موديلات افحم المصممات والحريم عندنا

مرحبا خواتي
شخباركم
اليوم جايتكم بفكره جديده
واتمنى تفاعلكم
كلنا شايفين هالايام موضة المصممات وما يجي عيد أو زفاف الا وفريناهم
وشوفي الحريم يتشيحطون على بعض فيها
بس صراحه اسعارهم صارت غاليه وصاروا يبالغون
والمشكله اننا ماعدنا نقدر نشوفهم كلهم من كثرهم
ففكرتي انه بما ان العيد قرب
وبما ان عيد الفطر توه خالص
نبي كل وحده تحطلنا صورة بدلتها حقت العيد اللي طاف اللي فصلتها عند مصممه
وممكن ما تكون للعيد تكون قبله بس تكون مميزه وتستاهل
اولا هي ماراح تخسر شي لانها قد البستها وكشخت فيها
وثانيا انه ممكن باقي العضوات ما مروا على هالمصممه ولا شافوها و تعجبهم ويسوون مثلها
خصوصا ان عيد الفطر ماصار له كثير من راح يعني موديل البدله بيكون للحين جديد مو قديم
ولا شوف وحده تقول ما عندي صوره للبدله عاد هالايام كلنا تلفوناتنا كاميرا
علقيها وصوريها وارسليها للكومبيوتر ثم نزليها
وتذكري مثل ما راح تفيدين البنات راح ان شاء الله تستفيدين
يالله يابنات الذوق الراقي
ورونا كشختكم
تحياتي