موضوع جونان

1. وانا الله لايوريكم حسيت اني بأولد من كثر الضحك

السلام عليكن<< من اولها فصحى..
ازيكو ياحلوات يا..أمرات..
الموهيم ما ابغى اطول لاني ما اعرف اسرد مقدمات لاني انا دغري وما عندي لف ودوران<< اخلصي علينا
الموهيم<< مو كأنك قلتيها عشر طعش مره..
بنات تبو الجد الجد انا جايبه لكم موضوع << لا بالله تتكلمي جد انتي..
موضوعي عباره عن موضوع خاص فقط للمتزوجات او المملكات او المخطوبات<< ماخليتي احد
وطبعا مانمانع من دخول البنيات القمورات عشان يضحكوا علينا..
الموضوع هو انه جاتني رساله على الايميل وهي عباره عن مواقف مضحكه للمتزوجات..
ايش يعني>> يعني انه وحده جت تبي تسوي رومانسيه وتوهقت وانقلبت كل القصه عليها<< فهمتوا شي؟؟ لاني انا لما قريت اللي كتبت صرت ماني فاهمه..
طيب عشان توضح الصوره رح اديكم كم مثال من الرساله اللي جتني على الايميل..
7
7
7
7
هذي وحده تقول توني جايه من عزيمه وهلكانه ادور الفراش حطيت راسي على المخده ونمت
وزوجي كان جالس على النت عندي المهم
تقول مادري شا يفه حلم مادري كابوس بس والله ما ذكره
ماذكر الاشئ واحد قمت من النوم وصرخت صرخه مفجوعه واقول النا اار
واطمر من على السرير بطلع من الغرفه وزوجي كان جالس يوم شافني صرخت
قام طمر هو بعد ويركض معي ونتحاشر انا وياه عند الباب لان بابي مايفتح كله
وانا اصرخ بطلع وهو يقولي وخري بطلع
منحاش معي ههه
المهم يوم طلعنا وقفنا عند الباب وقالي هيه وش فيك
قلت هاه مدري ودخلت وحطيت راسي وكملت نومي
وهو انسدت نفسه من النت ونام
ههه
وحده تقول في يوم من الايام حبيت افاجئ زوجي واسوي له مفجاءه
شريت الاضاءه الي ترشينها على جدران الغرفه كلها وتعطي جو خيال هذى بتصوري ما دريت انه بينقلب علي
الموهم تقول انتظرت زوجي لين ينام وبعد مده بسيطه نام لانه كان جاي تعبان حيل
مسكت الانوار وكسرتها ووزعتها على كل جدران الغرفه كلها ومن فوق بعد
صارت الغرفه كنها فضاء..و رحت تكشخت وصرت انا دي عليه بصوت رومنسي وهادي
ابيه يصحى بدى يفتح عينه شوي شوي وانا مبسوطه وشاقه الخشه بعد من الوناسه
وفجاءه الرجال نقز من السرير ويصرخ استغفر الله استغفر الله وانا مدري وش السالفه
الموهم وصل عند باب الغرفه وسجد وانا متنحه مادري وش السالفه رحت له وقلت له فلان
وش فيك قال القيامه القيامه...
طلع الرجال صحته الحرمه وشاف الفضاء على باله انا جدران بيته طاحت والنجوم والكواكب بدت تطيح عليه خش جو ههه
قالت له انا حبيت اسوي لك مفاجاه قال بلا مفاجات بلا خربيط
صارت رده فعله قويه وزعل علي ساعات بسيطه
وما قدر ينام الا والنور يشتغل الله لايعيدها من فكره لا قدرت انام عشان النور
ولا فيه سهره بعد ههه
بس من جد مو قف كل ما ذكرته قلت له القيامه هاه ههه
وهذي وحده ثانيه تقول..
وانا حامل ونزلت ادور فستان علشان شبكة اختي دخلنا المحل الا وذاك العامل المهوي ويساله زوجي فيه ملابس حمل ؟
العامل\حق نساء ؟
زوجي \لا حقي انا وانت

وانا الله لايوريكم حسيت اني بأولد من كثر الضحك

هاه ان شاء الله تكونوا فهموتوا الفكره.. عاد انا قلت الموضوع حلوا ففكرت اني اروح ادور مواقف كمان عشان انزل لكم موضع ونضحك .. فقلت ليش العناء.. نزلي الموضوع للفراشات الحبوبات ويكتوبوا مواقفهم وليش نروح لبعيد..
فأنا اطلب منكم الحين انك اذا عندك موقف كل ماتذكرتيه ضحكتي اسدحيه لنا هنا عشان نضحك معاك..
انا الصراحه الصراحه الى الان ماصار لي موقف لاني ماني مطوله من تزوجت يعني باقي عروس..
لكن اذا صار تفاعل للموضوع رح انزل اول موقف يصير لي<< بعيد الشر
وبس
شكرا لكم واتمنى اتمنى اتمنى من كل قلبي اني الاقي تفاعل حلو ومواقف كثيره ..
سنكيو..
الموضوع اول مانزلته كنت ابي انزله هنا في نادي الفراشه وبلغلط نزلته في ملتقى الفراشات.. وبما اني احبكم ياحقون نادي الفراشه رجعت نقلته لكم مره ثانيه هنا..
تقبلوا تحياتي

• دلع*