منو فيكم زوجة ثانية او زوجها متزوج عليها تفضلي

ليش ما تردون بنات؟؟؟؟؟؟؟؟؟؟

هل انتي زوجة ثانية ؟؟
نعم انا الزوجه الثانيه
وشنو العواقب اللي واجهتيها وهل واجهتي مشاكل بزواجج؟؟؟
ولله الحمد لم اواجه اي عواقب سوى رفض الزوجه الاولى لي ولوجودي في حياتها
وهذا امر مفروغ منه وشي طبيعي كمان وانا ما الومها ابدا
ولكن الان وبعد مرور عامين على زواجي مازالت مصره على مقاطعتي
طبعا مو كل زوجه اولى نفس طبايع طبينتي في بعضهم يرضون بالامر الواقع
ولما تشوف زوجها توفرت له سبل الراحه اللي كان فاقدها عندها تكون مبسوطه ومستانسه
ويعيشون في جو عائلي ومتكاتفين لابعد درجه وهذا الشي شفته بعيني
...................
اتمنى اكون رديت على تساؤلاتك غاليتي

كل شي يهون علي الا اني اخد رجال عنده حرمه
لاني اساسا ماارضى وحدة تاخد زوجي
كل شي والا الضرة بموت وبندبح منها واخاف ارتكب فيها جريمة
وي وي وي بعيد الشر عني
قصص من الحياة؟
اعرف رجال عنده زوجات ثنتين وسبب زواجه من الثانية (عدم الانجاب) وماخد الثانية مو بحرينية
بس معززهم ثنتينهم وهم مثل الخوات والاولى عيال زوجها تاحبهم وكانهم عيالها

الحمدللة انة ماعندي ضرة
واللة لايجيبها
بس واللة في معارفنا واجد عندهم ضرات بس الحمدللة عايشين بستر ونعمة وفيهم لا شر وشرير
واللة لايجيب اليوم اللي تكون عندي ........

مشوار إمرأه
جزاج الله خير غاليتي والله يتمم عليج وهالشي لا عيب ولا حرام والناس صار الزنا عندهم عاذي والزواج اهو اللي حرام الله المستعان .........وانتي حاولي انج تتوددين لها واذا في مجال تهدينها لالن الهدية مهما كانت تلين القلب...وحاولي التقرب منها وتصيرون مثل الخوات..
وعلى فكرة انا زوجة اولى لزوجي وما اتمنى ان يتزوج علي لاني بموت وعالعموم الزواج قسمة ونصيب واذا الله كاتب انة يتزوج راح يتزوج....
ومشكورة عالمشاركة

ام ماجد الصغيرة
مشكورة اختي عالمشاركة والله لا يقولها ويتمم عليج ريلج امين

^الريحانة^
مشكورة عالمشاركة
وان شاء الله الله لا يجيبها

بدون زعل
حسبي الله على كل رجال يروح يتزوج على زوجته اذا كانت مو مقصرة في حقه ومعطياه حقوقه كاملة من واجبات البيت والجسد والحب
حسبي الله على كل رجال ما يشوف عيوبة ويدور عيوب عند زوجته ويعالجها بالزواج من ثانية
حسبي الله على كل رجال فكر انه زوجته هي بس اللي تكبر بالعمر وهو مشالله عليه بيصغر بالعمر
حسبي الله على كل رجال يشتت عياله وزوجته وهو يدور ورى شهوته ان كان بالحلال ولا بالحرام
حسبي الله على كل رجال عنده النساء مثل السيارات كل سنة موديل ولون ويدور جميع الجنسيات من كل بلد ولون
حسبي الله عليهم من رجال اكاليننكارين مايخفون الله مخهم في شهوتهم وبس
حسبي الله على كل وحدة رضيت تكون زوجة ثانية وشتت اسرة وضيعت اطفال
بلا زوجة ثانية بلا هم
ادري انه حلال بس اذا عدل بس وين العدل يوم ياخذ وحده صغيرة تنسيه القديمة وتنسيه عشرت العمر ويصير لاصق ليل ونهار عندها وناسي حرمته وعياله
هاذي وجهة نظري والي تبي تزعل تشرب البحر
مع احترامي لكاتبة الموضوع جعل زوجك مايشوف غيرك عروس

الاميرة نودي.....(( قومو عنها الكلام طالع من خاطرها ههه عن اتسوي فيكم شي ))
و الله كلامج صج من خاطرج...
الله يعين اللي زوجها ماخذ عليها ثانيه..
و انا بعد معاج و مارضى ان ياخذ وحده ثانيه بدون عدل اصلا حرام..يتزوج و مايعدل..