موسوعة مكياجي اللي جربته السيء والجيد بالصور تفضلو الجزء الثاني

الأول علبة مكياجي هذي حلوه وخصوصا اللون الوردي فيها تشوفوني شطبت عليه الوردي والازرق بصراحه يهبل يهوس والرصاصي اللي ماخذ ابوه بعد يهبل الاخضر بصراحه مو مره
بصراحه البني والبيج ودرجات استخدمهم احيانا بلاشر خ والله يطلع حلو
الثاني كمان مكياجي
شادو كريمي مره حلو واحس انه يعطيك لوك غربي بالطريقه اللي باقولكم عليها
اول مره اسسي مكياجيك بعدين حطي ظل ومديه بطرقه لانهايه يعني ادمجيه كل شوي ماتخلين له حدود أي لون منهم وردي وسماوي وبحري حمرة الخد بينك
والالوان البني والبيج والاصفر والاورانج حمرة خد مشمشي والروج بعد اما وردي اما لون بيج بعدين ارسمي عينك من تحت باللون اللي تحبيه بدون اسود
مكياجي خ معليش بس من جد مكياجي الوانهم رايقه والله احيانا اسوي مكياج سهره منهم وماحد يصدقني اذا قلت مكياجي
هذي العلبتين روعه للدوام للبيت لطلعاتك فيها الوان تناسب وفيها بلاشر والفراشه الثاني فيه حمرة خد وبودره وروج جايتني هديه من اختي دودي الله لايحرمني منها
ظل للسهرات
هذا شادو ماركة اسمها مكياج والله حلو وشريته بعد ماشفت اللي عطتنا الدوره تستخدمه وتوه جديد لان الاول تكسر علي
نجي هنا للروعه بحق الشادو المخملي مدري ليه بنات كثير مايحبونه انا جاز لي بقوه لانك تقدرين تتحكمين اذا اللون يكون طبيعي او قوي بصراحه هذي الماركه رخيصه والوانها اتعب اقول رائعه رائعه رائعه تحتارين وقت المكياج باللوان لانها كله حلوه وانا استخدمي بصباعي واقولكم بالفرشه انسو يضبط راح ينتثر ولا يتمد وماركة سحر الشرق شريته من محل عادي ومعاه بلاشر (حمرة خد)والله حلوه حيل خوخي ومشمشي وبني ووردي واحمر واللي تبين
النوع الثاني بعد شادو مخملي ماركة مكياج حلو حلو حلو وسعره رخيص لا ماركة ولا خرابيط والله اني شريت بجهازي ايام العرس ماركات وماستفدت شي عطت خواتي ومافي فرق بيني وبين مكياجهم والالوان طبي وتخيري
ملاحظه :الشدو المخملي رائع اذا جيتي حطيتي اسفل مدمع العين اضاءه فضي او ذهبي كمان رائع اذا بغيتي ترسمي خط تحت الكحل اللون يجي مره قوي وسري الصغير اني اخذ اللون الفضي منه واوزعه فوق الكونسيلر تحت العين يعطيك اضاءه رائعه وينور مايبهت اللون
هذا الشادو ماركة كانيبو مره حلوه هذي الماركه تلاقي ظلال بعلب صغيره للشنطه واخترت هذا مره حلو
هي ثلاث الوان اذا توفرت لك ماتحتاجين غيرهم
خوخي وردي احمر بصراحه احيانا استخدم الظل بلاشر خ وماشي معاي بلا كثرة بلاشر
الاول كازنوفا داخله ثلاث الوان برتقالي وردي احمر رائع ورخيص
الثاني مشمشي من مكياجي
الثالث وردي قوي من محلات رخيصه مادري وش اسم الماركه
الثالث نكتار الوانه قويه وحلوه مره مره مره
ظلال تفك ازمه
هذي اقلام ظلال وانا مو بس استخدمهم ظل استخدم قلم جوا العين او تحت العين وظل واذا اللون مناسب روج خ ماركة جسيكا رخيصه وباي مكان تلاقيها
المسكارا
من اليمين نيفيا روعه روعه روعه الاسود والكحلي مره حلوين وسعرهم معقول
