مهم لكل عروس وبنت وزوجه

امثله
1- كلمتك ام زوجك وقالت لك والله اني احبك وغلاتك من غلات بناتي فتردين عليها :
والله انا بعد احبك ياخاله وانتي بمقام الوالده ومعزتك من معزتها
أو
والله انا بعد احبك ياخاله وما اعتبرك غير ام ثانيه لي
2- لما يناديك زوجك يفضل انك تردي عليه :
لبيه يالغالي ,, أو ,, سم ياعيوني ,, أو ,, تدلل حبيبي ,, أو ,, امرني ياقلبي
3- لما تمدح وحده من اهل زوجك شي فيك مثلا ( حلو فستانك ) :
تسلمين حبيبتي هذا من ذوقك
4- لما يجونك ضيوف لبيتك :
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يالله يابنات ساعدونا محتاجين لكم

موضوع حلو مرة
تسلمي يالغالية منجد أنا احتاج تعليم في الاتيكيت

هام السحاب الموضوع يجنن ربي يسعدك ويسعد كل من يساعدنا
جونان الفكرة
--------------------------------------------------------------------------------
إقتباس:
بقلبي محلك
بنات انا مملكة من ست شهور
وزواجي بالصيف بإذن الله ادعوا ربي يتمم علي
عندي لكم حركات وافكار تخلي زوجك يموت فيك وينجن عليك
ابي اذكر لكم بعضها واذا عجبتكم وتفاعلتم معي بجيب لكم افكار اكثر
1- قولي له اذا شفتيه انا قبل لا أعرفك كنت اظن ان للأرض قمر واحد بس من بعد ماعرفتك اكتشفت ان للأرض قمرين واحد بالسما وواحد بالأرض
2- اذا جاكم زيارة وسلم عليك وقفي وطالعي له باستغرب بيقوللك وش فيك:
قولي له انا وين شايفتك وين وين ؟ ايه صح تذكرت
انت مو اللي كل نصف شهر تطلع بالسماء وتضوي الدنيا
3- اذا قهويتيه خليه يشرب من فنجالك شوي وخوذي اشربي الباقي وقولي اله كذا العسل ولا بلاش
4- نصيحة بنات اذا تبون ازواجكم يحبونكم امدحوهم ترى الرجال يحب المدح والثناء
بس لاتكثرين مرة ترى بيشوف نفسه عليك خ
- يعني استغلي الفرص اذا غنى لك او انشد لك قولي ماشاء الله صوتتك عذب يسلم لي هالصوت الشجي
- او قولي لي: جسمك رجولي مرة احس الرجولة والقوة تبنع منه بسم الله عليك
- عطرك حياتي يجنن ريحتك مررة خيال تصدق يوم رحت المجلس كله ريحة عطر (طبعا اذا كان متعطر صدق ) مو تتوهقين ههه
- قولي له مثلا اذا كنتي تحبين الغترة عليه او الشماغ : حبيبي الغترة البيضاء تجنن عليك كنك معرس الله يحفظك من العين
- ابيك اذا سيرت علينا لمرة الجاية تلبس غترة بيضا وثوب ابيض
- عيونك تذذوبني تسلم لي العيون وراعي العيون
- حبيبي احس لما تمشي لك هيبه فديتك وفديت هالهيبه
5- اشكريه على اي شي يسويه لك حتى لو تحسينه لازم يسويه غصبن عنه
ترى سبحان الله لو تكونين انسانه شاكرة له بيحاول انه يجيب لك اكثر واكثر
اشكريه على اي شي يجيبه لك او يسويه علشانك قولي له مثلا:
الله يعطيك العافية ياقلبي
الله لايحرمني من كرمك
يسلم لي حاتم الطائي
عساني ماانحرم من طيبك وكرمك
مشكور ياحياتي مشكور تسلم لي
هديتك مرة عجبتني ذوق ياذوق انت
اختيارك وذوقك روعة يابعد عمري
وين اهل الذوق مايتعلمون منك ياسيد الحلا والذوق
ماشاء الله ماشاء الله عجبتني ياحبي على اختيارك او هديتك مرة خياالل
تعيش وتجيب لي ياحياة قلبي
6- اذا كلمك لاتخلين يمر يوم من غير ماتقولين له أحبك ومشتاقة لك
بس كل مرة نوعي بالطريقة
مرة ناديه باسمه واذا قال هاه قولي احبك
ومرة قوليها بصوت واطي كنك تقولينها باذنه
وعطيه معها بوسه
او قولي له : حبيبي بقول لك سر بس خايفة تعلم احد
بيقول لك لاتخافين ماراح اعلم احد
قولي له احبك
ههه
عندي بعد افكار ثانية بس مايسعفني الوقت بكملها بوقت ثاني اذا شفت تفاعلكم واذا اعجبتكم افكار
لاتنسون تدعون لي ان ربي يسخر لي ابو الشباب ههه ويسهل امور زواجنا ويتمم علينا
اشوفكم قريبا

