مين عامل تلقيح صناعي في مستشفى الحرس بالرياض

إشراقة أمل

22-01-2022 - 06:36 pm

رجاء مين عامله تلقيح صناعي في مستشفى الحرس الوطني بالرياض
لأني قدمت اوراقي عليهم وطلبوا مني تحليل ثاني يوم واليوم 21 من الدوره واشعه
ومن زوجي تحليل مني
لكن بعد هذا كله عطوني موعد لمقابلة الدكتور بعد شهرين
صراحه ضاق صدري لأن الموعد بعيد
فرجاء ريحوني
.

مستشفيات

التعليقات (9)

دانه في بطن محاره

22-01-2022 - 09:41 pm

مراحب شوفي ياقلبي مستشفى الحرس ممتاز واللي ربي يكتب له تنجح معاه من اول مره انا عملتها بشهر ذو القعده بس ربي ماكتب لي انها تنجح الاطباء ممتازين عندك الكتوره سمر حسن رئيسة القسم بالمره روعه اتجنبي الدكتوره عفاف نفسها شينه وسمعت كثير باستراحة النساء يشتكون من اسلوبها حتى انهم يتمنون مايطيحون بين ايديها صح مواعيدهم تطول بس اتكل على الله وتابعي وياهم وان شاء الله تبشريني عن قريب

أم الغايب

22-01-2022 - 10:42 pm

أنا مثلك عطوني موعد في 12\4 الشهر الجاي وهو أول موعد وطلبو مني تحاليل مثلك وبسويها الشهر 3 أن شاء الله بس حبيت أسالك وش طابت منك وش قالت لك يعني أنا متخوفه وياليت تقولي لي بتفصيل الممل وش صارمعك في أول موعد معك وفي سؤال ثاني هل الاعلاج يعني قيمت الاعلاج بفلوس لأن زوجي ماهو من منسوبين للحرس ؟؟؟؟

هتـ،ـــ،ـــان

22-01-2022 - 11:43 pm

مرحبا حبيباتي ..
أنا تعالجت في الحرس ..طبعا أنا مو من منسوبين الحرس ..وقرروا لي أطفال أنابيب ..لأن زوجي عنده
قله وضعف بالحيوانات المنويه ..والحمدلله نجحت العمليه ..وانا الحمدلله حامل ..الفال لكم يارب ..
المستشفى بأمانه رائع بما تعنيه هذي الكلمة من معنى ...والأطباء أكثر من رائعين ...وفرق عن المراكز
الخاصه اللي ماعندهم الا نهب الفلوس من غير فايده ..
طبعا اللي سوتلي العمليه الدكتوره سمر ((رئيسة القسم )) صراحة عسل وقمة بالتعامل ...
وعيبهم الوحيد مواعيهم بعيد ..وأنا تضايقت مثلكم ..بس الواحد مايدري وين الخيره فيه ..ومعليش الواحد يصبر
في سبيل انه يتعالج بذمه وضمير ,,,مو مثل الخاص ..
وبالنسبه للأخت اللي تسأل عن العلاج والأدويه ..فتكون على حسابك ..هم بس يكشفون عليك ,,ويعملون عمليات
مجانا ..((كثر الله خيرهم بعد )) ..

إشراقة أمل

23-01-2022 - 12:44 am

مشكورين حبايبي
ريهام العز
أم الغايب
هت،،ان
بس غريبه ي أم الغايب يعطونك موعد مع الدكتور قبل ماتستكملي تحاليلك
هت،،ان هل عينة المني من زوجك سحبوها من الخصيه لأن زوجي معه قله وضعف بالحيوانات المنويه
وطمع بمزيد من المشاركات والإفاده
الله لايحرم الجميع من الذريه
.

هتـ،ـــ،ـــان

23-01-2022 - 01:45 am

قالوا لي يمكن ياخذوها من الخصيه ,,بس الحمدلله كانت العينه اللي قدمها كويسه ,,
والحمدلله تم تلقيحها ...فلله الحمد من قبل ومن بعد ..

angel of jeddah

23-01-2022 - 02:46 am

السلام عليكم ورحمة الله وبركاته اخواتي هذي اول مشاركه لي في المنتدى فأنا والله الحمد لا اشكو من شي في الرحم ولا في المبايض ولكن زوجي يعاني من ضعف بسيط في الحيوانات المنويه وقله في عددها وحددت لي الدكتوره موعد حتى تشوف الإباضه وفي اول يوم الدوره الشهريه ذهبت اليها واعطتني كلوميد وقالت احسبي 11 يوم وتعالي نشوف الاباضه ورحت وشافت الاباضه عند ممتازه وقالت لي نسوي التلقيح الصناعي وخوفي من هذا التلقيح االلي يعرف شي يريحني ويقول وايش نسبة نجاحه ارجو الرد

إشراقة أمل

23-01-2022 - 03:47 am

هت،،ان
ايش عمل زوجك عشان تكون العينه اللي قدمها كويسه
وطمع بمزيد من الإفاده
.

أم الغايب

23-01-2022 - 04:48 am

أنا رحت عندهم ب شهر 11 بالهجري وقدمت تقريري وقالو تعالي بشهر 4 يعني بعد سته شهور وعطوني أوراق تحاليل ثاني يوم من الدوره و21من الدوره وبس هاذي سالفتي بس حبيت أسال يوم الخميس مفتوح المختبر

*صمت الجبال*

23-01-2022 - 05:49 am

انا أراجع عندهم من أكثر من أربعة سنوات
وأول سنة كانت المواعيد كل أسبوعين
وبعدين قرروا علي عملية أطفال أنأبيب
لأن زوجي عنده ضعف شديد في الحيوانات المنوية
لكن قالوا ماراح نعملها لك إلى لما تخفيفي وزنك
وأعطوني تذكرت مرورر
ولمن جيت قبل سنة سولي محاضرة عشان التأخير وحولتني على دكتور كبير في السن أسمة ((.......السلمان
)9وأعطاني محاضرة عشان أخفف ويقول لزوجي وديها الصمان لمدةشهر
وأعطاني تذكرة مرور وصار لي سنتين ما رحت
ولا خففت وكل يوم وانا زايدة
أدعو لي لايابنات إني أخفف وأسوي العملية
والله حالتي النفسية سيئه بالمرة
والله لمن قريت الموضوع جاني حماس إني أخفف وأنا أعرف ما راح أقدر مع إني لمن أروح لأهلي أخف شوي
طلبتك يابنات تساعدوني
ما أبي منكم شيء أبي فقط رسالة منكم بعد فترة فيها تشجيع لي ودعوة
تكسبي فيها فعل خير

دورتي تنقص←
كل مصرية نفسها في نونو تدخل→