الثانيه سان لوران مافي فرق بينها وبين نيفيا الاا السعر سان لوران بحدود الميه وفيها ريحة حلوه بس
الثالثه نيفيا لون كحلي
الثالثه مكياجي حلوه فيها ابيض واسود
الرابعه بودي شوب هي اصلا للحاجب وتثبته بس تنفع مسكارا شفافه
الخامسه والسادسه ماكس فاكتور خياسه خياسه بالنسبه لعيني احطها ونص ساعه تصير العين تدمع وتعور جربت اول مره اسود قلت يمكن سوء تخزين او عيني تعبانه رجعت شريت بني بس نفس الشي
السادسه ماركه عاديه حلوه
على فكره المسكارا ماراح تفرق ماركه او غير ماركه وانا جربت الاثنين مافي فرق
الروج
حاولت ارسم لكم اللون عشان يطلع لكم صح بس للاسف خاني التصوير
الاول من اليمين واحد منحاش هو لون برتقالي رائع ماركة كزنوفا اللي بعده لون لحمي رائع من فور ايفر اللي بعده احمر ماركة عاديه احمر صارخ اللي بعده ماركة كزنوفا لون لحمي رائع اللي بعده فوشيا من نيفيا اللي بعده لون اورانج على وردي من برجواز رائع اللي بعده موف مع لامع من بودي شوب رائع اللي بعده فوشيا من مكياجي كمان رائع اللي تحتهم اورانج من نيفيا رائع وموف من ماركة عاديه تقريبا كلهم سعرها بين 15- 30 ماعدا فور ايفر ب90 ريال تقريبا
القلوس
الاول من اليمين موف من ماركة عاديه ورخيص وحلواللي بعده من ديور غالي على قل سنع مافي فرق بينه وبين الباقي اللي بعده ماركة افون لحمي حلو الاثنين اللي بعده فوشيا ووردي ماركة vovرائعه بصراحه اللي بعده فور ايفر مره حلو لونه فوشيا مطفي بس جميل جدا ويعطي للشفه منظر مره حلو اللي بعده والله ماعرف وش الماركه مره حلو والباقي كلهم ماركات جدا عادي بس جدا حلو بصراحه مافي فرق بينهم وبين الماركات
نكمل
الوردي وتدرجاته من مكياجي حلو مره للي مايثبت لهم حطي على شفايفك كريم اساس ويثبت معاك واللي فوقه كمان مكياجي شريت منهم كثير وعطوني هذا هديه الاحمر ررائع الثالث موف من افون مدري ليه يألمني اذا حطيته يقولون ينفخ الشفايف مؤقت بس اخرطي شفايفي ماحولك احد اللون حلو
قلوسات كلها ماركات عاديه من الصوره بتعرفون انها باي محل مكياج ورائعه
الاثنين من اليسار مكياجي لون اورانج مطفي مره حلوه
والعذر ماكتبت ارقام الارواج والقلوسات تعبت بس اي شي تبونه حاضره لكم
هذا والحمد لله اللي سهل لي انزل لكم الاشياء ومابي منكم غير تدعون لي بالخير والتوفيق موفقين الجميع

كيف نتقن رسم الكحل بما انك انتي اخذتي دوره وفشلتي وتعلمتي بنفسك ياليت تعلميني كيف

الله يجزاك خير ويوفقك
جهد تشكرين عليه

مره نايس
جهد تشكرين عليه الصراحه

موضوع روعه وفعلا قريت واستفدت
وماسكارا انا تناسبني ماكس فكتور
غريبهماناسبتك

الله يوفقك دنيا وآخره
والوجه تقريباً يعتبر لوحة فنان تحتاج منا بعض التناسب فالألوان والاتقان
وعجبني موضوعك من جد احييك على هذا الجهد

غربتي صعبه ماعليش
علبة الشادو الأخيره وش ماركتها؟؟

بنت الامير
انا قلتلك بالممارسه يعني انا ارسم بعيني وااذا ماضبط اسمح وهكذا الين تعلمت

قموره بنت قمر القمري
وياك ياعسل العفو ماسويت شي