مين تعرف كيف اخلي تشقير الحواجب مايبان بالمكياج

حبيبتي حطي على الحاجب كونسيدر وراح يخفي التشقير انا استخدم كونسيدر من سماش
اولا حطي كريم الاساس بعدين الكونسيدر بعدين البودره
جربي طريقتي وراح تشوفين اللي يرضيك

انا مع الاخت الي قبلي بس اظيف شي اللي هو القلم الابيض للترتيب وجزاج الله خير انك ما تشلين

شوفي شقري ب ماركه ويلا ((بلوند))مرة روعه هي تخلط مع اكسجين
واذا كان شعر حواجبك مررة طويله قصي منها بعد التشقير بس ما انصحك دايم بالقص.........
ومع المكياج حطي كونسيلر وبعدها اللمعه حقت الوجنات
بيطلع روعه

احب اضيف شي في في البودي شوب مسكره شفافه ممكن تمشطين حواجبك فيها في حالت انك ماتقصينها
وكمان ممكن تحطين فوق التشقير اما كونسيلر او في شدو بالون الفضي تحطيه تحت الحاجب

يابنات ليش تساهلتو في القص ترى مايجوز وبعدين اذا قصيتو خلاص مايعتبر نمص !!!!!!!!!
(لعن الله النامصة والمتنمصة)
وآسفة ع الأطالة

القلم الابيض خطير

اول شي بارك الله فيج
لانج ابتعدتي عن النمص
بس بعد انصحج تغطين وجهج قدام الرجال
المهم اول شي استخدمي مشقر جيد
يمدحون JOLEN الاخضر
في كونسيلر خاص للحاجب
هو مثل المعجون تحطينه عالحاجب
انا في الاعراس الممكيجه تحطه على كل حاجبي وبعدين ترسمه بالقلم يطلع روعه
المهم اللي اعرفه انه موجود عند ديور
هذا بس تحطينه عالشعر الزايد مب الحاجب كله وانشالله ماراح يبين شي

غاليتي ،، زونه الحلوة
مساؤك جوري
علشان تخفي عيوب التشقير وكما تفضلت به بعض الأخوات
وضع كريم الأساس بالأول ومن ثم الكونسلير وهو مخفي العيوب ولا أنصح بوضع البودره لأنها تمنع لون الشدو
من الثبات على الجفن ...
وعند إنتهائك من كريم الأساس والكونسيلر ضعي بعضاً من اللمعة تحت الحاجب مباشرة كي يعطي جمالاً آخر وأيضاً حتى يخفي العيوب الأخرى
همسة في أذنكم أخواتي
حاولوا أن تبتعدوا عن قص الحواجب فهو أمر مشتبه به مابين الجواز والتحريم فلا تجعلوا أنفسكم إلى مقربة من
النار لأمرٍ كهذا
أتمنى لكم التوفيق