مهمومة وما لقيت غيركم بعد الله

1. مشكلتي اتعبتني واحترت فيها وحسيت انها وراها مصايب اكبر

بسم الله الرحمن الرحيم
حبيباتي مالي بعد الله غيركم افضفض له ...

مشكلتي اتعبتني واحترت فيها وحسيت انها وراها مصايب اكبر

مشكلتي باختصار هي ام زوجي وتسلطها عليه وافتعالها المشاكل معي والضحايا انا وزوجي المهموم من كل هذا
خلونا في اللي صار مؤخرا ..شغالتي ترفض البقاء عند ام زوجي لمشكلة حصلت لها معها لدرجة ان الشغالة تبكي وتقول انا ابغى اسافر خلاص لاحد يجدد لي اقامة المهم بعدها بشهر تقريبا طلبت ام زوجي منا الشغالة فانا سالتها اذا تبغى تروح والشغالة رفضت وانا ما اقدر اجبرها لانها بترجع عليه وعلى عيالي ..
المهم ان ام زوجي قالت اني حرضتها ومقتنعة بهذا الكلام وما هي راضية تصدقني اني ماحرضتها واتصلت على امي تشتكي مني وامي دافعت عني وقالت بنتي طيبة ولا تنكدين عليهم اتركيهم بحالهم المهم ام زوجي زعلت وقالت كلام على لسان اامي واشياء كثيرة تاكدت ان امي ما قالتها وقالت اني انا انقل لامي كل شي وان امي قالت لها كل شي وهذا ما حصل من امي ابدا بس تبغى تفتعل مشكلة وقالت لزوجي ابغى اكلم زوجتك عشان اخاصمها واقول لها على الي قالته امها..
طبعا انا قلت لزوجي ماراح اكلمها لانه صعب علية اسمع عن امي كلام ظلم وتغلط عليهاوانا ساكته مادافع عن نفسي وامي لانه لو قلت لها امي ماقالت راح تقول يعني انا كذابة وتزيد المشكلة ولو سكت بموت قهر على امي المظلومة وانا محتارة اش اقول لها لو فتحت لي السيرة.
المهم اخواته المتزوجات اتصلوا عليه يبغونا نعيد مع اهله نسافر لهم في العيد يبغون يتجمعون وانا قلت لزوجي روح لحالك انا ماقدر اتحمل دقها او كلامها عن امي لو لوحدي اهون لكن امي في الموضوع وقدام احد ما اقدر اسكت ولو رديت عليها هي تسوي مشكلة اكبر ولو استاجرنا وخذنا الشغالة برضو حتزيد المشاكل ...لكن هو يقول اذا خرجنا بترضى وابغى اتجمع مع اهلي وامي لو جيت لحالي بدونكم بتقول ما شفنا اولادك والفكرة هذي مرة تعبتني كنا في غنى عنها لوما كلموه اخواته لانه كان بيقول ماعندي اجازة وكل هذا اتقاء المشاكل
بصراحه لا انا ولا زوجي مرتاحين من الوضع هذا وانا الحين محتارة يااروح لهم والكل يتفرج عليه وانا اندق وانهان واعرف نواياها.. وزوجي يرتاح .....ولا احفظ كرامتي وما اروح ولا اكلمها وزوجي يجلس مهموم ومو مرتاح ؟
شوروا عليه الله يجزاكم جنات النعيم ..