلي في خاطريه يا مطر "..
غايه : انا مافيني شي .. الا عرب محتشرين هنيه عندي ..
مطر : فديت هالعرب .... شعندهم ..؟؟؟
غايه : ماشي .. عبيد قالها انك امواعد .. و هي من اصبحت تطبخ بعمرها ..
مطر : ههه .. حلفي ..
غايه : و الله ..
عبيد : بو غيث لو تشوفها .. ما تقول الا سيلانيه قاطعين عنها التاتا ..
مطر : ههه ..
العنود و هي معصبه : يعلها فالك هالسيلانيه ..
عبيد : تهبين ..
مطر : غايوه فديتج حطي عالسبيكر ..
غايه : ههه .. اوكي ..
مطر و هو يرمس احمد من عقب ما شل سماعة التيلفون بعيد عنه ..
مطر : احمد دخيلك .. انا برمس و انت سكت اوكي ..
احمد : ليش انشالله مب عايبنك صوتي ..؟؟..
مطر و هو يغمزله : اغايض الخطيبه ..
مطر من بعد ما رجع السماعه : فديت روحج انا ..
و العنود صاخه .. و غايوه و عبيد يظحكون على شكلها ..
مطر : يعني فدى نصخج انا ..
مطر : لالالا ماصبر عنج .. دخيلج هاتي ايدج ..
و احمد يطالعه بنظرات نقمه ..
مطر : فديتها ..
العنود : مطور يالسبال ..
مطر و هو يغايضها .. تقرب من احمد .. و حبه على خده ..
احمد و هو يدفره : ايه .. يالخام .. هنه .. عنلات صداك من ريال ..
مطر : ههه ..
عبيد : اوه .. بوشهاب عنده .. لالالا بتفوتنا الطماشه اليوم ..
مطر : غايوه عطيني العنود ..
مدت غايوه بالتيلفون للعنود ..
العنود : مابا .. و خل بنات المرموم ينفعنه ..
مطر : ههه ..
و ظهرت عنهم العنود و هي متغيضه و راحت بيتهم ..
غايه : ههه .. ما عليه معصبه عليك .. ياك الموت يا تارك الصلاه ..
سكر مطر عن غايه .. و وصلو المرموم .. و ارتبشوو بالعرس .. و احمد شال بعمره .. عايبتنه اليوله و الربشه .. و مطر من حال احمد .. و غايه ميته على هالاحمد ربيع اخوانها .. هي اول مره تشوفه .. بس شكلهم خوانها يعرفونه دام ان عبيد يعرفه .. ما قدرت انها تنام .. اكيد بما ان مطر مروح عنده العرس معناتها انه بيرد بيخطف ع سويحان عشان ينزل مطر .. و ماقدرت انها تبات .. يالسه و فاتحه دريشة الصاله و اونها اتذاكر و مناك هي تترياهم .. يمكن اتشووفه مره ثانيه ..
و في بوظبي و فالبطين بالتحديد .. كان منصور يشرب كابتشينو و يطالع من بلكونة حجرته .. و يشوف السمى .. اه ... اللين اللحين و هو يشوف ويه غايووه .. ههه .. و شكلها و هي توايج عليه .. ياهل .. بس هالياهل جلبت كيانه .. حرمته لذة النوم .. هالبنت شو سوت فيني ؟؟!!.. آاه ..
$ منصور .. ماعنده الا حامد اخووه .. و عنده 3 خاوات .. وحده متزوجه و ثنتين لا .. توفى ابوهم من هم يهال .. و قاموبهم عمومتهم اللين ما كبر منصور و سد حلال ابوه و قام بخوانه .. من سنتين توفت امهم .. $
رفع منصور راسه لسمى و غمض اعيونه .. و تخيل غايوه و هي اتطالعه و تظحكله بدلع .. تخيلها و هي تلعب بشعرها .. آاه .. خاطري اني ألمس شعرها .. اللين اللحين و هو يشوف خصلة شعرها مبلوله ماي و على خدها .. آآاه يا صبر اايوب ..
و فهاللحظه سمع ..
( كل زينه شاهده و انتم بعيد منوتي ليتك معي ..و ان سهرت الليل اهوجسبك وعيد هل لجلك مدمعي .. انت هاجس خاطري و انت فرحت ناظري .. يا قريب و يا بعيد فيك امسي و حاظري ..)
