من يقول الحب مآت روآيتي الاولى والحصريه على موقع الفرآشه

1. قام سلطان بعد ضحكه عمته .. بس بسرعه جت مزنه وسحبت يده ..


2. مزنه : خلاص وربي اسفه ماكان قصدي بس ابدا ماتوقعت ..


3. سلطان : طيب اسمعيني للأخر ..


4. مزنه : اف يالله تكلم ..


5. سلطان : انتي يخب عليك شعول ..


6. مشاعل بعصبيه : هين يا سلطان ..


7. نجله ومنال : ههه ..


8. نجله مفزوعه : بسم الله الرحمن الرحيم ...


9. ام سعود : بسم الله عليتس ... خير يمه وش فيتس ؟؟؟


10. نجله : وعليكم السلام ...... انتظر شوي بصلي ...


11. مطلق : اوكي ...


12. مطلق : لا مافي داعي ارتاحي ..

.. روايه سعوديه من تأليفي ..
..( من يقول الحب ... مآت )
الكاتبه : عيون تذرف دمعها ..
/
/
//
/
/
"*"..........
قبل آن آبدآ :
تعمقوآ في هذآ الشعر ..
من عز نومي صحيت وشفت في عيني
دمع تهادى على جفني وأنا غافي
سترت دمعي بكمي قبل يغريني
وأخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا أوصافي هي أوصافي
أمشي وأقول لطريقي لاتوديني
لعيون ناس تبي تدري عن الخافي
أمانتك .. خلها مابينك وبيني
خابرك يالدرب خوة عمر وسنافي
ماودي الناس تدري وش يبكيني
كرامة النفس ورث أبوي وأسلافي
أمشي وأحس الخناجر في شراييني
والبرد يمشي وراي وينهش أطرافي
وحيد والليل بردونه يغطيني
تقول كن البلد روح بها السافي
إلين ماأوحيت لي صوت يناديني
صوت أعرفه مثل ما أجهل وش خلافي
قمت أتلفت وأنادي ............ لاتخليني
ماغيره الصوت .. هذا صوته الدافي
ولمحت زوله من أقصى الدرب لافيني
مدري وش أقول لكن حي ها اللافي
تعال .. شف غيبتك كيف أثرت فيني
تعال .. شفني وأنا أغرق عقب مجدافي
تعال.. خذني ورحبي من عناويني
تعبت أعدي على جمرك وأنا حافي
تعال وإقطف بصوتك زهرة سنيني
كل المواعيد عقبك شمعها طافي
تعال وإزرع خصل شعرك بكفيني
بضمها لين أحس بليلك الظافي
تعال وش فيك خايف ؟ أنت ناسيني ؟
قطعت صوتي عليك وطال ميقافي
حتى بديت أشعر إن الحب معميني
وإن أنت حلم عثى فيني وأنا غافي
لكن أمانه ترى اللي فيني كافيني
إن رحت منك كذا مارحت متعافي
بصّدق الحلم وأحذر لا تصحيني
في خاطري كلمتين وإن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعه تذكر رعشة يديني
ومع كل ضحكه تذكر قلبي الوافي
الشخصيات ..:.,,
الاخ الكبير : ابو عبدالله ( حمد ).. وام عبدالله ..( نوره )
عيالهم ..:
\ لينه 47 سنه متزوجه
\عبدالله 47 سنه ( هو ولينه تؤام ) متزوج من بنت عمه نوف وعياله { سلطان 25 سنه – جاسر 23 سنه – مرام 18 سنه – منار 16 سنه – علي 12 سنه – سعد 9 سنين – هنادي 7 سنين }
\ فيصل 39 سنه متزوج بنت خالته شوق وعياله { حمد 10 سنين – رهام 8 سنين – مها 5 سنين – محمد سنه }
\ دينه 37 سنه متزوجه
