من هي دينا

مرحبا حبيباتي
شلونكم شخباركم
اليوم جالسين نسولف انا وزوجي حبيبي
المهم قالي ان زوجة صديقه زعلاانه عليه
لها يومين وما يدري ليش؟؟؟
يقول واليوم تصالحوا الحمدلله السالفه
وما فيها ان زوجة صديقه قبل يومين جلست
تفتش بجوال زوجها<<<حركاتنا مانتركها
ولقيت بالمكالمات الصادره اسم (((دينا)))
وزعلت ومدت بوزها من غير ما تقول له
وهو حس انها متغيره وزعلانه قال يمكن
متضايقه من شي وماتبي تقول يلا بكرا تروق
جاء بكرا ونفس الشي زعلانه
المهم سألها اليوم وش فيكي متغيره وزعلانه
طبعا هي على طول قعدت تعيط
والدموع اربع اربع <<<يحول تحزن
قالت ياخاين ماهمتك مشااعري وهانت عليك
العشره قال وش فيه؟؟؟؟ قالت لا وكاتب
اسمها بعد قال وشو؟؟ قالت من هي دينا؟؟
قال وش دينا؟؟ قالت طلع جوالك طلع جواله
واعطاها فتحت على المكالمات الصادره
وقالت من هي دينا هاه؟؟؟
وهذي وشي ؟؟؟؟؟؟؟؟؟؟؟؟؟؟؟؟؟
هو تنح واستغرب
ودق الخاين على دينا
وحط سبيكر قال ألو دينا
وش تتوقعون خ
رد افغاني قال ايووا خبيبي انا دينّا
تبغى شيل عفش شيل شي انا يجيب دينّا ويجي
قال خلاص انا اكلمك بعد شوي وسكر
قال سمعتي؟؟؟؟؟؟؟؟؟؟؟؟؟؟؟ احراج
يابنت الحلال ديناا<<<دينّا(((بتشديد النون)))
الدينا حقت العفش السياره الكبيره خ
مسكين ظلمته....
مايستفاد من الحديث قصدي السالفه
1-خلوا عنكم اللقافه والتفتيش<<علمي نفسك
2-اذا تليقفتوا وفتشتوا ولقيتوا اسم ديناا ابتسمي بكل ثقه ولاتزعلين خ
3-الثقه ثم الثقه ثم الثقه بأزواجكم
4-المصارعه قصدي المصارحه اذا
طنقرتي وزعلتي على بعلك ومناقشة السبب عشان
ماتكبر السالفه وتتطول
5-الشيطان شااطر شاطر لاتخلينه يلعب بعقلك
وسلامتكم يلا عاد الله الله بالردود
وياويل اللي تدخل وما ترد او حتى ترفع
الموضوع لي ساعه اكتب السالفه وفضحت
بالحرمه وانتم تدخلون وتطلعون ليه هي وكاله
من غير بواب <<<<< عصبت تراخ
تقبلوا تحياتي