موسوعة الحواجب

مركز تحميل الصور
مسآء السعآده للكل
صآرلي فتره طويله .. أرتب لهذا الموضوع
بتكلم بالتفصيل عن الحواجب .. مابنحكي كيف نشقر ولا احسن منتج إلخ
لأن مو هذا المهم .. المهم على اي اساس بنرسم ونشقر ونعدل !!
شكل الحاجب وهل يناسب تقاسيم وجهك أو لأ .. هاذي الحكايه ولب الموضوع
أهميتهم ثوريه في عالم الجمال
ومع كذا ماشوف إلا تعتيم إعلامي عليه
و الكلام عنه قليل إذا ماكان نادر
بالذات من خبراء التجميل والبرامج الخاصه بالتجميل
كثير جداً يعانون من هالموضوع بالذات اللي ماعندهم حس فني
فيحتاجون يد خبيره تساعدهم وهذا للأسف مو متوفر حتى في أفخم الصالونات هنا
إما تنتظرك أنتي تحددين لها الرسمه وهي تطبقها أو ترسم لك اللي متعوده عليه وتضبطه بغض النظر عن تناسبك أو لأ
تأثير الحواجب على الوجه خطير خطير
ممكن يخلي وجهك دب بزياده كأنك محتاجه تنحفين
ممكن يخلي انفك عريض وبارز
ممكن يخلي عيونك جاحظه
ممكن يلفت الإنتباه لأسوأ عيوب وجهك على الإطلاق
ممكن يصغر جبهتك ويطول وجهك
وممن يعطي إحساس ان جفونك مترهله أو كبيره فالسن
وعشرات التأثيرات اللي تعتبر تأثيرات بصريه ثلاثية الأبعاد
ممكن أنفك يبان بشع جداً وممكن يتحول لأنف نعوم ورقيق من رسمة حاجب للثانيه
والصور بعد شوي بتثبت لكم
وقبل مانبدأ الموضوع بقولكم حاجه صغيره
يمكن الشي الوحيد اللي أخذته من خبراء التجميل على مسوى العالم
هو المقياس الأساسي لرسمة الحاجب
واللي للأسف عام بزياده وممكن ينطبق كمقياس ويكون ناجح وصحيح على ابشع الحواجب
مارآح استعرض لكم صور حواجب بشعه او ناس نص لفه من النت
أخترت لكم مجموعه كبيره من صور مشاهير العالم من الشرق والغرب
عشان أوصل المعلومه بطريقه واضحه مو نظريه لأنهم ع الأغلب
رسموا حواجبهم بيد خبراء ومتخصصين ولكل إنسان نظرته بكل الأحوال
وإختلاف وجهات النظر لايفسد للود قضيه
والجمال ومقاييسه أذواق تختلف من شخص للثاني
ملاحظه :
قراءة الموضوع يبيلها طولة بال .. حاولت أرتب الموضوع على هيئة نقاط مع الصور على قد ما اقدر
بس المشكله انو في صور ينطبق عليها اشياء كثير واضطر ادخل في اكثر من موضوع بنفس النقطه
اتمنى تعذروني بس الله يعلم كيف تعتبت عشان أوصل لكم معلومه مفيده وعمليه
مو استعراض صور وزيادة مواضيع وبس
ببدأ بالمقاييس العامه للحواجب اللي بتلاقونها فأول صفحه من قوقل لو بحثتوا عن أنسب رسمة حواجب
الخطوط الحمراء تدلكم وين لازم يبدأ الحاجب وين لازم ينتهي pb189
الخط رقم 2 هنا .. يدلكم وين لازم يكون مكان زاوية الحاجب في حال كان فيه زاويه
وهنا خطوط أكثر دقه لمكان الحاجب وحجمه المثالي بالنسبه لوجهك
وكمان مو فالحسبان الحاجب اللي ع الموضوه .. أو تفاصيل دقيقه ثانيه زي الي بنحكي عنها
مركز تحميل الصور
هنا بنحكي عن شوية أشياء عامه وبسيطه .. وشوي شوي نبدا ندخل بالتفاصيل
وتترتب أفكاركم
إبعدي عن الحواجب اللي تعطي وجهك تعبير معين !! ( دائم )
مركز تحميل الصور
من اليسار <<<<<
الأولى : رسمة حواجبها تعطي تعبير عن حاله شعوريه ..
مو منطقي تكون ملازمه للوجه 24 \24
لدرجة انك حتى لو كنتي حزينه ماعاد يفرق
لازم يكون شكلهم طبيعي وموقعهم فوق العيون طبيعي
بحيث انو تقدرين توصلين اي تعبير في داخلك
بدون مايتداخل معه تعابير ثانيه سببها حواجبك
الثانيه : رسمة حواجبها تعطي الوجه تعبير يفترض يكون تعبير عضلي للوجه يعبر عن حاله شعوريه معينه ..