\ وافي ( من ام ثانيه ) 31 متزوج ريم " بنت جيرانهم وماتجيب عيال "
\ فهد 29 سنه خاطب بنت عمه ريميه
\ لافي 28 سنه خاطب بنت عمه عبير
\ فارس 25 سنه
\ مزنه 24 سنه
\ مشاعل 18 سنه ..
,,,,,,,,,,,,,,,,,,,,,,,,,,,,,,,,
,,,,,,,,,,,,,,,,
,,,,,,
الاخ الثاني : ابو سعود ( حمود ) .. وام سعود ( منيره )
عيالهم :
\ سعود 41 سنه متزوج بنت عمه دينه عياله { منال18 سنه – حمود 17 سنه – حمد 16 سنه – لمياء 14 سنه – خلود 10 سنين }
\ نوف 39 متزوجه عبدالله
\ مطلق 38 سنه متزوج بنت خالته سماح وعياله { ريما 8 سنين – موسى 6سنين – اشواق 3 سنين – سعيد سنه }
\ طلال 35 سنه متزوج بنت عمه تهاني وعياله { منيره 6 سنين – مشاري 4 سنين – مشاعل سنتين } \
وضحه 33 سنه متزوجه
\ خالد 30 سنه
\ ضحى 28 سنه متزوجه
\ ريميه 26 سنه مخطوبه
\ نجله 24 سنه ..
,,,,,,,,,,,,,,,,,,,,,,,,,,,,,,,,
,,,,,,,,,,,,,,,,
,,,,,,
الاخ الاصغر : ابو مشعل ( محمد ) .. وام مشعل ( الجازي )
عيالهم :
\ مشعل 37 سنه متزوج وضحى بنت عمه وعياله { الجازي 7 سنين – الهنوف 5 سنين – البندري 3 سنين – بندر سنه }
\ العنود 34 متزوجه
\ مساعد 31 سنه متزوج وضحه بنت عمه وللحين ماجابوا عيال
\ تهاني 28 سنه متزوجه
\ ماجد 27 سنه متزوج غدير وعياله } محمد 3 سنين – الهنوف سنه {
\ عبير 24 سنه مخطوبه
\ غلا 22 سنه
\ حلا 20 سنه
\ ساميه 18 سنه ..
,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,
,,,,,,,,,,,
,,,,
,,,
"
/
/
"
البدايه ..
الجزء الاول ..,,
بسم الله الرحمن الرحيم
الساعه 30 : 10 م
كانت جالسه بالمطبخ ومعها منال بنت اخوها تساعدها علشان تسوي فطاير ..
انتبهت منال ان عمتها سرحانه ..:: عمه وش فيتس ؟؟
نجله : لا ابد ... وش سويتي بالبيتزا لايكون نسيتيها بالفرن ..
منال : ماعلييتس من البيتزا .. قولي لي وش فيتس ...؟؟
نجله : ضحى معوره قلبي ... كل اسبوع مسافره هي ورجلها علشان الحمل .. سبحان الله صحيح الله يعطي شي وياخذ شي جمال ومال ومهم قادرين يجيبون عيال .. الله يرزق وخيتي ..
منال : يابعد عمري ياعمتي قبل اسبوعين اتصلت عليها تقول الطبيب اللي بلندن معطيهم امل ..
نجله : الله يرزقهم ..
منال : عمتي ماتشمين ريحه ..
نجله : ههه الحقي على البيتزا بسرعه لايهاوشنا خالد اذا شافها محترقه ..
: وشي اللي محترقه ..
نجله: ههه اسأل منال ..
خالد اللي جاي ومعه جالكسي مثل ماقالت له منال : منال وش سويتي بالبيتزا حقتي ..
منال تطلعها من الفرن وهي متفحمه : ابد ياعمي شف طالعه تجنن ...
وتلحق تاخذ كيسه الجالكسي قبل لايشوف خالد البيتزا ويغيره رأيه .. بس بحركه سريعه يسحب خالد الكيسه ويرفعها : اول وريني البيتزا ..
منال : عمي عطني الجالكسي تعرف اني مقدر اعيش بدونه ..
نجله : ههه وهذا واضح ..