ألتفت و شاف تحت فالحوش .. كان حامد و فاتح باب سيارته و مطول عالمسجل و يطالع منصور الي كان في عالم ثاني ..
حامد : لالالالالالا .. انت وضعك مستعصي ..
منصور و هو يحط الكوب على حد البلكونه : ههه .. خلصت هياته ..؟؟؟..
حامد : بصراحه لا .. الا شو اسوي .. قلبي عورني عليك .. قلت ايي امسح ادموع قيس ..
من حشرتهم .. طلعت منال ختهم برى فالحوش ..
منال و هي من حامد لمنصور : لا و الله ؟؟.. عايبنكم هالصريخ .. دشو و تكلمو داخل البيت .. لازم تسمعون الييران سوالفكم ..؟؟..
حامد : شو نسوي .. ما تشوفين مجنون ليلى غارق في احلام اليقضه و يتخيل و يتأمل السما .. كأن حد بينزله منها ..
منصور و هو متاكي على حد البلكونه : اقوول حامد .. يا ترووح تنام .. يا انك اترووح اتكمل هياتتك فالشوارع ..
حامد : لا حبيبي لا تحلم .. على قلبك ..
ظحك منصور و دش داخل يحاول انه ينام قبل لا يغزونه حامد و منال و يعلقون عليه ..
و غايوه .. تمت تتريا مطر خوها اللين الساعه 2 الصبح و بعده ما رد .. و ما حست بعمرها الا و هي نايمه .. عالساعه 3:34 كانو توهم ظاوين .. نزل احمد مطر عند الباب و مناك راح بيتهم فالختم .. و هو منهد حيله من ربشة هاليوم .. اول ما حدر مطر لقى غايوه منطويه على عمرها و نايمه و عدالها كتاب الرياضيات و اوراق و دفتر مفتوح على صفحه مترووسه قلوب حب و ابيات شعريه و رسماات مالها أي دخل بالرياضيات ..
مطر : ههه .. و الله ما بيفلحن هالبنات ..
خر مطر و يلس عدال غايه عشان يوعيها ..
مطر بصوت واطي : غايوه .. غويه ..
ما نشت ..
مطر و هو ايهز كتفها و بصوت واطي : غايوه .. غايوه ..
و ما نشت ..
مطر و هو يصارخ : غاايه ..
فزت غايوه و صلبت عمرها من الخوف : شو شو .. شو مستوي ..؟؟..
مطر : ههه .. ماشي .. الا نشي نامي داخل ..
غايه : حرام عليك خوفتني ..
و من انتبهت ان هذا مطر ..
غايه بسرعه : انت متى يت ..؟؟؟..
مطر : توني ياي ..
تكدرت غايوه .. يالله يعني راح اف ..
مطر و هو يعق سفرته و عقاله : اف .. العرس كان فنان و ربشه .. ههه .. احمد ربشنا ..
غايه بشوق : منو .. احمد ..؟؟؟..
مطر و هو يفتح عقم كندورته : ربيعي .. الي تخاويت اوياه
غايه : اها .. هو عندك فالكليه ..
مطر : محد مصبرني عالكليه و فرقاكم الا هو .. اوه صح .. علوم العنود ..؟؟؟
غايه و هي تلم اوراقها : معصبه بالقو منك ..
مطر : لا و الله ..؟؟..
غايه : و الله ..
و راحو كل واحد حجرته و نام .. باليمعه .. متعودين كل يمعه الرياييل يتغدون في بيت قوم العنود بحكم ان ابوها هو الاخ العود .. قبل الصلاه خطف مطر عليهم على امل انه يشوف العنود .. الا العنود ما طلعتله و لا شافها .. و من عقب الصلاه ردو و تغدوو .. و من عقب الغدى راح مطر عنهم عشان يلم قشاره و لبسه عشانه بيرجع الكليه .. حاول انه يشوف العنود بس هي معصبه منه و لا تريد اتشوفه .. فقال لغايه انها تسلم عليها .. و راح مطر الكليه و هو حاز في خاطره انه ما كلم العنود و انها زعلانه منه عشي ما يستاهل ..
ماقدر مطر انه ما يفكر فالعنود .. اول مره من دش الكليه يودر العنود و هي زعلانه منه .. تم مكتأب طول الاسبوع .. فليله كان هو و احمد و خليفه و سلطان ربعه يالسين و يسولفون .. و هو في عالم ثاني ..
