موضوع خطير ابي تفاعلكم

اكيد فيه مثل هالاشكاليات وفي ناس متمسكه بالعادات والتقاليد مثلا الاب بيخطب ولده لبنت عمه بدون مايدري وبدون موافقه الابن والنتيجه ممكن الولد يكمل الزواج ووممكن يرفض واكيد بعد الزواج بيتغير بيتعلق في زوجته ومن هالكلام
اتمنى اكون افدتك ياغلاي

شكرا عالافادة
و نتمنى تفاعل البقيه

تخيلي !! فيه لحد دحين
أخو صحبتي انغصب علي بنت عمه غصب
والولد مايبغي لا يتزوجها ولا يتزوج غيرها .. كانت أخته تقولي أنه دايمآ يقول
"رحم الله إمرء عرف قدر نفسه انا مو حق مسؤوليه"
وللآسف الاب راح وكلم "أخوه" الي هو ابو البنت
وحددو موعد الملكه والولد مايدري ..
وجاه بلغه قبلها بيومين ان يجهز حاله ويضبط نفسه لأن ملكته بعد يومين
اكتر شئ استغربته ردت فعله ؟؟
افتكرت انه راح ينهار ويقول فين و متي و كيف .. بس ولا شئ
رد قال طيب ..
سألتها يعني الحمدلله انبسط ؟
قالتلي قال .. انا مو دافع شئ من جيبي والي يصير خليه يصير
ملكته كانت اليوم
والله وحده الي عالم ايش الي راح يصير بعد كدا !!
:
:
والي أذكره كمان
وحده صحبتي اتزوجت من رجال من اول اسبوع لاحظت اول مايدق جواله يدخل الغرفه ويقفل علي نفسه
ويخرج كثير من البيت ومايرجع الا وقت مايبغي ينام
وماهو طايق يشوفها قدامه !!
وهيا كانت تصبر نفسها وتقول ماتعود عليا لسه ؟؟ يمكن شغله مهمه ومستحي يزعجني فيها ؟؟
وبعد شهر واحد
قالها يابنت الناس تري انا أمي غصبتني عليكي
وانا أحب وحده ولما قلت لامي تروح وتخطبها .. عصبت .. واجبرتني ع الزواج منك
قالتله اعطي فرصه لزواجنا انت حتي مالحقت تعرفني
أيش راح أقول لأهلي والناس الي لدحين بيتكلمو عن فرحي ويهنوني
قالها يابنت الناس ماقدر اغشك مو متخيل نفسي معاكي ..
واتطلقت
سبحان الله صحبتي ربي عوضها برجال حاطها فوق راسه
وهو لحد دحين ماتزوج لا الي يحبها ولا غيرها
لانه راح يخطب الي يحبها لقاها اتخطبت لواحد أحسن منه وأكيد مارفضتو واتزوجت
سبحان الله
وفي كتير قصص سمعتها بس ماتحضرني التفاصيل
ماقدر احكم واقولك ان كل الزواجات بالطريقه هادي فاشله وان الحياه بعد الزواج راح تكون جحيم !!
ممكن يتعايش مع الوضع الي انحط فيه
خصوصآ أذا ماكنا فيه أحد بحياته .. اقصد كان يحب وحده
ولما يحس بشعور حلو بعد الزواج .. وتنسيه هو كيف اتزوجها
راح يكون الوضع مختلف
وارجع أقول كل شئ في الدنيا نصيب
شكرآ أختي ع الموضوع
وربي يكتبلك يا أختي الخير فين ماكنتي

..
أتكرر الموضوع
مادري ايش المشكله ؟
:(

..
أتكرر الموضوع
مادري ايش المشكله ؟
:(

الله المستعان
عادي كثير فالمجتمع كذه طبعهم

بعضهم يتزوجها مغصوب عليها بس مع العشره ما يقدر يفارقها
و يحبها بجنون و بعضهم يكنون ضحيه و يقع الطلاق
حسبي الله و نعم الوكيل
الله يهدي الاباء

اعرف واحد بس ابوه كان يعرض عليه مو يفرض عليه
انه يتزوج بنت عم ابوه
العروس تصير بنت عم الاب وكان يبي يتزوججها ولما رفضته قال لولده وش رآيك تاخذها
عاد مدري وش صار بعدها

مشكورين خواتي عالردود
توته الهلوبه
صدق قصص ماتخطر عالبال ولا تصدق كانها من المسلسلات !!
يعني مستحيل تصير! يعني تخيلي الواحد حياته فيلم و هو كان انسان عادي ، فجاة صار بطل الفيلم خ
انا قصدي اذا كان في وحدة بحياة الشخص هذا ، و زوجته نفترض كانت جميله !
هل ممكن الجمال ياثر بالموضوع ؟؟؟
او ممكن يقتنع بزوجته بالرغم من وجود اخرى بحياته هل بيستحمل الضغط !