مهم جدا لكل عروسه اللي ماتدخل خسرانه

قرأت هذه القصيدة فأعجبتني لذا أحببت طرحها بين يديكم:
لا تحسبين العرس توفي وكتكات
ولاتحسبينه توكس والا باونتي
ولا تحسبين العرس تصفيق وأصوات
وانتي على صوت الغطاريف همتي
ولا تحسبين العرس كوشة ولمبات
وانتي كما الطاووس فيها جلستي
ولا تحسبين العرس أحلام فالشات
ياما بنيتيها وياما هدمتي
ولا تحسبين العرس روحة وجيات
هيا أقضبي بيتك عسى ماانهبلتي
ليله سعيدة وانتي أحلى الجميلات
تشخص عيون الناس اذا حضرتي
و(الاينز) حطيه بلا زيادات
لا يخرب المكياج اذا دمعتي
و(المسكرة) تحتاج لطف ومداراة
حتى يبان الزين اذا غمضتي
و(الاسبريه) رشيه حتى البصيلات
مسك شعرك زين لو كان زدتي
وترى(المحدد) فن يحتاج رسمات
يبان رسمه زين اذا ابتسمتي
ترى العرس يابنيه ماهو شعارات
تفنى مراسيمه وتبقين انتي
ويبقى شريك العمر راعي الطويلات
هذا هو العرس الحقيقي عرفتي؟
أول نصيحة لك حفظ الصلوات
صلي العشا والفجر في كل وقتِ
وفي ليلة العرس الموفق وبالذات
ادعي الكريم الله اذا سجدتي
وللعاري لا ترضين عند الكوافيرات
ولبسك يملا العين اذا لبستي
واللي على زوجك تحرضك مرات
أرجوك شوتيها شوتة بلنتي
والصبر بالعشرة حتى على فتات
يامحلا فعلتك يومك صبرتي
واذا حفظتِ السر مع المداراة
زوجك ترى في عيونه أنتِ كبرتِ
والسوق يعني هاه وقت الضرورات
والا ترى زوجك يدوّر لمفتي
زيدي الغطاا وكثري في العبايات
والله يرضى عنك اذا استترتي
أوصيك بالكبسه وكثرالايدامات
حتى لو انك في سببها متنتي
وخلي الرجيم اللي فشل أكثرالمرات
سويه مرة وحدة اذا ولدتي
أوراق شاعرة ترسل أزكى التحيات
خصيها بالدعوة اذا دعوتي
دعواتي لكل العرايس بالتوفيق والله يرزق بنات المسلمين
الزوج الصالح عاجلا غير آجل آمين
لاتنسوا الردود