خالد : هههآآآآآآآآآي لأ اول البيتزا عقب نتفاهم على اللي بالكيسه ..
منال بزعل وهي توريه الصينه : هاه ارتحت الحين يالله عطني الكيسه ..
خالد بأستغراب : ول ول ول بالله وينتس عنها وهي سودا وفحمه ..
منال : عمي ..
خالد : اقول يالله مناك اليوم انا اللي باكل الجالكسي مو انتي اللي روحتي علي بيتزا كنت منتظرها اسبوعين اخ يالقهر .....
نجله وهي جايه ومعها صينيه بيتزا : افأ ياخلوودي اخو المزيونه نجول ..
خالد : اخص يالثقه الزايده هالايام .. وش عندتس ؟؟؟؟
نجله : احم احم .. لاداعي شكرا .. المهم تتوقع اني بخلي منال هذي النفره (( وتأشر عليها ))هي اللي بتسويلك البيتزا .. خذ حبيبي هذي هي البيتزا اللي على قولتك كنت منتظرها بس على شرط تعطي منال الكيسه ..
خالد بفرح : ابشري المهم البيتزا ..
منال : مع ان فيها نفره بس يالله نمشيها علشان الجالكسي ..
نجله : الموهيم .. رح المجلس وشغل الفيلم وانا جايه بالبيتزا والبطاطس ..
خالد : ولاتنسين الفشار ..
نجله : والبيبسي بعد ....." والتفتت على منال " وانتي روحي نادي ريميه واتصلي ببيتكم على حمود خليه يجي ..
منال : ليش ؟؟؟
نجله : وهالاكل اللي وراي من ياكله ..
التفت خالد للطاوله لقى انواع المأكولات (( مكرونه بالباشميل – بيتزا – سلطه – كيك – انواع العصيرات ))
خالد : ما شاء الله متى امداك تسوينهم ..
نجله بفخر : الله يخلي الشغالات .. وبعدين نسيت ان اليوم الخميس .. فلم الاسبوع وهذي مو غريبه علي احم احم ..
خالد : ماشاء الله عليك يالنونو .. مضبطتها ..
نجله : خلود متى يجي اليوم اللي تنسى فيها كلمه نونو ..
خالد وهو طالع : لما تنسين كلمه خلود ..
نجله تضرب براسها : ههه يرفع الضغط ..
منال تاكل الجالكسي : هاه عمتي اتصل بحميد والا ارسل الشغاله ترى على فكره بيتنا بجنبكم ولا بعد ماراح تضطر تطلع بالشارع .. على ما اظن ابوي حط باب بالحديقه ..
نجله : وش له هالمحاظره الطويله ..
منال مندمجه مع الجالكسي : بغيت اعطيتس خبر بس ..
نجله وتقرص اذنها : يالدبه بسرعه نادي اخوتس ..
منال : طيب طيب طيب خلاص هذاني رحت .. ياشينتس اذا عصبتي .. شرسه ..
نجله : ههه منال بسرعه ..
منال : طيب .. سي يو ..
نجله : باي ...
نادت الشغالات علشان يشيلون معها .. عقب راحت لأبوها اللي كان جالس بغرفته هو وامها .. وكالعاده يافاتح التلفزيون على قناه شعريه او فاتح النت على الاسهم ..
نجله : يبه ..
ابو سعود التفت عليها وقصر على التلفزيون : ابوي انتي ..
نجله : يبه طقيت ابره السكر ..
ابو سعود : افأ عليك من الساعه 6 ..
نجله : ههه شاطر ..
ام سعود : يعجبتس ..
نجله : ههه طيب اكلت ..
ام سعود : ايه تعشى هريس مسويته انا ..
نجله : حركات يمه وصرتي تسوين لابو سعود عشا .. من قدك يابو سعود ..
ابو سعود : شفتي شلون ..
