مواقف العرايس ليلة الدخله تعالوا نضحك

1. من الخرعه نزلته ولا رفعته لين دشينا الغرفه

السلام عليكم
شخباركم شعلومكم ؟
اليوم وانا افرفر ولا اطيح لكم على كم موقف لعرايس ليله الدخله ومت ضحك ؟ عليها
وقلت خليني اشاركها مع فراشاتنا ونضحك معاهم ؟
اي مو بس تقرين وتروحين لا نبي سوالفكم انتم بعد اكيد صار لكم مواقف بعد لا يحسد عليها ؟
وانا ان قلتوا لي وتفاعلتم بحط لكم مواقف بعد ؟
حياكم الله مع مواقف العرايس ؟
وحده تقول ان بنت خالتها ..تخيلو بعد ما بدلت ملابسها وجلسو يسلفو وهو طبعآ كان ناويها (فهمتو اكيد خ)
هيه من الفجعه تدرون وش سوت
قرب منها وأعطاها بوسه بخدها
الا هي
من الحياء أغمى عليها فديت قلبها ههه
وما صحيت الا اليوم الثاني ههه
انا موقفي مثل وجهي
يعني حلو ههه
اللي صار ان بعد ما ركبنا السياره بنروح البيت
اخوانه كانوا جدام وانا وياه ورا
المهم كان الوشاح اللي لابسته مغطي وجهي حيل
يعني العربي مختنقة
وانا منقبه
قمت ارفعه شوي شوي
ابي هوا
ابي نفس
المهم الحبيب طاح علي ونزله على وجهي مره ثانية
هالمره بصراحة خفت على المكياج يسيح
رفعته مره ثانية
تدرون شنو سوا ؟؟؟؟؟؟؟؟؟؟؟؟؟
قالي نزليه لا اردج بيت اهلج !!!!!!!!!!!!!!!!

من الخرعه نزلته ولا رفعته لين دشينا الغرفه

كنت متحسفه على تسريحتي وايد حلوه وانا كاشخه بقميص النوم فشكلي اكيد احلى من لما ابطلها وادري شعري راح يوقف من السبريه والبف واللويه وخاصة كانو راح يجيبون لنا العشا يعني وراي قعده وسوالف تو الناس على الفراش فكنت ابي اقعد ابحلتي
بس لما رحت الفراش كل ما انقلبت احس رجلي ينفض الفراش ...شكيت ! لفيت وجهي الا قاعد تطيح مني ماشات صغار وشي منهم امعكفين
وكل ما طاحت ماشه زوجي ينفضها من الفراش يوم شفته قالي شسوي فيج انتي اتخرين ما شات
انقص وجهي..
انا يوم عرسي صج تلعوزت من شعري
اول شي خليته يطلع برا على ما امي لبستني القميص وسنعتني وبعدين اهوو دش
وقالي بروح اتسبح وقلت يالله اهي فرصه عشان ابطل شعري وياليتني ما بطلته
لما طلع من الحمام تكرمون انصدم شاف كشه واقفه وانا ايدي انكسرت وانا افجج فيهم
لول اخر شي صرخت عليه تعال ساعدني لول..
اختي معروفه بالبدليات
لما تزوجت وفي ليلة الدخله قعد يسولف عليها رجلها ويسالها اشرايج بغرفتنا ؟
عاد اختي نطقت وقالت حلوه بس بعيته لول يعني بعيده ( كان بالدور الثالث )
وبدليتها الثانيه واهي توها عروس قالها زوجها شنو تبين من الجمعيه قالت : ابي كرفت !!! قصدها كومفرت لول من النظافه الزايده...
اما انا موقفي
يوم لبست فستان العرس خرب السحاب عاد شوفوا الوهقه !!!
عاد اختي تصرفت وترست بدل السحاب مشابك من فوق لتحت ولما زفوني قعدت ما اتحرك قالي زوجي بدلي !! وانا ساكته
بدلي وانا ساكته ماكو امل ما ادري شقوله وانا متوهقه وآخر شيء قلتله ما اقدر متروس مشابك لول قعد يضحك وانا منحرجه
وقعد طول لليل يفك مشبك مشبك لول

بقول لكم موقف بنت خالتي يوم عرسها
هذي بنت خالتي خبله يعني مانستبعد عليها اي حركات خبال
بليلة عرسها عقب مازفوها ا....
راحت ركضه للحمام وانتوا بكرامه
زوجها استغرب حسباله يعني حصرانه ولا شي خ
المهم
نطر
0دقايق
ربع ساعه
البنت ماطلعت
راح لها عند الباب
يافلانه لايكون فيج شي
واهي ولا كلمه
ويطق الباب وقلبه مختبص
ولا اصرخت
ماني طالعه فاهم ههه
واهي مقفله الباب
قال لها ليش ماتطلعين
اصرخت .. أبي ارد بيتنا
قال لها يعني منتي طالعه
قالت لا ماني طالعه
قال لها اوكي انا اعرف شلون اطلعج
ولا صك عليها ليت الحمام وانتوا بكرامه ههه
اهي خافت واطلعت
ههه

• ****

يالله يابناات شاركوا علشاان اكمل بعد ..