موقف صار اليوم طازه بس ابغا رأيكم بصراحه

السلام عليكم ورحمة الله وبركاته
كل عام وانتم بخير
وعيدكم مبارك
بدخل بالموضوع على طوول
هاذا ياحبيباتي موقف صار اليووم
قلت اخذ رايكم فيه بصراحه
لانكم عنصر محايد ممكن تنظرون للموضوع بنظرة اخرى
اليوم كنا متجمعين بالاستراحه
وعشا وهيصه
الجمعه كانت عايليه مافيها احد من برا
الموهم بعد العشا اختي ومرت اخوي __ الي هي كمان اخت زوجي واحنا بنات خالات __
يقصصون الحلا ويوزعون بصحون وانا اباشر للحضور
الا نسمع صوت طراخ
كان ولد اخوي داخل بسرعه شارد من اخوي الصغير لانه بيضربه وسمعنا صوت خصاام
ولد اخوي دخل عندنا واخوي برا وكان يلطلط بصوته
قالت امي خير وراحت تشوفه طلع ولد اخوي ضااربه كف على وجهه وخده احمر
مرة اخوي دخلت ولدها غرفه وراحت جابت التاني وجلست شوي
احنا قلنا عادي بزران يتضاربون عادي
اتاريها عصبت واتصلت على اخوي يجي ياخد عيااله
ولما جا قالها طلعيهم مرت على اخوي ويقول مسحتبي البلاط هزئتني تهزيء واخوي ماسك عياله ويطالع ساكت وذا الي يقهر.. واحنا ماندري لا امي ولا احد كان موجود كلنا كنا لااهين
ورجعت عندنا عادي بس متجنبتنا شوي كنا ساعتها دق ورقص
بعد شويتين لما سكتنا
وهي دخلت تغير لبنتها
الا اخوي عند الباب واتاريه ميت صياح وبكا منهار من بعد التهزيئه الي هزئته مره وزوجها يطالع
الموهم اترجا امي عشان يدخل بس بيقولها شي
كان هنا وقتها بعض الموجودين مشيوو
مرة عمي وبتها ووحده من خالاتي وصحبت اختي وجدتي كلهم راحو
الا اخوي دخل وقالها فلانه بس باقولك الله يسامحك انا ماسويت شي والله ورب النعمه ورب الكعبه ما سويت شي لولدك
هو الي ضربني وبس
وراح البيت
هي اتصلت لى زوجها وراحت اتعدت من وسطنا لابسه عباتها ومغطيه وجها امي تقولها بدري تو النااس ماردت على امي
طلعت وراها جدتي الي هي جدتها قالت يابنتي بوقلك شي
هي قالت جده لاتكلميني سيبيني
ومشت
امي راحت وراهم بتعطي الشغاله شي
الا اخوي برا وقالها ولدك دا يمكن تجين البيت ما تلاقيه تلاقيني ذابحه
ليش يدخل عن الحريم ويرفع صوته عليها
وبس اخوي رجع الاستراحه ما جلس بالبيت (( خايف هه )) رجعلنا مع اخوي التاني عشان ياخدنا بالسيارة
طبعا انا ابغا رايكم هل احنا غلطنا في حقها وكرامتها وكلام زي كدا والا كبرت وهي صغيرة
طبعا انتم نظرتكم غير لان منكم من راح تكون مكانها
انا ماقدرت احط نفسي مكانها الني ما عندي اولاد مو مجربه
وما عندي حمواات كثير غير هي وحيده خالتي
بس قبل كدا راح اقولكم بعض المعلومات المسااعده
زوجت اخوي دي عصبيه وهي كدا طبعها وزعول درجه أولى
تانيا متحكمه جدا ومسيطره جدا جدا على اخوي بشهادة الجميع
والكل حاس بدا الشي
حتى الي من براا
في مواقف طثير صارت تثبت دا الشي
وممكن يبديها على اهلي وامي وابوي
ويجي يقول لابوي مثلا والله يا ابوي لو ما اسوي كدا تنكد علي عيشتي وتصير مطنشتني ولا تتهم بشي
لين ما يسوي الي تبغاه
ودا كلامه هو وتغير من حتى اخوي واولاد اخواتي ادا اشتروو شي تخلي اخوي يجيب زيه لاولادها غصب
.. نقطه اخرى ولدها رايح صف رابع
واخوي رايح اول متوسط وما تغطي منه لسا صغير او ممكن نقول ببدايت المراهقه وانتم ادرا ومن طبعه ماقد مد يده على احد بالعكس لايروح ولايجي دايم بالبيت
بس ما يعصب الا على الكبير ولما يعصب خذ منه كلام كبير اول شي
يعني ما عصب الا من بعد ما عطاه الكف..
يالله الحين قولو شو رايكم
؟؟
بكل صراحه وايش تتوقعون يصير بكره
عنا احنا نتوقع بكره اخوي يجي لابوي ويسويها مصيبه
وبعدها يجي ياخدها ويخرجها برا يروحو مكه جده الطايف ابها اي شي
ماتجلس ببيتها
كمان انا موقفي جد حساس اخاف لاجات عند خالتي اسمع كلام او شي
ويكون بعلمكم دوم تقولي يابخت امي تحبك مو زي امك ما تحبني
انا احسدك !!
وكل ماصار شي تقول اصلا انتو ماتحبوني
اساسا انا ماكني مرة اخوكم
طبعا الكلام دا تقوله لي بس
وبس عارفه والله اني طولت عليكم جدا
بس ابغا ردودكم الله يسعدكم..