نجله : اجل انا اتركم .. تصبحون على خير ..
ابو سعود : وانتي من اهله .. لاتسهرون ..
نجله : ان شاء الله ..
//
//
//
//
//
//
تجمعوا الشباب كلهم مع البنات .. طبعا انضم لهم حمد النشبه على قوله حمود ..
كانت السهره مره حلوه ضحك وسوالف وتنكيت وبعد ماخلصوا فلم شغلوا لهم مسرحيه.. انواع الضحك بالمجلس .. استانسوا حيل ولما جت الساعه 3 كلن راح لسريره وهو تعبان من الضحك .. منال راحت تنام مع عمتها لانه مثل ماتقول تخاف تطلع للحديقه بالليل وتروح بيتهم .. جلست نجله تتقلب على السرير ومنال عافها النوم فجلست على النت .. ظلوا على هالحاله لين الساعه 7 الصبح .. عقبها كل وحده ضمت مخده ونامت ..
//
//
//
//
//
الساعه 6:00 م ..
في بيت ابو عبدالله .. كان ابو سلطان اللي هو عبدالله جاي مع اهله يتعشون عند جدهم ابو عبدالله .. الرجال بالمجلس يتقهون والحريم بالصاله ..
سلطان : مزين ..
مزنه اللي كانت بالصاله عند الحريم بس تطالع التلفزيون : هاه وش تبي .. وبعدين ماتستحي انت .. ورى ماتناديني عمتي ..
سلطان بأستهزاء : تكفين عاد مابيني وبينك الا 3 سنين ..
مزنه : وهذا كفيل بأنك تناديني بعمتي ..
سلطان : اف طيب طيب ... مزنه ..
مزنه : شف عاد ترى زودتها ..
راح يمها وشالها بكل يدينه ..: سلطانوه نزلني .. يماه ..
ام عبدالله : يابعد روحي سلطان نزلها ..
ام سلطان : ياولد نزل عمتك .. عيب ..
مزنه : يماه يباه .. والله العظيم ان مانزلتني لا اعلم عبدالله ..
سلطان اللي خاف ونزلها : لا تكفين الا القوات المسلحه ..
ابو سلطان : وش فيهم القوات المسلحه ..؟؟؟؟؟؟؟؟
مرام وهي جايه من المطبخ : مافيهم الا العافيه بس في ناس ....
وتطالع في سلطان ..
سلطان : قصدها في ناس تكن لهم كل الاحترام والتقدير ..
الكل : ههه
مزنه تمسك اذن سلطان وتهمس فيها : انت هالحين وش تبي يالدب ..
سلطان : عمتي ابيك بسالفه ..
مزنه : وش ذا السالفه المهمه ..
سلطان : مقدر اقولها هنا ...
مزنه : امش تعال نطلع الحديقه ..
سلطان : اوكي ..
\\
\\
\\
\\
\\
\\
\\
بعد ماطلعوا وجلس على وحده من الطاولات .. سلطان ماكان عارف وشلون يصارح مزنه .. مايدري ليه ؟؟؟؟؟؟؟؟؟؟؟؟؟ ووش السبب اللي مانعه ؟؟؟؟؟؟؟؟؟؟؟؟؟؟؟// لا ليه ما اقولها؟؟؟؟؟؟؟ ايه هي بتساعدني .. وبعدين ذي عمتي اللي اثق فيها واللي مافي بالدنيا اللي اقرب مني لها وهي كذلك .. بس والله صعبه ..لا ياسلطان اجمع قوتك وصارح عمتك .... ايه صح ...... يعني وش ممكن تسوي ؟؟؟؟؟؟؟؟... وبعدين يالغبي ذي عمتك .. ايهه............... اجل .. اجل ليه كل هالتردد ؟؟؟؟؟؟؟؟؟؟؟؟؟ يوه ياربي ساعدني بتكلم وامري لله ..:: عمتي انا وبكل صراحه ابي اتزوج ..
مزنه وفجأه : ههه
ههه
سلطان : عمتي مافي شي يضحك ..
مزنه : ههه اوه اسفه وربي اسفه ..

