منتاجات المكياج الرخيصه والي تقوم مقام الغاليه

مسساء الخيرات ي احلى فراشات
اول شي انا عروسه متوهقه
ابي اقضي الحين مكياج ولاني عارفه الاسعار نار
وماك وفور ايفر فيه اشياء منهم ضروريه وفيه اشياء لا
ابي احد يفيدني بالاشياء الضروريه الي ماحصلها الا عندهم
وكمان لان الفراشات اكيد كل وحده بتسوي شوبنج مكياج كل فتره
ف سسويت هالموضوع علشان كل وحده مننا تفيد الثانيه
وكلنا نستفيد بدال مانرمي فلوسنا ع الماركات الغاليه
ببدا انا وبقولكم تجربتي
اساس/ ماكس فاكتر
بودر/ ماكس فاكتر
مسكرا/ ماكس فاكتر وبرجوا كلهم حلوين
ايلينر/ محمود سعيد
ارواج,, هالارواج مو معروفه بس انا جربتها
مره خطيره وحلوه وبتدعون لي
اسمها فلاش
خلصت العلبه الاولى واشتريت الثانيه مره تعجبني وادمج لونين وتطلع حلوه
وارواج ماكس فاكتر برضه حلوه وثابته
شدو/ من بيل فيزاج وفيه علب يمدحونها بس للامانه ماجربتها
ودي بعلبه تكون فيها الوان كثيره جاهزه مو انا انقي لون لون
لمعه للوجه/ ماعرفت للان واتمنى احد يفيدني
واتمنى الخبيرات والكوفيرات مايبخلون علينا
تكفون ياخبيرات لاتطنشوني لاني بحاجتكم
واي وحده عن تجربه تكتب تجربتها والله يجعلها بميزان حسناتها
ويارب ينال الموضوع استحسان الكل
موفقات