موضوعي معقد شورو عليا ايش اسوي و ادعلي عشان ربي يوفقكم في حياتكم الزوجية

كيف حالكم يا حلوات حأدخل في الموضوع مباشرة و ما أطول عليكم
أنا متزوجة من خمس سنين تقريبا طبعا جلسنا أنا و زوجي أربع سنين ما خلفنا و كانت المشكلة منو صبرت و اتحملت و طول هذي الفترة كان يتعالج و الحمد لله حملت بعد أربع سنين و الآن عندي بنت الله يحفظها و يحميها عمرها خمسة شهور
دوبي بدأت أحس بالاستقرار في حياتي الزوجية جاني زوجي و قالي أنا أتزوجت عليكي و انتي حامل وحدة اجنبية و انا الآن طلقتها و سفرتها من اربع شهور و ما جلست معاها غير شهرين و المشكلة تكمن في أن هذي الاجنبية حامل طبعا انا على طول زعلت و رحت بيت اهلي هوا صار زي المجنون بس يرسلي رسايل جوال و يقلي انا ما اقدر ابعد عنك ما جلست عند اهلي غير اربع ايام و رجعت عشان بنتي و الان بيساومني عشان يرجع الحرمة الثانية عشان طفلو يتربى امام عينو و انا هذا الشي الوحيد اللي ما اقدر عليه و خيرتو بيني و بينها قلي حرام ما يجوز اظلمها و اظلم طفلي شوفو الوقاحة اللي هوا فيها رافعلي ضغطي قولولي ايش اسوي لو انتو مكاني ايش تسوو لا سمح الله و ابغا كل وحدة فيكم تدعيلي عشان ربي يوفقها في حياتها الزوجية