من واقع تجربه وعلى قولهم اسأل مجرب ولاتسأل طبيب

1. كيف حال الفراشات الحلوات ؟؟


2. هاه كيف ازواجكم معاكم ؟؟


3. لكن ان شفت طلعاته الكثيره وصدوده عني يضيق صدري

السلام عليكم ورحمة الله وبركاته

كيف حال الفراشات الحلوات ؟؟

هاه كيف ازواجكم معاكم ؟؟

وبدون مقدمات اقولكم من واقع تجربتي كنت متضايقه من خروج زوجي الكثير وعدم اعطائنا الوقت الكافي معه انا واطفالي مع اني كنت اتجنب المشادات الكلاميه واتزين له وازين اطفالي باستمرار يعني باختصار كنت قايمه بالواجب وهذا من شهادته هو عني دايما كان يقول: انت ما تقصرين ،

لكن ان شفت طلعاته الكثيره وصدوده عني يضيق صدري

وذاك اليوم فكرت قلت الحين انا مسويه جدول للبيت وتنظيفه وجدول ل.... الخ وما سويت جدول في علاقتي مع ربي وشلون الله يوفقني فقررت اني اسوي لي جدول بحيث اني خصصت وقت للقرآن ولصلاة الضحى وانا من اول مداومه على الذكر ولله الحمد
و والله يافراشات اني ماكذبت عليكم كان زوجي مشغول مره لكن كل شوي يدخل عندي ويقول: والله اني مشتاق لك مره والمره الثانيه يقول: انت وش مسويه علميني انا ولهان عليك مره وش هالزين وش هالحلاة......
تصدقون يابنات ان العبره اخنقتني من الفرحه اثري كنت مهتمه فيه اكثر من ربي والله بيده مقاليد الامور سبحانه انصحكم وانصحو كل وحده تحبونها انها تتقرب الى الله فقد يكون صدود زوجها عنها ليس لعيب فيها لكن الله يريد منها ان ترجع اليه وتتذلل بين يديه وتدعوه
اللهم هب لنا من ازواجنا وذرياتنا قرة اعين واجعلنا للمتقين اماما