موقف محرج جدا جدا ويفشل تعالو واسوني يابنات

السلام عليكم ورحمة الله وبركاته كيفكم يافراشات اشتقت لكم مره مره الله لايحرمني منكم
ودي اشارك معكم كثير بس انتو عارفين ظروفي وزوجي مايخليني ويطلع له مية شيطان اذا شاف الكمبيزتر معاي الله يعين ومع الحمل والتعب صار الوضع صعب شوي ههه قصيت عليكم قصة حياتي
يابنات انا صار لي موقف جدا يفشل ومحرج ماني عارفه كيف ابداه احس اني منحرجه مره مره المهم بقصه عليكم اليوم الظهر وقبل آذان العصر بشوي كنت جالسه مع خالتي ام زوجي في الصاله وكان زوجي نايم في الغرفه (اكيد نايم في الغرفه اجل بينام فوق السطح) المهم قالت خالتي لي روحي صحي زوجك للصلاه الحين بيأذن طبعا خالتي متشدده جدا في موضوع الصلاه الله يجزاها خير فقلت لها ياخاله انا تعبت من ولدك مايصحى نومه ثقيل ثقيل لو اجيب عنده دبابات ومدافع ماصحى طفشت منه لا واذا قام يهاوش وينفخ علي ليه ماصحتيني انا ماراح اصحيه روحي صحيه انتي ياخاله اكيد اذا شاف عصاتك بيخاف ويصحى على طول ( ياجماعه امزح امزح ) ماقصدي شي وقمت رحت للمطبخ وكانت الشغاله موجوده دخلت شوي بعدين طلعت ورحت له في الغرفه طبعا خالتي ماطالعتني وانا رايحه للغرفه دخلت عليه لقيت الاخ صاحي وجالس ينتظرني على السرير ....وانتو ادرى بالباقي طبعا في هذه الاثناء اذن العصر وخالتي في الصاله تتنتظر ولدها يطلع يصلي وتنتظر وتنتظر ماطلع...الا هي فكرت اني مازلت في المطبخ واني مارحت اصحيه قامت الله يهديها ..وجات .. بعصاها .. وهي متحمسه تصحي ولدها لاتفوته الصلاه وتفتح الباب بكل اندفاع ياويلي ماحسيت الا خالتي داخله علينا وسط الغرفه ومعصبه وهي بطبعها حاره مره ياه ماتتخيلون الموقف جدا صعب تخيلو شافت كل شي كل شي وانا تجمدت وتذكرت اني ماقفلت الباب وهي لاطقت الباب ولاحاجه مفكره اني في المطبخ وولدها لحاله في الغرفه والله اني تفشلت مره مره وانحرجت تمنيت الارض تنشق وتبلعبي قمة الاحراج ماقدر اوصف شعوري وهي شافت المنظر وطلعت مباشره وزوجي ولاهمه ولاكأنه صار شي وانا من القهر جلست ابكي وهو جلس يضحك علي وطلع يصلي المشكله انا اللحين احس مالي وجه اقابل خالتي منحرجه منها ومستحيه حتى العشاء ماتعشيت معاها ولا انا قادره احط عيني بعينها كل ما اتخيل الموقف اخجل من نفسي والمشكله زوجي ولا هامه وجالس يسولف معاهاولاكأنه صار شي لاوبعد يهاوشني يقول ليه ماتجلسي معانا قلتله قام يضحك وقال ياه الى الان انتي ذاكره انتي تحبي تكبري المواضيع ليه امي مو عارفه انك زوجتي وكيف صار الحمل ياشاطره لاسلكي وجلس يضحك قهر مايهمه شي وقال خلي منك الوسواس الزايد تلاقينها هي نست الي صار قلت هذا شي ماينسي انت مشاء الله عليك ماتستحي قال انا ماسويت حرام علشان استحي منه وطلع بجد يابنات انا ماني قادره انسى ولاقادره اطالعها او اكلمها احراج احس مدري بأيش احس ساعدوني كيف اطلع من هذه العقده واسوني سبق ان صار لكم مثل كذا وكيف نسيتو وكيف عدى الموقف احس حتى ماني قادره انام بس اتخيل اللي صار ياربي ويش اسوي ايش الحل ياليتني مثل زوجي ماهمه شي كان ارتحت ادري طولت عليكم بس من اللي فيني انتظر ردودكم