قام سلطان بعد ضحكه عمته .. بس بسرعه جت مزنه وسحبت يده ..

مزنه : خلاص وربي اسفه ماكان قصدي بس ابدا ماتوقعت ..

سلطان بعصبيه : عمتي ما اظني قلت شي يستدعي انك تضحكين .. ولا اظني قلت شي غلط انا من حقي انا اطلب اني اتزوج وانتم لازم تزوجوني .. وانا والله ودي اكمل نص ديني .. بس للاسف ماتوقعت القى منك هالضحك وانتي اقرب الناس لي ..
مزنه تقرب منه وتحب راسه : وربي اسفه سامحني .. ومين سعيده الحظ ..
سلطان : مادري ..
مزنه : اجل مين بتتزوج ..
سلطان : شوفي عمتي انا بقولك سر بس توعديني تحافظين عليه ..
مزنه : وش دعوى سليطين .. ماهقيت هالكلام منك ..
سلطان : طيب اوعديني ..
مزنه : اوعدك ..
تنهد سلطان وقال : انا حبيت وحده بمعنى الكلمه ومازلت احبها ويشهد علي ربي .. وكل هذا من نظره ..
مزنه بعصبيه : سلطان ..

سلطان : طيب اسمعيني للأخر ..

مزنه : اف يالله تكلم ..

سلطان : طيب ... وربي اني ما اعرفها ولامره كلمتها .. بس شفتها كلها نظره وربي نظره .. بس يشهد علي ربي اني ابيع عمري لجل شوفتها .. والله ياعمتي اني متعذب وما عاد فيني قدره تحمل .. صبري على بعدها محود ومهو من صفاتي الصبر .. ساعديني ياعمه .. تكفين ..
مزنه : طيب من هي ؟؟؟
سلطان اللي حط يده على راسه : هذي المشكله .... اني ما اعرف من هي ...
مزنه اللي حست بألم سلطان : طيب ماتعرف اسمها .. او على الاقل وين شفتها ؟؟
سلطان : تذكرين خطوبه لافي ..؟؟؟؟؟؟
مزنه : ايه اذكرها وش فيها ...
سلطان : كل اللي اذكره انها كانت لابسه احمر ..
مزنه بقهر : ما استفدنا ..
سلطان : ليه ..
مزنه : اكثر اللي بالحفل كانوا لابسين احمر ..
سلطان : عمتي وش السواه ..؟؟
مزنه : وانت شلون شفتها ؟؟
سلطان : كانوا مرسليني الحريم اجيب حلويات .. يوم دخلتها المطبخ شفتها ياعمتي .. آآآآآآآآآآآآآآآآآه .. شفت العيون اللي سحرتني ..
مزنه : ياويل حالي الولد استخف ..
سلطان : عمتي ..؟؟؟؟؟؟؟؟؟
مزنه : طيب ..مدامها دخلت المطبخ اجل قريبه حيل .. منال بنت سعود ونجله بنت عمي وساميه وحلا خوات عبير وكلهم لابسين احمر بس المصيبه وشلون نعرف اي وحده فيهم ..
سلطان : تكفين عمتي ..
مزنه : خلاص سلطان خل الموضوع علي ..
سلطان قام وحب راس عمته : مشكوره ..
جات مشاعل : اهلين وش جابكم هنا ..
سلطان : مزين حبت تغيير جو ..
مزنه اللي نزلت راسها بعصبيه : ياربي وش قلنا قبل مشوي ... عمتي تكفى قلها ..
سلطان : ههه عمتي عمتي عمتي .. ارتحتي ..
مشاعل : وانا ؟؟؟؟؟؟؟

سلطان : انتي يخب عليك شعول ..

مشاعل بعصبيه : هين يا سلطان ..

