موضوع ضد غلاء الأسعار بوريكم أشياء حق المكياج شعر بشره الي اقل من 50ريال

1. أول شي ((البشره))

هلأ بنات شلونكم شخباركم عسى بخير سوري بس ترى انشالله ماراح اقدر اكون متواجده واايد بالمنتدى هل أيام فحبيت اسويلكم هديه مني حقكم -----
أول شي بسألكم سؤال جم وحده فيكم قطت فلوس و خسرت نص معاشها عشان شغله اخر شي طلعت خربوطيه؟؟؟ طبعا انا اول وحده لول , لا و الي يقهروني بعد الي تشتري و تكود بكبتها ((بعرف ليش يعني ؟؟؟؟)) شريتهيم استفيدي منهم ؟؟؟ لا و الي تقث بعد لا ماابي اتعلم احط مكياج ماابي اسوي شعري ماابي كذا و كذا لانه مو نظامي ((شنو مو نظامج انتي انثى فهمي يا بنت انثى كل انثى طبيعيا طبيعا طبيعا لازم يكون عندها شعور انها تبي تصير حلوة , فلاتخافين جربي و جربي و جربي عشان تتعلمين و قطي على نفسج كل معاشج و معاش ريلج اكيد تستاهلين ((و انا اقولج ياها بصوت عالي انت مسلمه ؟؟؟((بمعنى الكلمه طبعا)) و عايشة بالكيوت)) خلاص اكيد ماعليج قاصر خلاص اهتمي بروحج ترى مافي احد مايحب الجمال((الله جميل يحب الجمال)) و ترى ماكو ريال مايهتم بالشكل ((اخذيها 100% مني عيارين)) و ترى حتى المره راح تفرق معاها اذا كانت رفيجتها او بنتها حلوة نظيفه مرتبه مو كشه و الصبغه نازلة و ويها مصدي ....
سوري ادري طولت بس والله هل كلام كان بخااطري من زمان , وللامانه انا اكثر وحده جربت اشياء بالمكياج و الشعر ((خبره 100%)) والحين بحطلكم موضوعي الاشياء الزينة حييل الي اقل او بخمسه, اما البشره لا ماجربت وايد بس بحطلكم الاشياء الي عجبوني حييل ((لامانه الاشياء الي الحين بحطها مو كلها استخدمها ((الحين))لانه عندي اشياء الحين فوق الخمسه فاحطلكم ياها بموضوع ثاني و أبيكم تشاركوني و الاشياء الي بحطها الحين مجربه 100% مني :

أول شي ((البشره))

في 3 انواع بشرات ضروري انج تعرفين نوع بشرتج((دهنيه-جافه-مختلطه الي تكون فيها مناطق جافه و دهنيه بنفس الوقت)) يقولون انه احسن البشرات الدهنيه لانه التجاعيد ماراح تطلع عليها مبجر ((بالنسبه لي اقول الجافه )) لاني بشرتي دهنيه و اهي اكثر وحده معرضه للحبوب:
1-الغسول
نايتروجينا واايد حلو حق البشره الدهنيه و شعره مو اكثر من 3 دنانير
2-الغسول + قناع
لما احطه كغسول واايد حلو بس كماسك لأ لانه بشرتي حساسه ((ترى هذوا زينين بس اكيد في احسن منهم انا الحين استخدم ماركة كلينك واايد حلوة الي تيي كغسوول و مرطب و درنك))
3-صابونة البابايا
واايد زينة نفعت معااي حيل بس انا احطها و انطر دقيقه او اقل مااطول فيها لانه كما قلت بشرتي حساسه
4-المقشر ((اله على اللغه العربية الفصيحه تصدقون اول مرة اقول مقشر انا كله اقول سكرب لول))
ترى وايد زينة هل ماركة و رخيصه بعد , وايد وايد زين
5-مقشر نايتروجينا
هما وايد حلو و ترى اسعارهم رخيصه
6-فازلين الجاي
هذا غرامي احطه على ريولي((مسمار اللحم ذبحني )) و البس دلاق و انام لول لاتشوفون شكثر احط
7-لوشين او كريم فازلين
وايد حلويين انا شريت الابيض+الاصفر بس الاصفر احلى ريحه ومادري احلى ككل ((هذا كل مااطلع احطه بجنطتي اتمشى
بناات انا بنام باجر اكمل البشره+المكيااج+العشر اانشالله بلييز لاتردون لول