مهم مهم مهم قبل ماتبدأي أي رجيم أدخلي بسرعه

السلام عليكم ورحمة الله وبركاته
كيفكم يا أحلى فراشات
الله عليك يالرشاقه .. يارب ترزق كل من تدخل موضوعي وتنوره
بردها كل إللي تتمناه..
حبيباتي حبيت أعطيكم خبرتي في هذا المجال أغلبه قريته في منتدانا العامر
وأسأل الله أن يجزي كل فراشه أفادتني بمعلومه في أي موضوع خير الجزاء..
وطبعا لو أي وحده لقيت نصائحها في موضوعي لاتزعل إنما هو نتاج نصائحكم..
بسم الله
حبيباتي..
>>>>>أولا<<<<<
ليه تتبعون رجيم ينزلكم كثير وترجعوا بعده الله لايقدر أكثر!!!!!!
لا تقولوا مستحيل لأنكم إلا ما حتوقفوا مشي ومن أول يوم تاكلوا شي حرمتم جسمكم منه
مثل الرز أو المعكرونه حتزيدوا وغير إنكم حتشتهوا كل شي حتى إللي ماكنتم تحبوه
ومعاناه ونزول سريع يرهق الشعر ويتساقط والبشره تتعب والوجه يضعف
الحل إنكم تاكلوا من كل شي بش رط
هو إنكم ماتكثروا إلا من الماء والخضروات والفواكه وتاكلوا لقمتين بالعدد
والنتيجه:
أ_ جسمك ماينحرم من هذا الأكل ويتأثر بيه بسرعه بعدين لو أكلتيه
ب_ تسدي شهيتك وماتتعبي في منع نفسك عنه
ج_إللي حولك ما يلاحظوا إنك جالسه تسوي رجيم وبالتالي يسولك إغراءات إما لأنهم يكرهونك خ أو إنهم يخافوا عليك
د_ تستمري عليه مدي الحياه لسهولته وما حتمتني إن شاء الله أبد وتصير عادتك
وبطنك يشبع بسرعه عكس لو حرمتيه..
( على فكره أنا جربته وكنت أكل شكولاته ورز وشاي محلى بس طبعا قطعه أو كميه قليله وتدروا كم نزلت بأسبوع؟
قولوا ماشاء الله خ
تقريبا 3 كيلو مع مشي نص ساعه يوميا بتقولوا قليل
أقلكم لي تقريبا شهر والله مخربتها ببسي بكميات كبيره وشكولاته وإسكريم وأندومي (يمي خ بعد هذا مافي رجيم )
المهم الله الشاهد ماطلعت ولا نص كيلو الحمد لله
قولوا ماشاء الله خ..
>>>>> ثانيا<<<<<
إمتنعي عن الحلى والمشروبات الغازيه والشبس والسكر و كل الخرابيط قدر الإمكان
طول حياتك لأنها مضره ولو إشتهيتيها تاكلي لأن رجيمنا مريح وسهل
بش رط
لقمتين بالعدد للأسباب السابقه بس الفرق إللي خلاني أحطه في نقطه لوحده
إن هذي الخرابيط مضره جدا فجاهدي نفسك عنها كثير..
>>>>> ثالثا <<<<<
المشي ثم المشي ثم المشي وأبتعدي عن التمرينات الرياضيه إلا
تمرين أو إثنين خفيف وسهل جدا للبطن والأرداف لأن هذه المناطق صعبة النزول بس مرتين بالأسبوع لاتكثري وجربي وشوفي
ماراح تندمي إن شاء الله
ماراح أذكر فوائد المشي لأنها معروفه للجميع ولكن حافظوا عالمشيه العسكريه يعني بشفط البطن (مو مره خ)
وتخلي ظهرك واقف وتحركي يدينك ورا وقدام وخطوات متوازنه وقبل هذا لا تنسي تلبسي
جزمه رياضيه والله يكرمك لما تمشوا عالبلاط أو السير ضروري
وبعد المشي سوي إطاله لعضلاتك ..
>>>>> رابعا<<<<<
أكثري من الماء بشرط ما يكون بعد الأكل مباشره
وترى الخيار يسد الشهيه وإشربي شاي أخضر وأنا سمعت إن الإكثار من الشاي الأخضر والليمون
ينزل بس يجيب هبوط الضغط الله يحمينا ..
>>>>> خامسا<<<<<
فرشي أسنانك عدة مرات في اليوم والسبب
1_ حمايه لأسنانكم ياحلوين
2_ بعده تشيلي هم تاكلي وترجع أسنانك تتوسخ (ههه ياحليلك يادبا )
3_ إذا كان في بقايا طعام في فمك تحسي بالعطش وما يرويك إلا البيبسي أو قطعة حلوى تشيل حموضة فمك
( خ أدري زودتها وش أسوي أمينه في الوصف)..
>>>>> سادسا<<<<<
حافظي علي جسمك يكون رطب (يعني رطبي جسمك كلله بكريم مرطب )
خصوصا لو حبيتي تنزلي وزن كبير لأن البشره لو تمددت أو تقلصت وهي جافه يظهر فيها خطوط فإنتبهي ..
>>>>> سابعا<<<<<
ضعي أقنعه لو جهك أثناء الرجيم عشان مايبان عليه التعب والإرهاق..
>>>>> ثامنا<<<<<
تذكري دائما قول الرسول صلى الله عليه وسلم " نحن قوم لا نأكل حتى نجوع وإذا أكلنا لا نشبع "
( لا نشبع مو يعني ما نوقف أكل خ يعني نوقف قبل ما نشبع ) وإحتسبي إنك تطبقين سنه في أكلك..
ولا تنسي أننا نأكل لنعيش ولم نخلق لنأكل (خ تتفلسف)
>>>>> تاسعا<<<<<
تذكري أن الوزن الزائد قد لا يكون من الأكل فقط وإنما من بعض
السلوكيات الخاطئه مثل النوم ( والتبطح بالعاميه )بعد الأكل يساهم
كثيرا في ظهور الكرش
ولا تشوفي وزنك كل يوم خليه كل أسبوع لأن حتتعب نفسيتك
لو مانزلتي وتنتفخين من الزعل والهم ( من جد أنا مجربه)
ولاتجلسي عند التلفزيون أو الكمبيوتر لأنك حتنسي نفسك
وتاكلي كثير..
>>>>> عاشرا<<<<<
عاده رائعه ودايم إللي يطبقوها رشيقات
وهي إنك تسوي أشغالك بنفسك وتتجملي عاللي حولك كمان
مثلا أحد يبغى منديل إقفزي زي الرشيقه ( معليش تخيلي
نفسك رشيقه الخيال ببلاش) وروحي جيبيه أو أحد يبي ماي
أو أي شي إنتي جيبيه وقومي ردي عالتلفون أو الباب
بالعربي خليك في حركه مستمره والنتائج:
1_ تنحفين وتصيرين نشيطه
2_ إللي حولك يحبوك لأنك تخدميهم وتلبي إحتياجاتهم
3_ إللي حولك يمتنون وتشوفي نفسك رشيقه ( خبث ومكرر خ)
4_ لما تجي علي فراش النوم تنامي بسرعه من التعب وماتتحلمي ( مشكلتي لأن عندي أرق أدعولي )
وسلامتكم
لا تنسوني من دعواتكم..
حقوق النشر محفوظه إلا لمن يذكر المصدر وهو موقع الفراشه..
brighthope