موضوع فيه سعادتك إذا تحمستي ونشرتي الفكرة

حبيباتي الفراشات السلام عليكم
في موضوع وايد مهم لكل انثى في اي بيت في اي مكان بس نحن في الخليج نعاني اكثر واللي تبغي ماتتعرض لنفس المشكلة لازم تساهم في نشر هالقضية حتى نشوف لها حل,,, لانها طالت وشمخت...
القضية هي غياب الرجل والمشكلة أنها تزيد
في كل بيت نلاقي ان الحرمة تقوم بكل شي بنفسها حتى يكبرون عيالها ويبدون يساعدونها ,,,, وهذا يعني ان الأب والزوج مطنش من اول الزواج وحتى يصيرون الأولاد في عمر مايحتاجونه
إذا طلبت منه الزوجة يجلس معاها تحجج بالشغل:(تبغيني أترك شغلي واجابلك؟) أعنبوه هالشغل هو ليل ونهار؟؟؟؟ . وفي الإجازات مع الربع او عند الأهل او يتحجج ان في شغل عنده بعد,,, او مسافر حق شغل.
إذا طلبت منه ياخذ العيال المدرسة : انا عندي شغل اليوم خذيهم انتي ,, وكل يوم هالسالفة حتى تمل الزوجة وخلاص تسلم ان هاذي مهمتها.
إذا عيادة نفس الشي ,, السوق بعد كذلك ,, وإذا تكرم كل شهر مره وحده وخذها لمكان .. طلع عين اللي خلفوها وهو طالع معها وحتى يرجعها ,, أف طولتي,, يالله خلصي ,, انا مااحب الأسواق أبسرعة خلصي وردي( يمكن يجلس في السيارة أو يوقف برع المحل) ,,, ونسى الأخ أن هاذي الإنسانه طوال أيام الأسبوع تكافح بروحها عشان هو ياخذ راحته برع,, ويمكن يروح السوق مع اي حد ثاني ويكون الموضوع على قلبه مثل العسل,, بس اللي حملت عنه المسؤوليات في السوق تصير ثقيلة وكانها مالها كيان ولا إحساس ولا رغبة ان يكون معاها زوج طالع معها وهو في غاية السعادة أن هي معاه(كأن الله خلقه ماخلق غيره_ بس عشان بنات الناس لما يصيرن زوجات يرخصن وغيرهن من الدون والسفله برع البيت لهن الأحترام وكانه خادم جدامها)مايدري أن سيد الأولين والآخرين كان خادم لبيته وكان أخير الناس مع اهله قبل لا يكون مع غيرهم.اللهم صلي عليه وسلم تسليما كثيرا.
المهم اخواتي في كل دولة الجهات المسؤولة تنظم مؤتمرات ومحاضرات ودورات لتثقيف الرجال ولمعرفة أسباب غيابهم عن بيوتهم والمدارس وعن تربية العيال اللي تركوها على الامهات,,, لكن المصيبة في تلك الفعاليات مانلاقي الرجال موجودين بس المحاضرين والناس اللي يشتغلون في ذاك المكان..
عشان كذه كل وحده تبغي تعيش سعيده ومايصير لها اللي صار لأمها واللي حرمها من أبوها لازم نحط حلول ومقترحات لجذب الرجال لبيوتهم وأساليب توصل لهم معلومات أن التربية مسؤوليتهم والتسوق مسؤليتهم والمشاركة في حضور مجالس الآباء ضرورة قصوى,, والجلوس مع الأسرة كل يوم واجب جميل لازم يكون فيه التسالي والفرفشة ,, المهم برجع اكمل معاكن إذا شاركتن معاي حتى يرجعون الأزواج والأخوة والآباء مثل ماكانوا آبائنا واجدادنا اول,,, غريبة ان الأميين قديما كانوا يعرفون الأصول ويتحملون المسؤولية واليوم المتعلمين يتنصلون ,, ولا يعجبهم يحضرون الفعاليات اللي بتساعدهم عشان يعيشون سعداء(عيب مايصير)
أنتظركم اهنيه.,,, دعوه للجميع.