سلطان : بو غيث وين دارك ..؟؟..
مطر : لبيه ..؟؟..
خليفه : لا الريال هب عندنا ..
احمد : معذور لا تلومونه .. المعزبه زعلانه عليه ..
مطر و هو متظايق : احمد ..
سلطان : افا يا بو غيث .. مزعل عيوزك ..
احمد : ههه .. العيوز هينه .. العوق من الخطيبه ..
خليفه : و انا اقول بلاه الريال مهموم .. ثرها الخطيبه زعلانه .. افا .. حد يزعل خطيبته ..؟؟؟.. لالالا
سلطان و هو يرمس مطر بلهجه جديه : شالسالفه ..؟؟..
مطر و هو يصلب عمره من بعد ماكان متاكي : ماشي .. عبود خويه جذب عليها و قالها اني بوااعد .. تمت تتحرقص من الغيض ..
خليفه : ليش ثرك كنت مواعد ..
مطر : لاه .. كنت مخاوي هالنحس هذا ..
سلطان : مستحيل انها بتزعل الا من هالرمسه لازم في شي غير ..
مطر : و الله ماشي غير ..
احمد : لا تحلف .. قولهم عن حركاتك يوم اتصلتبك ..
مطر و هو يحك لحيته : ماشي .. غلست عليها شوي ..
سلطان : اها .. دام ان السالفه في غلالاستك .. جزاك .. عشان تراعي مشاعرها ..
خليفه :يا ويلنا ياويلنا عالرومنسي ..
سلطان : بعدني اخير عنك يالبارد ..
من عقبها .. الكل نش عشبريته و نام .. عدا مطر اللي ما قدر انه ينام من كثر ما يفكر فالعنود .. فجأه انتبه مطر .. ان سلطان نش .. و راح و شل الكرسي و راح عدال الييدار .. و ركب عالكرسي .. تم مطر يطالعه بلاه .. من عقب شافه يخش ايده ورى الليت الي فالييدار .. و طلع رساله .. نش مطر و تم يمشي بشوي شوي .. و سلطان كان ايشوف هالورقه اللي خاشنها ورى الليت .. فجأه .. و ان مطر حاط ايه على كتف سلطان .. فز سلطان ..
مطر : اش .. هذا انا ..
سلطان : ياخي فلختني .. خفت ..
مطر : شو تسوي ..؟؟..
سلطان : انا .. لالا ما سوي شي ..
مطر : علينا .. رمس .. شو هالي شليته من ورى الليت ..
سلطان و هو يقود مطر من ايده و راحو و يلسو على شبرية مطر ..
سلطان و هو موخي براسه و يشوف هالرساله الي في ايده : هذي .. رساله ..
سكت عنه مطر ..
سلطان : من انسانه غاليه عقلبي .. كتبتها لي قبل لا ادش الكليه .. و لازم اقراها كل ليله..
مطر : تحبها ..؟؟..
سلطان : وايد ..
مطر : من زمان ..؟؟..
سلطان : اصلا مادريت بحبها الا من هالرساله .. طرشتها لي مع بشكارتها .. من سمعت اني بدش الكليه .. ههه .. يعني اللحين من 3 سنين ..
مطر : آاه ..
و نش سلطان عن مطر .. و كل واحد يفكر بلي سلبت عقله و رووحه و قلبه .. آاه يالعنود كيف احبج ..
خلاص ما بقى عن الامتحانات الا كمن يوم .. و الطلاب مرتبشين .. بين الرياضيات لطلاب علمي و التاريخ لطلاب ادبي .. و كان اول امتحان عندهم بالثلاثاء 4-6 خلاص بدى وقت الجد و ما عندهم وقت لظحك و السوالف .. كان من طبع غايه .. انها من بعد ما ينامون اهلها ترووح و تيلس اتذاكر فالحوش .. و تمشي فالحوش .. عشان ما تنام .. و بما ان راشد 24 ساعه شغال حول البيت .. انتبه لهالشي .. فكان ما ينام اللين ما يشوف غايه بندت ليتات الحوش .. فمعناتها انها خلصت و بتروح تنام .. و يرجع بيتهم .. اول يوم امتحانات الساعه 6 الصبح .. غايوه مواصله من امس .. مب قادره انها تنام من الخوف و رهبة هاليوم .. و بما انها مخلصه الرياضيات .. ما حبت انها تربك عمرها و تراجع شي من المسائل قبل الامتحان بساعتين فخذتهن بريك اعلاني .. و راحت و يلست عند يدها الي كل يوم من عقب صلاة الصبح يفرش فالحوش و ييلس و عنده دلاله و حراراته .. راحت و سلمت على يدها و يلست عداله ..