جلس يركض لي دخل البيت وهي وراه تلحقه .. اما مزنه فجلست تفكر .. الحين وشلون اطلع ذي البنت اللي مطيحه الولد ؟؟؟؟؟؟؟ وربي صعبه ... بس مو عليك يامزين بأذن الله .. وهالسلطان ذا ما يستحي ههه ... يا حياتي طلع يعرف يحب .... لازم اطلع البنت ... ايه انا لازم اطلعها ذا ولد اخوي ومايهون علي يتعذب وانا جالسه اطالع .........عقب تذكرت انها بالحديقه لحالها قامت تركض من الخوف لين دخلت ..
//
//
//
//
//
//
//
//
//
//
//
//
حست ان راسها حيل يعورها ... ماتدري ليه اول مره يجيه الالم ذا ... مو قادره اتحمل .... الالم فظيع .. بروح عند امي يمكن القى عنده حبه مسكن ... وين راح؟؟؟ اذكر اني البارح حطيته بالدرج ..شافت الساعه لقتها 6 المغرب ...ههه قصدي قبل البارح ...نزلت تحت لقت منال بالمطبخ تاكل سندويش : منول ما شفتي امي ..
منال : الا راحت عند امي بالبيت متجمعين عندها الجيران ..
نجله : طيب والريمي ؟؟؟؟؟
منال : راحت معه ....
نجله : تكفين ياقلبي روحي يمه وقول له وين حطيتي المسكن ادول ..
منال : عمتي طيب وقفي لي اخاف اروح بلحالي ظلام ..
نجله : طول وعرض وتخافين ..
منال : ايه اخاف ماتذكرين يوم طلعت اجيب شنطتي من السياره سمعت احد يناديني عاد انتي شوفي غبرتي ههه
نجله : ههه ايه اذكر بس عاد وش دعوى هذا هو البيت من بعده يعني .. كله خطوتين والا اقولتس خوذي المفتاح اللي فوق التلفزيون وافتحي الباب اللي بين البيتين ..
منال : هذي اشين واشين .. كله واحد ظلام ..
نجله : على الاقل ماتطلعين بالشارع ..........ورجعت تمسك راسها اللي زاد فيه الالم ..
منال زاد فيها الخوف : عمتي .. وش اللي يعورتس ؟؟؟؟؟؟
نجله اللي تطالع بنت اخوها .. يابعد روحي والله اني احبتس ياعين الغالي انتي اقرب وحده لي وتحس فيني : ابد راسي يعورني ..
منال : أفأ وانا بنت ابو لحيه الحين يجيتس دواتس ياعمه ..
نجله ضحكت من قلب على منال : كم مره قايلتلس لا تقول ابو لحيه لو سمحتى الحقوق محفوظه لشايبنا ..

نجله ومنال : ههه ..

راحت منال طبعا بعد ماسحبت شغالتهم وياها وجابت المسكن اللي عطته ياها امها لان جدتها نست وين حطته ... رجعت لنجله وعطته ايها وجابت لها قلاص ماء .. بعدها راحت نجله لغرفتها وحاولت تنام ولحقتها منال وناموا ..
//
//
//
//
//
//
تحاول تشوف لكن مو قادره الظلام غطى على عيونها التفتت لقت منال بجنبها تبتسم وتمسح على شعرها ووافي جاي من بعيد ....قامت وراحت تبي تسأله انت ليش ماتحبني لكن وافي ماعطاها فرصه ارتمى بحضنها وجلس يبكي ويبكي ويبكي ..نادتها منال ......عمتي نجله .. عمتي ...................نجله .....نجله ؟؟ نجله ؟؟......:: يمه نجله قومي ..

نجله مفزوعه : بسم الله الرحمن الرحيم ...

ام سعود : بسم الله عليتس ... خير يمه وش فيتس ؟؟؟

نجله بعد ماقامت (( ياربي وش ذا الحلم ووش دخل وافي .. خلاص انا نسيته وربي نسيته وهو بعد نساني وتزوج .. ليه احلم فيه ؟؟؟ ليه ؟؟)): ابد يمه مافيني خلاف ............وتطالع الساعه لقتها 9 : وش اللي جايبتس يمه هالساعه ..
ام سعود : تقول منال راستس يعورتس ..
نجله : وينهي منال ؟؟؟؟؟؟؟
التفت لقت منال بجنبها وحاضنه المخده و......بسابع نومه ..
نجله : ايه والله بس الحمد الله الحين خف كثير ..
ام سعود: الحمد الله طيب قومي صلي العشاء لاتفوتس الصلاه ..
نجله : ان شاء الله ...
طلعت ام سعود من الغرفه وقامت نجله بسرعه وراحت تبي تدخل الحمام بس رجعت وباست منال على خدها ..: الحلوه قومي صلي ........ههه مافي فايده لازم لعب بزارين ..
اخذت المخده وسحبتها هالشي اللي خلى منال تقوم مفزوعه : خير وش فيه ....عمتي من مات ..؟؟؟؟؟
نجله : ههه فال الله ولا فالتس ... قومي صلي العشاء ..
منال : يوه ياعمتي نسيتي اني قلت لتس ما اصلي ..
ضربت نجله راسها : يابعد روحي والله نسيت .. يالله ارجعي نامي ههه ..
ماصدقت خبر منال ورجعت تسحب المخده ونامت نوم عميق ..
ونجله دخلت الحمام وتوضت وطلعت نشفت عمرها وخذت الجلال تبي تلفه عليها الا تسمع طق الباب ....: ممكن ادخل ...
نجله : اكيد الشيخ مايبيلها استأذان ..
مطلق : ام السلام عليكم ..

