مهمومة ورجيمك فركشتيه وزنك ماينزلتعالي أنا بساعدك

^فراشة وردية^

08-09-2022 - 05:11 am

:aq2
بسم الله الرحمن الرحيم..
فراشاتي الحبوبات..
وش أخباركم؟؟
وكيف الرجيم معكم؟؟
أنا بحكم خبرتي الطويلة في مسألة النحافة والسمنة والرجيمات حبيت إني أضع هذا الموضوع بين يدينكم..
هل وزنك ماينزل وخلاص طفشتي وبتبطلي رجيم..
وإلا بديتي برجيم يومين وبعدين فركشتيه..
وإلا تحسين إنك مو قادرة تسوين رجيم لأنك دايما جوعانة..
وإلا ماتقدرين تقاومين المغريات..
أو مهمومة وفي قلبك شي نفسك تقولينه بخصوص سمنتك..
إذن أنا هنا..
أنا سأفتح لك قلبي قبل أن أفتح لك أذني..
أنا سأعطيك الحلول..
كل ماعليك عمله هو الدخول وكتابة المشكلة وبإذن الله سأجد لك حلا لها..
فراشاتي من اليوم ستودعين همومك المتعلقة بالرجيم..
وستودعين الدموع التي تنهمر من عينيك الجميلتين..
لأنني سأكون إلى جانبك دائما..
فأهلا بك في قلبي..
أختكم:فراشة وردية..
:aq2

التعليقات (9)

أم لميس

08-09-2022 - 08:52 am

يسلمو يالغالية ويعطيك العافية

^فراشة وردية^

08-09-2022 - 09:53 am

الله يسلمك أختي أم لميس..
مشكورة ياعيوني على المرور والرد..

دمعة سحاب

08-09-2022 - 10:54 am

الله يعطيك العافية يافراشتي الورديه
والله ان فكرتش كثير حلوة
وان شاء الله يكون في ميزان حسناتك
والله يجمعنا في جناته يارب
وتصدقين يافرشتي الوردية كل هالشكر هذا واقول اشوي في حقك

^فراشة وردية^

08-09-2022 - 11:55 am

دمعة سحاب
هلا والله وغلا بدموعتي..
كيف أول يوم رجيم؟؟
والله يسمع منك ونجتمع في جنته..
وأيش كل هالشكر وقليل بحقي أصلا أنا ماسويت إلا اللي علي..
بالتوفيق ياقلبي..
وإن شاء الله تنحفين وتوصلين للوزن اللي تبينه..

ام ريفان

08-09-2022 - 12:56 pm

اذا عندك الحل يا ريت تعطيني هو بسرعه
تعبت ونفسي انحف وما احب اسوي رجيم
ولا اقدر استغني عن الشوكلاته
ارجوكي ساعديني

**رهام**

08-09-2022 - 01:57 pm

خوش خدمه
مشكوره وما قصرتي
ابي اكون انا اول المشتركين في خدمتك
انا اعاني من خمول في الغده ومن سنه اجريت عمليه ازالة احد اجزاء الغده وحاليا اخذ حبوب ثيروكسين
ومازلت اعاني من الخمول وللأسف هذا الشي يؤثر على شغلات وايد فيني واللي منها .... السمنه :(
اسوي رياضه .... اصوم عن الاكل .... ما في فايده
حتى ان احد مراكز المساج قالوا لي مادام معاك الخمول ما في فايده من برامج المساج والتخسيس
شرايك بالورطه اللي انا فيها .. والله اني مليت من حالي
عندك نظام يساعدني ويحل مشكلتي ؟؟؟؟
.

^فراشة وردية^

08-09-2022 - 02:58 pm

ام ريفان
هلا فيك أختي الغالية أم ريفان..
ليش ماتحبين تسوين رجيم؟؟
أنتي فكري بالمستقبل..
تخيلي نفسك أنحف..
تخيلي إن كل الثياب تجي مقاسك..
بصراحة بتصيرين تحبين الرجيم..
وإذا على الشكولاته..
قبل ما تحطينها بفمك..
تذكري إنك مسوية رجيم وتبين تنحفين..
وقولي في نفسك "أنا طول عمري آكل شوكولاته ماراح يضرني لو وقفت عنها كم شهر"
وبعدين إرجعي وتخيلي نفسك نحيفة..
بعدين فكري هل لوح الشوكولاته اللي بتاكلينه يستاهل تخربين رجيمك عشانه..
أنتي جربي هالطريقة كم يوم وإذا ماقدرتي..
حاولي وحاولي..
وإذا ماقدرتي خلاص عطيني خبر وأعطيك الحل البديل..

^فراشة وردية^

08-09-2022 - 03:59 pm

**رهام**
مشكورة أختي على المشاركة..
مسألة الغدد الصماء أنا ما أعرف لها بس حبذا لو رحتي لأخصائي تغذية وقلتيله مشكلتك..
وأنتم عندكم بالكويت دكتور دشتي جربي تروحين له وأنا بعطيك عنوانه بالكويت..
للحجز والإستفسار يرجى الإتصال على الرقم التالي: 5718430
عنوان العيادة: السالمية - قطعة 5 مقابل مخفر السالمية
مواعيد العمل : من الساعة الرابعة والنصف الى الساعة العاشرة والنصف مساء .
أنا كان قصدي من الموضوع المساعدة فأتمنى أكون ساعدتك..

**رهام**

08-09-2022 - 05:00 pm

اوكي .... خلينا من دكاترة التغذية لان كل برامجهم تنجح معاي في الاسبوع الاول بس وعقبها يصير الوزن ثابت
انتي عطيني رجيم ينزل الوزن وانسي الغده الحين ابي شي يكسر جمود الوزن اللي انا فيه
.

تعالوا نشجع بعضنا على الرجيم والانقاص الوزن←
بنات اللي تبي تنخف تدخل نشجع بعض→