منهو آلمسكين

كان الوعد نبقى نحب ونستمر
مليت لك ارض وسما
لبيت لك وكلي وفا
عطيتك كل ما اقدر
وفي موعد كان متاخر
وحبك فيك متبخر
وقلبك صار متحجر
وطيت ارض الخيانه وبعت
وطت ارضك معاها الحب
ودست اللي بقى مني
وصار الحب لك عتبه تمر فيها
وتدمر مابقى فيني
واقول مسكين مايخون وفي مايخون .. ويكسرني ألم ويخون
وفي ساعه من ليالي البرد
وانا حولك وادفي بارد الازمان من حولك
واثاري قلبك القاسي تدفى من حطب غيري
واقول مسكين مايخون وفي مايخون .. ويكسرني ألم ويخون
حسافه بايدك اللي امسكت سماعة الهاتف واسمرت وياي
تناست كيف ليالينا؟؟
وصارت تسمر ايامك لاحد ثاني
ولما كان العتب فيها لانها بيوم ماحست
جماد وما للجماد حساب
واقول مسكين مايخون وفي مايخون .. ويكسرني ألم ويخون
انا احاسب نظر عينك تناظر حولك اشيائي
هدايا الحب واحساسي
تفكر كيف باحد ثاني؟؟؟
وجسمك يلبس ثيابي
يلامس فيني احشائي
يلامس ليه احد ثاني؟؟
وقلبك كيف عمرته
امانه كيف صممته يكفي ويوسع كثيرين
ويكفي ليه لاحد ثاني؟؟
بنيته ليه من دورين وانا مادري
وهدمت الطابق الاول من احساسي قلي ليه؟؟
انا من كون احساسك
وانا من شد من باسك
وانا من زان ايامك
وانا اللي كنت لك دميه
متى تمنيت على بالك
متى وربك بكت لك عين..وانا ماكنت لك منديل
متى وربك نزف جرحك وانا ماكنت لك تسهيل
متى زارتك البسمات وانا ماكنت لك تعبير
واقول مسكين مايخون وفي مايخون .. ويكسرني ألم ويخون
انا ياللي بنيت لحبنا مرسى
ودعمت الحب لك موصال
امانه كيف تتجرأ
بنفس الموعد المشؤوم
مسكت بايدها واقفيت
ودست الحب من ساسي
ورميت المرسى المدعوم
وتركت لذاتي المرحوم بقايا من بقايا حب
انا نفسي امانه كيف ترضى بك
وانا حتى بقايا العشق بي غرقان
وحتى الحب بي ندمان
وورد الموعد المقتول بي ذبلان
امانه كيف ارضى بك
وانا حتى بقايا الصدق بي باعوه
امانه كيف باعوني
امانه كيف خانوني
وانا المسكينه يالمسكين
(((اقول مسكين مايخون وفي مايخون .. ويكسرني ألم ويخون))
حيآتي قبل تحيآتي ..