يد غايه : الغوي .. ظربيله هذا الاسود .. القايله اللحين .. و رانا مسراح ..
غايه : يدي .. وين بتسرح ..؟؟؟..
يد غايه : بسرح الخشم بييب برايد .. الحلال هالج ..
غايه : اها .. و اتصلت بالدريول عشان ايي من المزرعه عشان يودي يدها العزبه ..
غايه من بعد ما رمست الدريول : يدي يسير صوبك .. اللحين بيي ..
يد غايه : طول الله عمرج .. ما بتخاوينا ..؟؟؟..
غايه : يالله ليت صدق .. الا يدي عليه امتحان اليوم ..
يد غايه : يا دراسة القوم ..
و ان الدريول توه ياي .. جان اينش يدها و يشل عصاته..
يد غايه و هو معصب عالدريول : ظويت سويد ..؟؟؟..
و الدريول من شاف الشيبه ياينه بالعصاه تم يرد على ورى ..
فريد الدريول : بابا .. انا رووح شيشا مشان بترور ..
يد غايه و هو يأشر بعصاته : اص قطعها الرمسه .. قطع الله راسك .. ما عليه .. ما عليه .. بتبطي ما خذته معاشك .. بقص منه ميه ..
فريد : مافي مشكله باباه .. انت ريد شيلي كلش ..
يد غايه : شوه ..؟؟.. ما عليه مسود الويه .. الليله بتبات فالبر ..
فريد : لالالا باباه .. مايسوي نوم داخل جنقل ..
يد غايه و هو يأشر بايده : لا ماشي جنقل .. سلامتك .. بتبات فيها العزبه .. و بحط الفعى في حلجك ..
و غايه ميته من الظحك ع يدها و حشرته اليوميه مع الدريول ..
راحت غايوه و العنود المدرسه و امتحنن .. و الحمدلله .. الله هون عليهن اول امتحاناتهن .. و بالاربعاء كان على غايوه رياضيات ورقه ثانيه .. و العنود عندها اقتصاد .. و ارتبشن بدراستهن ..
من رد مطر ربع صوب غايوه .. و لقاها يالسه تدرس ..
و من عقب ما سلم عليها
مطر : شحال العنود ..؟؟؟..
غايه : يالله عليك .. انزين تخبرني شو سويت في امتحاناتي و من عقب تخبر عن العنود ..
مطر و من شكله باين عليه التعب : غايووه دخيلج رمسي .. شحالها ..؟؟؟..
غايه : تشقح و تنطح .. ما عليها شر ..
مطر : م .. بعدها زعلانه مني ..؟؟؟..
غايه : مادريبها ..
مطر : شو ما تدريبها !!..
غايه : و الله مادريبها .. امره ما طاعت انها تطريك و تمت تدرس بس ..
مطر بحزن و هو منزل راسه : يعني زعلانه .. آاه ..
و طلع عنها .. الله رحم غايوه و مطر ما انتبهلها شو تكتب .. الحبيبه مودره دراستها .. و يالسه تكتب احمد و قلوب و قصايد .. خلاص .. احمد سلبها عقلها و روحها و كل كيانها ..
من عقب ما تسبح مطر .. راح بيت عمه .. و تم يالس اللين ما اذن المغرب .. و ما شاف العنود .. و العنود متعمده انها تخليه يتحرقص .. عشان يحرم يسوي هالحركات فيها ..
