موسوعة البيت لكل ست بيت شطرة

بسم الله الرحمن الرحيم فى الاول حكتب عن المطبخ والاكل وانا بحب التغيير فى الاكل ملوله بشكل غير طبيعى وربنا اكرمنى بزوجي مبيحبش اكل بايت خالص وفى اول جوازى كانت مشكله لانى فى بيت اهلى اتعودت على الكميه الكبيره بحكم عدد الافراد وكونت برمى اكل زياده يامه جدا لحد ما اتغيرت على ايد حماتى مامتى الله يخليها مش حرغى كتير اهه اللبن بغليه مره واتنين علشان البكتريا الى فيه واسيبه يبرد واجمع الوش واشيله احوش منه فى الفريزر علشان اضربه فى الخلاط مع كوباية ميه سقعه متلجه واحطه على النار واسيحها واعمل سمنه بلدى ومورته والوش كمان بعمل بيه الرز احط الحله واحط معلقتين وش واسيحهم واحط الميه وبكده اكون وفرت السمنه وبيطلع طعمه تحفه والمكرونه بعملها الصلصه فى البيت ولو كلعه كميتها زياده بشيلها فى الفريزر اعمل بيها كشرى مصرى او اعمل بيها مكرونه بالباشاميل خفيفه من غير لحمه وكمان اللحمه بقطعها وبقسمها على حسب الاكل وبشيلها فى الفريزر الى متبل والى متقطع لكباب الحله والبانيه والمفروم ممكن اعصجه واشيله جاهز او اعمله كوفته وبرده على الفريزر انا عارفه كل واحده حتقول الفريزر عندها كام قدم انا تلاجتى 13قدم وربنا مبارك فى الاكل الى فيها الحمد لله والشتاء زى دلوقتى مبنزلش كتير بيبقى الاكل جاهز ومتحضر فى الفريزر حرجع لكم تانى لما اشوف التفاعل والردود