موقف مسدوح للي يتفرج واشوف بس مرة راح يعجبكم

1. المهم


2. طيب الحكاية ما خلصت للحين


3. اشرايكم بالي سوته ولا مرا كفو والله هذا الي يبيلهم


4. ليش لان السالفة ما اخلصت اقولكم حلوة حلوة

وصلني ايميل من صديقتي ووايد عجبني ، والله يا ريت كل وحده تصير في موقفتها اتسوي مثلها وتتسخر الظروف في مصلحتها بهذي الطريقة

المهم

كان في مرا اشحلااتها تشتغل المسكينة واتعبتب حالها حال ريلها في مصاريف البيت ولعيال والبناي وكانت بالاضافة إلى تربية اليهال واعمال البيت تشتغل برع وتصرف على البيت .
وطبعا البنيان غالي والحمدلله اشوي اشوي قدروا يبنون البيت دورين واهي مستانسة على الدور الفوقي وطبعا تحلم حالها حال اي زوجة ان هذي الغرفة جذي راح اتكون ، وهذي بنسوية جذيه وبنييب اثاث جذيه و و و الخ .............
الين ما تشوف الزوج لا صاك الدور الفوقاني واقولها خلاص هذا لي ، ليش يا الاخو اشصاير ، الاخ وبكل وقاحة : بيتزوج واقولها الدور التحتي لج لانك القديمة والدور الفوقاني حقي لان يديد بتزوج فيه وبييب مرا يديدة ، وطبعا الجلاد اصر القرار بكل سهولة
والمرا الشقيانه حالها حاله اهي الي تعاني بس بس المرا هذي مكسورة الخاطر اسبتسوي يعني مدام قال ومصر ما في فايدة ، طبعا اهي حاولت خلااص الريال امعنت يه يبي اغير يبي اعيش ، يبي شي يديد .
المهم المرا استسلمت وقالت له : انت تبي تتزوج ، بس آنه ابي منك شي ما راح اعارض زواجك دام انك مصر . بس ابيك على الاقل حقق لي طلب صغير ، اهو مستانس انتصر: افى تامرين (عيار) اكيد مستانس مرته راضية واهو بروح شهر عسل ما في شي بعكر عليه صفو الليالي والاياام
طيب وقالت طلبها وهو : دام انه فوق قسم اليديدة وتحت قسمي اكتب القسم بإسمي وفوق بأسمها بس حبيت اضمن حقي بكرا لما تتزوج واتييب منها عيال احب اضمن حق اعيالي .
والريال ما صدق خبر ووافق على طول جهز كل شي وكتب القسم لها وبعدها تزوج واستانس الريال وياب مرت تعيش معاها في القسم اليديد.
والزوجة الاولى بعد ما ضمنت حقها وحق عيالها الي هو من فلوسها اصلا : طلبت الطلاق ولا اتحول حياته وحياة مرته اليديدة الى جحيم، طيب واهو بعد ماا سأل فيها وطلقها علشان يتفرغ حق الثانية واعيش ايامه.

طيب الحكاية ما خلصت للحين

المرا هذي اسكنت وياهم بقسمها مو بأسمها وخلاص ما له حق عليها ، شنو سوت ولا اهو اتشبب واهي بعد تزوجت باول واحد تقدم لها (بعد العدة ) ولا يابته معاها اعيش عندها وصار كالتالي : اهي تحت مع ريلها ومطلقها فوق مع مرته

اشرايكم بالي سوته ولا مرا كفو والله هذا الي يبيلهم

ليش لان السالفة ما اخلصت اقولكم حلوة حلوة

الريال ما قدر اشوف مرته او مطلقته بعد (مو مرته) ، متزوجة ريال ثاني وفي وين في بيته وجدام اعيونه ، ههه الريال استخف وراح مستشفى الامراض العقلية لان عقلة ما استوعب العملية لانها معقدة على مخة الصغير ، معادلة صعبة ما توقعها
ها اشرايك يستاهل قلعته ، اهو الي يابه حق نفسة ولا حلال عليه وحرام على مرته مو مرته بعد طلقهاا والبيت بيبتها وبتعبها اهي شفتوا اشلون.
على فكرة كان اسم الايميل الي تم ارساله لي اسمه (سعودية تدخل زوجها مصح الامراض العقلية) قصة حقيقية ترا والله كفو اتمنى ان تكون القصة جديدة عليكم وتستانسون فيها ووتنسون مثل ما آنه اتونسة فيها
ويالله ابي ردود وتفاعل ، اشرايكم