و بالخميس و مطر يتحرقص مكانه يريد يكلم العنود .. و الي ما طاعت انها ترمسه .. اوين مب فاضيه اريد اذاكر .. و هذا زاد من غيض مطر عليها .. شو هي بتذلني ..؟؟؟؟... عنلاتها من بنت .. يوم الخميس من بعد صلاة المغرب .. راحت غايوه صوب العنود .. و لقتها يالسه هي و سعيد و معضد و حرمته و امها فالميالس .. تغشت و راحت عندهم .. كانت تريد انها تنفرد بالعنود عشان اتكلمها عن مطر خوها .. بس العنود ما طاعت .. و تمن يالسات معاهم فالميالس .. من عقب .. نش معضد و حرمته بيمشون .. و نشت ام العنود معاهم .. و سعيد استحى انه يتم عند البنات .. جان يطلع و يخليهن ..
غايه و هي تعق غشوتها : ايه تراج مصختيها ..
العنود : غايوه لو سمحتي ..
غايه : ماشي لو سمحتي و من فضلج .. عن البطره .. الريال ما سوى شي لغيضج هذا .. عنبوه لو هو واعد صدق شو كنتي بتسويبه ..؟؟؟..
العنود و بكل بروود : مالج خص ..
غايه من غيضها من برود العنود .. شلت مخدة الكرسي و فرت العنود بها ..
العنود : يالدب ه ..
غايه : محد غيرج يالسباله ..
فهاللحظه يت غنيه عالتلفزيون .. فسكتن يشوفن تصويرها التحفه .. شوي .. دخل واحد الميالس .. و هن منسدحات عالارض و مندمجات مع التلفزيون .. و لا حسن بلي دخل الميالس لي شافهن ..
الجزء الرابع ..
*** العين تحكي لو خبا كل منطوق .. تحكي و تروي ما خفى وسط خفاق .. و الشوق ناره يشبها حب مخلوق .. و لو لا الوصل ما تنطفي نار الاشواق ***
كانت العنود و غايه منسدحات تحت التلفزيون مندمجات مع الاغاني و لا انتبهن للي دخل الميالس عليهن .. وقف الريال .. و تم يطالعهن .. اول مره يشوف غايووه من كبرت و تمت تتغشى عنه .. من هي ياهل كانت حلوه .. بس ما كان يتوقعها بتكون بهالحلاه حتى من بعد ما تكبر .. حشى .. ثرها حارمتنا من هالزين كله ..
فهاللحظه رن تيلفون غايوه .. جان يرد الريال عشان ما ينتبهن انه شافهن .. و طلع ..
غايوه و هي تصلب عمرها و اتشوف منو متصلبها ..
غايه : اوه .. استاذ نواف ..
غايه و هي ترد : الو مرحبا الساع ..
الاستاذ : مرحبتين .. غايه ؟؟..
غايه : اهلين استاذ ..
الاستاذ : كيف الحال ..؟؟..
غايه : الحمدلله .. يالله يا استاذ .. بدعت بدعت فالرياضيات ..
الاستاذ : و الله ..؟؟؟.. بس الاولاد ما حلو كويس فالورقه الثانيه .. قالو شوي صعبه ..
غايه : هي صعبه .. بس ما يهمك .. انا بدعت ..
الاستاذ : ياخوفي من تبديعك ..
غايه : ههه .. لا استاذ تراني الصعب بحله .. بس الاسئله السهله اخور فيها ..
الاستاذ : مين اخوكي .. ماهو مطر ..
غايه : ههه .. استاذ بقوله ...
الاستاذ : ههه ..
و سكر عنها الاستاذ ..
غايه : حليله استاذ نواف يشوفني شو سويت فالامتحان ..
العنود : ههه .. ظنج بعده يذكر سالفة القلم ..؟؟؟..
غايه : لا تذكريني و الله بصيح كل ماذكر السالفه ..
العنود : ههه ..
غايه : صدق عنود .. و الله مطور متكدر ..
العنود : غايوه ..
غايه و هي تقطع رمستها : ايه .. عن البطره ..
العنود : مب بطره .. بس لا تتدخلين فالسالفه ..
غايه و هي تتكلم بجديه : العنود .. خلي عنج دلع البنات الماصخ .. مطر ما سوى شي .. يعلج اتسدين عوقه .. عنلالالاتج جنه حتى ما يبات فالبيت ..
العنود و هي منزله راسها : غايه .. ارجوج .. هالموضوع بيني و بينه ..
غايه و هي تنش : لا قولي شايفتلج شوفه غيره و تتعلثين بهالرمسه .. و الله يا مطر انج ما تسوين ثره فالتراب .. و خلي عنج هالزمه ..
العنود و هي منصدمه : اللحين