نجله : وعليكم السلام ...... انتظر شوي بصلي ...

مطلق : اوكي ...

كبََرت نجله وجلست تصلي وطبعا مطلق ماترك عادته جلس يتعبث بألبوم الصور اللي موجود على التسريحه ومره يبخ من العطر هذا ومره من ذاك ولازم تصير شويه شقاوه ويلعب بأعصاب منال ويرفع ضغطها وهي نايمه .. وشوي يجلس يغني بعدين يتذكر ان نجله تصلي ويرجع يقول استغفر الله وشوي يناقز على السرير ويرافس منال .........: السلام عليكم ورحمه الله .......لعنبو الشيطان ماتخلص حركاتك الصبيانيه ذي متزوج وعندك اربع عيال وولحين ماتغيرت ..
مطلق : ههه كيفي مزاج ..
نجله تسفط جلال الصلاه وتحطه على الطاوله : الشكوى لله ..
مطلق : عاد انتي وش فيتس معصبه ..؟؟؟؟؟؟؟؟؟؟؟؟؟؟
نجله : مو معصبه بس راسي يعورني ..
مطلق :سلامتس ..
نجله : الله يسلمك ..
مطلق : يعني راحت الطلعه ..
نجله : أي طلعه ؟؟؟؟؟؟؟؟؟؟؟؟؟
مطلق : كنت ناوي اطلع انا وسماح نتعشى برى ونترك عندتس سعيدوه ..
بس عاد يوم قلتي راستس يعورتس مافي داعي وامي نايمه وريميه ماتعرف له اخاف يصيح تقوم تكفخخه .. على العموم ارتاحي ..
تنهدت نجله وقالت : مطلق رح جب سعيد اصلا انا مشتاقه له ..

مطلق : لا مافي داعي ارتاحي ..

نجله ابتسمت : يوه يا مطلق تراه فرصه ماتجي الا مره بالعمر الحين انا ودي فيه مو تجي بعدين اذا ما بغيته تقول امسكيه ... يالله بسرعه روح وهاته ..
مطلق قام وركض وحب راس اخته : الله مير يعطيتس العافيه يا وخيتي .........وطلع من الغرفه وجاب سعيد ياحليله عمره سنه مثل القمر ... وراح هو وسماح وكنهم ماصدقوا احد يمسك ولدهم .................... نجله اللي دقايق ونام سعيد بأحضانها فرشت له بالزاويه فراش خافت تخليه بالسرير تتسفل فيه منال ...
وجلست هي على النت نص ساعه عقب طفته وراحت قدام المرايه وحطت كحل وروج خفيف وجلست تفكر بالحلم ... ياربي ليه للحين وافي ببالي .. ووش تفسير ذا الحلم معقوله للحين متعلقه بوافي ؟؟؟؟؟؟؟؟؟؟؟؟؟؟ اصلا خلاص انا اكرهه .......... ايه .. ياربي ارحمني انا وش سويت في دنياي عشان الله يعاقبني بهذا العقاب...... ما اقول الا استغفر الله العظيم ..... 4 سنين وانا انتظر وافي اللي انا ..... ايه انا .........كنت محجوزتن له من يوم كنت صغيره عقبها يتركني وبكل سهوله علشان ريم !!!!!!!!!!...... مستحيل ليه؟؟؟؟؟؟؟؟؟؟؟؟ وانا وش قاصرني ؟؟؟؟؟؟؟؟؟؟؟؟ لا يانجله ماقاصرتس شي ... وافي ما يحبتس .... والدليل انه خذا ريم بدالتس .