لكن يعبر عنها بعضلة الحاجب مو شعر الحاجب
ويفترض يكون لمدة زمنيه قصيره ..
مو نصحى وونام وعلى وجهنا نفس التعبير
اللي ماتدرين صاحبه وش يبي
ا لثالثه : هذا التعبير أسميه التعبير الأبله ..
مو سيء ك شكل أو ك رسمة حاجب
لكن المشكله ان الوجه مو لوحه ..
ومو مطلوب منه يكون جمال صامت
لأنه اكبر آداه في الجسم تعبر عن المشاعر وتتواصل مع العالم
أبداً ماينفع نستخدم شكل الحاجب اللي تكونه العضلا ت
في التعبير عن حاله معينه ونرسم الحاجب على اساسها وتصير حاله شعوريه دائمه
الرابعه : هذا اللوك كثير ناس تحبه اللوك النمري اللوك المتوحش
لوك ينفع عشان توصلين فكره معينه .. ممكن فنانه في فيديو كليب
شخصيه تاريخيه قويه .. شي من هالقبيل بس انسانه حقيقيه يكون هذا لوكها أحسه زي الماسك على الشخصيه الحقيقيه ... ومو حلو ع المدى الطويل
اللي اتذكرهم يسوونه دايما رنا الأبيض .. نورمان أسعد .. لفتره شمس وكمان يارا أول مشوارها كان هذا اللوك اللي تتبعته بعدين راحت لجو النعومه بقوه
تنحيف الحواجب تتخيلين يحسسك بالنظافه والنعومه والترتيب يطيحك في مطب مرتب
دايما الشعر سواء في فروة الراس او في الحواجب او في الرموش دليل شباب وحيويه والعكس صحيح مهما كانت صاحبته جميله والصور بتوريكم الفرق
مركز تحميل الصور
ع اليمين كثير طالعه كبيره فالعمر اعطيها فوق 33 بالراحه
كمان معطي النظره نوع من الجمود وملامح الوجه ككل مافيها شي يجذبك تطالعينه
بينما ع اليسار أختلفت الصوره تماما
نظرة العيون صارت لطيفه .. وتقاسيم الوجه فيها شي ممكن تطالعينه
كل هذا لأنها كثفت حواجبها شوي
تحسين يسوي تناسق في الألوان وتدرجها في الوجه
مركز تحميل الصور
مابين اليمين واليسار فرق عمر مو أقل من عشر سنوات
تأثير الحواجب واضح على رسمة العين ورسمة الوجه وحتى تعبير الوجه نفسه
حتى لون البشره بين الصورتين مره كان نعمه ومره كان نقمه
الحواجب الرفيعه اعطت احساس ان البشره دهنيه وتعبانه ولونها مو محبب مره
أما فاليسار التناقض بين لون الحاجب والبشره أوحى بالشباب والنضاره والصفاء
مركز تحميل الصور
ا لصوره تنطق مو محتاجه كلام
لما عرضت الحاجب .. صار شكلها رآقي بشكل
عظام وجهها حاده ووجهها مساحته كبيره .. يحتاج حاجب عريض يسوي توازن للملامح
اما الصوره بالحاجب الرفيه تحسين حتى وزنها زايد والمسافه مابين العين والحاجب كانت بزياده
مركز تحميل الصور
ملا تغيير على قولة اللبنانيه
أتكلم عن الأنف اللي كان منقار وصار سلة سيف بسبب الحواجب
ولا أتكلم عن الجفون المترهله اللي صارت ناعسه بسبب الحواجب
أحييها صراحه على هالتغيير
مركز تحميل الصور
الصوره تنطق مو محتاجه كلام
لما عرضت الحاجب .. صار شكلها رآقي بشكل
عظام وجهها حاده ووجهها مساحته كبيره .. يحتاج حاجب عريض يسوي توازن للملامح
اما الصوره بالحاجب الرفيه تحسين حتى وزنها زايد والمسافه مابين العين والحاجب كانت بزياده
مركز تحميل الصور
أول تأثير تلاحظونه ... أن الأنف كان حاد جدا وصار جميل جدا
بعد هالمجموعه أتمنى تكونوا استوعبتوا الدرس الثاني
لا للحواجب الرفيعه
إما بتخلي حجم وجهك كبير .. كبيره فالعمر .. ملامحك خشنه أو حاده
وتبرز أصغر عيوب وجهك
وللموضوع تكمله <<<< يالغوالي
الموضوع تكملته الصفحه الثانيه والثالثه <<