ميني ميني ميني شيز كيك شيك وخيال

السلام عليكم ورحمة الله وبركاته
شلونكم يابنات ,,,,,,,,,, عساكم بخير وعافيه
اليوم سويت ميني ميني ميني شيز كيك وطلع وايد حلو
ان شاء الله يعجبكم مثل ما عجبني
المقادير
علبة جبن فيلادلفيا
علبة قشطة
3 أظرف دريم ويب
0جرام زبده
باي فيلنغ بالفراوله ( حشوة الفراوله الجاهزه )
4 حبات جبن كيري
بياله شاي حليب سائل
علبة صغيره بسكويت دايجستف
علبة جيلي فراوله
وطبعا هذي القوالب او اي قالب حجم صغير ويفضل قوالب السليكون
نحط قليل من حشوة الفراوله داخل القوالب ونحطها في الفريزر حتى تتماسك وتجمد
في هذي الفتره نحضر الخلطه البيضاء
ناخذ خلاط العصير ونحط فيه
جبنة الفيلادلفيا والقشطة و الدريم ويب والحليب وجبن كيري
ونخلط المقادير الى ان يتجانس الخليط وبتكون الخلطه ثقيله شوي
بعد ما تجمد الطبقة الاولي نحط الخلطه البيضاء عليها
وتدخل مره ثانيه الفريزر الى ان تجمد تقريبا ربع ساعه
نطحن البسكويت في الخلاط ونضيف له الزبده ويخلط مع بعض
نذوب الجيلي في كوب ماء
بعد ما تجمد الطبقه البيضاء
نضيف خليط البسكويت والزبده عليه
ونرشه بقليل من الجيلي ونقدر نستغني عن الجيلي اذا حبينا نسويه بهذا الحجم الصغير
بس اذا نسويه بالطريقه العاديه في قالب الشيز كيك نشرب البسكويت بالجلي
نحط القوالب في الفريزر الى ان تجمد
وبعد ما تجمد نقلبها في صحن التقديم
وهذي سويتها في قوالب ثانيه
شنو رايكم يابنات
ان شاء الله يعجبكم
ومع السلامه
هذا الحلى اعجبني وحبيت انقله لكم من الاخت البحرينيه احت البطه الله يجزاها خير والقوالب جابتها من محل اسمه المنازل في البحرين ان شاء الله اروحله وممكن وضعها في قوالب سليكون
منقول