مهلبية حركات

طريقة المهلبية خطيره وانا احبها موت
وراح اكتب طريقتها
المقادير:
4 اكواب حليب سائل يعني لكل كوب 3 ملاعق أكل حليب بودره
4 ملاعق أكل دقيق الرز
ربع فنجان الشاي ماء الكادي
سكر على حسب رغبتك انا احط فنجان القهوة 1 ونصف
فراولة طازجه + نارجين + فستق مبشور
ممكن تسويها بالهيل بس لونها مايصير ابيض ناصع وماء الورد بس انا افضل الكادي
الطريقة:
تحلين الحليب وتحطيه بالقدر 3 أكواب
والكوب الرابع تحليه مع دقيق الرز وتصبين نصه على الحليب اللي بالقدر
وتخليه على نار هادئه حتى يسخن الحليب مو يغلي وتصبي النصف الباقي من الحليب المحلول
وتحركيها حتى تبدأ تروب تثقل شوي وتصبين الماء الكادي بعدين تحطي السكر
وتقلبيها وتصبينها بالقوالب المخصصه عندك او بكاسات شكلها حلو وصغيره
تزينيها بالنارجين والفستق المبشور وتحطين نصف الفراولة بالوسط
وتوضع بالثلاجه حتى تبرد
وبالعافية