وهذي كمان كتبتها بقلبي محلك الله يسعده ويوفقها دنيا وآخر ويسخرلها أبو الشباب
--------------------------------------------------------------------------------
إقتباس:
بقلبي محلك
قولي له :
صح ياحبيبي اني حلوة بس فيه أحلى مني تدري منهو ،،،، انت
الحلى للحلى ولسيد الحلى
عيونك الحلوة
الله يخليك لي ويخلي لي كلامك العسل
او تدلعي عليه وقولي حبي خلاص تراني استحي
ولا خلاص حياتي بس ترى خدودي حمرت خ
تسلم لي ياحياتي
فديتك وفديت رومنسيتك الله يخليك لي
عاد انتي ابدعي بالكلام
اتمنى افدتك

وهذي كمان كتبتها بقلبي محلك الله يسعده ويوفقها دنيا وآخر ويسخرلها أبو الشباب
--------------------------------------------------------------------------------
إقتباس:
بقلبي محلك
قبل لا اكمل حبيت اعطيكم فكرة حلوة مرة تفيدكم كثير
اولا جيبي دفتر صغير واكتبي فيه كل الاشياء الي عجبتك والأفكار الي حابه تطبقينها مع زوجك
سواء الي انا قلتها او لقيتيها بأي مكان ثاني
لأن الانسان بطبيعته ينسى
فدوني واكتبي فيه كل الحركات والرومنسيات
علشان تطبقينها اول بأول
وكل حركة سويتيها حطي بجنبها علامة صح
واي حركة جربتيها واعجبت زوجك حطي جنب الصح نجمة * علشان تكررينها بين فترة والثانية
نرجع للأفكار:
- ادعي لزوجك بقيام الليل او بسجودك ،، (وقولي له : تصدق ياحياتي اني دايما ادعي لك بسجودي ان رب يوفقك ويسعدك ويثبتك وييسر لك كل خير ويصرف عنك كل شر
وان ربي يخليك لي ويقوي علاقتنا
ترى بيستانس حتى لو ماحسيتي عليه.
- انتبهي تمنين عليه برسايلك او باي شي تقدمينه له
مثلا: لا تقولين له ليش ياحبيبي انا دايما ارسلك وماترسل لي ولا انت مهتم فيني
او دايما انا اللي افقدك وانت مطنش
لو تحبني صح كان رديت علي وكلمتني دايما
انتبهي لالالالالالالالالا
كذا بتخلينه يرسل لك بدون نفس وكأنه مغصوب أو يؤدي واجب او يبي يفتك من حنتك
تدرين وش تسوين :
خليك دايما ويوميا ترسلين له
ولا تنتظرين رده ولا تجيبين له طاري او تتضايقين
والله انه هو من نفسه راح يرسلك لأن الشخص اللي دايما تهتمين فيه غصبن عنه هو من نفسه راح يبادلك الاهتمام حتى لو كان اقل لكن راح يرد لك رسايلك ويتجاوب معك
بشرط انك ماتكونين انتي اللي طالبه منه
خليه هو براحته
وحتى لو قال لك ماعليش ياحبي اعذريني انا مقصر ماارد على رسايلك
قولي له عاادي ياحبيبي مو شرط ترد علي اهم شي انك تقرا رسايلي
لأن الحب انك تعطي بدون ماتنتظر المقابل
راح يستحي من نفسه ويبادلك المشاعر ويحبك أكثر
بنات الله يخليكم لاتصيرون نكديات وتحاسبون حتى على الكلمة
والله لو تبين زوجك يموت فيك
أعطيه من قلب واخلاص ولا تنتظرين المقابل
راح يركض وراك
- اذا ناداك باسمك
مثلا قال : سارة
لاتقولين نعم ولا هاه << انتبهي من كلمة هاه كنك عجووز خ
قولي له ياعيون سارة
ياقلب سارة
هلا حياتي آمرني تدلل
سم يالحب
هلا يالقلب
ياروح سارة وقلبها وعيونها وخشمها ههه << قوليها صدق بتضحكون
- نصيحة اذا زعلك بشي
لاتقولين انا مااحبك ليش سويت كذا
او انا اكرهك
او انا تضايقتك منك
هذي خليها قاعده بحياتك مع زوجك وكل الناس
افصلي بين الشخص نفسه وبين الفعل اللي صدر منه
لاتقولين انا اكرهك
قولي انا ضايقني اسلوبك << لاتقولين ضايقتني ، انسبي الفعل لك لانه من باب الذوق في الاسلوب
او قولي تأثرت من اسلوبك
تصرفك بكاني
- أخيرا سوي معه حركة حلوة
قولي له في واحد يشتكي منك ويقول انك موريه الويل ومتعبه
اذ قال لك منهو
قولي قلبي ابيك ترحمه خ
خف عليه ذبحه حبك جننه شوقك

الله يااسلام يعطيك الف الف الف الف عافيه والله ماقصرتي يا سكر انقذتينا كثير واهل الزوج وش نقول لهم من كلام والله احتار كل ما اكلمهم وش اقول من الكلام الزين

بنت الشرايع مشكوره على مرورك وان شا الله يساعدونا البنات وما يقصرون

يديك العافيه

يعطيك العافية,وربي يوفقك ان شالله:
رفع,,,
لااله الا الله محمد رسول الله,استغفرالله واتوب الية ,اللهم صلي وسلم على نبينا محمد